الموضوع: تفاصيل المشروع القومى لحل أزمة المرور فى القاهرة الكبرى

المشاركة الأصلية كتبت بواسطة horas3000

متقولش حاجه
لان مفيش حاجه تتقال
الواحد بس بيستغرب و يتعجب لما تكون دي نظره و تفكير الناس المتعلمه و اللي حالها ميسور اومال الجهله و اللي فعلا مقضينها يوم بيومه بيفكروا ازاي
و انا مشفتش حد بيدعي الفقر قد المصريين بصراحه
تلاقي الواحد من دول ماسك احدث موبايل و مقضيها مكالمات و نت و تصوير في مولات و مصايف و الحياه زبادي خلاط
و يجي علي حاجات بسيطه و يقولك منيييييين

معلش يا بيه يبقي حضرتك شوفت 20% بس من المصريين ومشوفتش ال80% اللى بيموت منهم الكتير فى مستشفيات التامين الصحي و المستشفي الميري فى الاسكندريه - ومشوفتش الناس اللى بتشتري عضم عشان تعمل بيه شوربه - لو حضرتك مروحتش القصر العيني او ابو الريش ف ياريت تروح مره زياره واكيد هتغير رأيك

المشاركة الأصلية كتبت بواسطة ahmed1981

الشكر الجزيل لصاحب الموضوع وناقل الخبر

تعليقي على الخبر:ـ

خطة قومية
والثالثة كمان عشان تسأل على هما إيه الإتنين اللي قبلها

خطة من 57 إجراء
إيه هما يا إعلام يا حكومة يا دولة

عد معايا :ــ
ـ1ـ تشغيل خطوط أتوبيسات مكيفة بتذكرة حد أدنى 6 جنيه عدد 3000 أوتوبيس
ـ2ـ تأجير جراجات
ـ3ـ فتح الجراجات المغلقة
ـ4ـ منع الباعة الجائلين
ـ5ـ منع الركن في الطرق
ـ6ـ منع المواقف العشوائية للمكروباصات
ـ7ـ ؟؟ـ
ـ8ـ ؟؟ـ
ـ9ـ ؟؟ـ
.
.
ـ57ـ

فين بقيت البنود ؟
مفيييش

أنا بقرأ البنود المذكورة في الخبر الطويل قوي
كأني أقرأ سرد لوظيفة المحافظات والأحياء والشرطة
سرد لمهام عمل موظفين المحافظة والحي والمرور

يعني من الآخر الأجهزة التنفيذية في المحافظة والحي هيشغلوها
طيب ماشي الموضوع مش محتاج إستئذان


البند الأول مشروع الأوتوبيس المكيف كبير الحجم نسبياً

إتنفذ سنة 1997 وكان في بدايته روعة
والتذكرة 2 جنيه
وتبخر من الوجود مع الزمن

هينفذوه صح المرة دي ؟
أفلح إن صدق
والتذكرة تبدأ من 6 جنيه
أكيد وقتها بنديرة التاكسي هتبقى 10 جنيه
ما هو عصر الغلووو

برضه أفلح إن صدق

البند الأول أوتوبيس مكيف
من بند 2 إلى 6 قيام الموظفين في الأجهزة الخدمية (محافظة حي شرطة) بعملهم
يا تشغلوهم يا تحلوهم

باقي ال 57 خطوة بيقولك في الخبر كلمة خطيرة قوي
أنهم بينفذوها بتكتيم شديد
خطير قوي الكلام ده ومبهر

أجمل حاجة هو العنوان في جريدة السابع
إزاي تبهر الناس بأي كلام بعيد عن صلب الموضوع
والجميل إنك بعد كده متحكيش صلب الموضوع
تكتفي يإبهارهم وبتكرار رقم 57 في الموضوع حوالي خمس أو ست مرات
مشروع قومي من 6 نقاط معلومة والباقي مكتمين عليهم
!!!!!!!!!!!

بخصوص البنود الستة الموطنين المصريين موافقين عليها من سنين
وبيدفعوا رواتبهم من ميزانية مصر من سنين

شغلوا المرور والشرطة والأحياء والمحافظات لو تقدروا
وأفلح إن قدر

ـ

الله ينور عليك

المشاركة الأصلية كتبت بواسطة mazagangee

ومين بقى هيدفع 6 جنيه تذكرة ؟ ليه رايح فين ؟
الموظف اللي مرتبه 1000 جنيه هيدفع شهربا = 2*6*26 = 312 جنيه ......... يعني تلت مرتبه مواصلة واحدة

ياباشا مايصحش تقول كده..ده انت حاتاخد خدمة طيارات
وبعدين هو يصح يبقى معاك موبايل بتتكلم فيه وبتصور بيه وتيجى ع الحاجات الهايفة دى وتقول منييييييين؟ شعب بيدعى الفقر صحيح

بالمناسبة

شركة الحاج سيد الانجليزي " اللي هي ميني باصات خضراء "

عملوا ميني باص ب 5 جنيه فيه واي فاي وشواحن وتليفزيون و عدد 12 راكب فقط ومكيف وعرضوه على وزير النقل والوزير رفض من غير سبب وخلاهم لغوا المشروع وبعدها نزل ال smart bus الفاشل ده.

واحد قريب صاحب الشركة كان موريني الباص اللي كانوا هينزلوه ولكن الدولة رفضت.