الموضوع: تفاصيل المشروع القومى لحل أزمة المرور فى القاهرة الكبرى

المشاركة الأصلية كتبت بواسطة timtim

على كدا الواحد هايدفع فلوس علشان يركن تحت بيته؟؟

ولو بيتك فى شارع رئيسى حايمنعوك تركن تحته

المشاركة الأصلية كتبت بواسطة horas3000

يا سيدي ال 2 لتر استحاله يمشوك 25 كم في الزحمه اللي بنعاني منها دي و يا سلام لو بالتكيف
كمان الحسبه مش بالبساطه امتلاك عربيه في مصر يتبعه مصاريف تانيه كتير

كمان حضرتك ليه بتفترض افتراضات في علم الغيب
عرفت منين ان في مضيفات و لا ان الاتوبيس هيبقي وكر للعشاق
و طالما مفيش معلومات اتقالت عن المسافه اللي ال 6 جنيه هتوديها لك ليه بتفترض الاسوء
الدعم عن البنزين هيتشال هيتشال و اللي ينكر كده يبقي عنده قصر نظر فشوف انت يشيله و يديك بديل ولا يشيله و اخبط دماغك في الحيط و بكره ال 6 جنيه دي متجبش الا لتر واحد او اكتر شويه
و حسب الكلام في شركات هتمسك موضوع الركنه ده و غالبا هيبقي زي اللي كان مطبق في وسط البلد
و انا عارف ان الفساد ناخر البلد بس بحاول اكون متفائل
بص للايجابيات اكتر و دول علي حلول للسلبيات
جلد الذات و التريقه مش هيقدموا و لا ياخروا

و لو حضرتك مش معتبر ان اللي راكب عربيه ده غني فاحب اقول لك دي وجهة نظرك انت
و في كتييييييير جدا لا يشاكروك الراي راي بل يختلفوا معاك كليا و ارجع لمواضيع رفع الدعم عن البنزين و خصوصا ال 95 :) انت تشوف بنفسك

كلام حضرتك مش صح ومش واقعى ومش عملى لكنه متسق تماما مع بياناتك .... فاذا كنت حضرتك تتنقل بين الكويت ومدينة نصر يبقى أكيد ماتفرقش معاك ال 6 جنيه
واذا كنت حضرتك تمتلك سيارتين بى ام وبتحط بنزين 95 يبقى حضرتك حاتفرق معاك ال 6 جنيه ازاى ولا حاتعرف منين ازاى الأتوبيس المكيف كان وكر عشاق .... وأكيد حضرتك كل اللى معاهم عربيات حايبقوا أغنياء ...بس دول اللى معاهم بى ام زى سيادتك ... نص المنتدى الل حضرتك فيه راكب عربيات بالقسط ياباشا

بسم الله ماشاء الله وربنا يزيدك ويبارك لك

[quote=horas3000;3875724555
في النهايه لازم الناس تعرف ان عالميا مفيش حاجه بقت ببلاش خلاص و البلاد مش بتدعم مواطنيها زي الاول الا كام بلد كده ليهم ظروفهم الخاصه
كله بقي بمقابل و ادفع عشان تلاقي
و احنا هنا في مصر كده كده بندفع بشكل مباشر او غير مباشر بس للاسف مش بنلاقي المقابل
فالكلام المكتوب ده يبان من حيث المبدا ان اخيرا هيبقي فيه مقابل
كون الكلام ده يتطبق او لا او هنتفنن كالعاده و نخليه كله عيوب دي قصه تانيه تبان لما المشروع يتنفذ فعليا و ميتطلعش كفته[/quote]
.................................................. .
بسم الله ماشاء الله
هوده كلام السيسى ورجالته بصحيح
كلام ريحته كلها بارفانات مستوردة ومكاتب مكيفة
كلام خلاصته : اللى مامعاهوش مايلزموش

المشاركة الأصلية كتبت بواسطة ashouhdy

بالنسبة للركنة كل العالم كدة ... مفيش حاجة اسمها اقف علي جمب واركن وامشي.

في جراجات واماكن انتظار معينة تقف فيها.

في امريكا كنا في زيارة. نزلنا قدام محل ملابس صديقي قاللي لأ كمل سواقة لحد ما تلاقي يافطة " اركن هنا " park here

مع ان الشارع كان فاضي ومفيش غيرنا.

ركنا علي بعد 200 متر و رجعنا مشي التزاما بالقانون وبالمقابل الشارع فاضي تماما و سيولة مرورية و الاوتوبيسات بتروح و تيجي في وقتها.

يا د.أحمد ... بصرف النظر عن بقية كلامك.... هل دفعتم حاجة للانتظار هناك ؟ فى أمريكا فى أماكن انتظار منظمة ونضيفة ومجانية ....غير طبعا الجراجات والانتظار المدفوع
دلوقتى انت ماعندكش فى القاهرة أماكن انتظار أصلا ... وعايز يمنعك تركن فى شارع رئيسى (يعنى عريض كفاية) ويلزمك تركن فى جانبى (يعنى ضيق غالبا) وبفلوس كمان ... تفتكر ده حل صحيح؟