هيونداي ماتريكس 2008 بتفصل كهرباء وهي ماشية رجاء المساعدة,
المساعدة يا رجالة العربية فجاة وهي ماشية تحس ان حد فصل الفيشية عنها حتي الفرامل مش شغالة راحت مركز صيانة معتمد من التوكيل فى الرحاب , قولي احنا جربنها ومفيش اي حاجة و نضفوا الانجكشن و السلام عليكم و خدوا 180 جنية بعد اسبوعين الموضوع رجع تاني ..... يا جماعة والله انا و العربية كنا حنروح بالسلامة بس الحمد لله ......... ارجو المساعدة ولو فيه مكان كويس او حد اتعرض لمثل هذه المشكلة يوضح الاسباب وربنا يكرمكم ويستر طريقنا جميع
متابع
وانت ماشي بيها عادي بتطفي وتدورها تاني تدور وتمشي عادي
الف شكر على الرد السريع ربنا يبارك فيك ..... اول ما تطفي بتدور بتشتغل على طول ..... بس طبعا انت مش بتستوعب وانت سايق ايه اللي بيحصل لانك بدوس على الفرامل مش بتشتغل
مفيش اي حد يساعد يا رجالة :)
هو فيه حاجه غريبه فى كلام حضرتك
هاحاول اراجع معاك الكلام بالراحه
حضرتك وانت ماشى فجأه العربيه بتبطل منك - الغريب انك بتقول ان الفرامل مش بتبقى شغاله
المفروض ان الفرامل تفضل شغاله عادى جدا لمدة 3 أو 5 دقائق وبعد كده تحجر معاك - وفى كل الاحوال لازم يكون فيه استجابه ولو حتى بسيطه من الفرامل !!!!!!!!!
نرجع للمشكله بتاعت حضرتك
اولا لازم تحط العربيه على الاسكانر
ثانيا فى رأيي ان اللى انت بتتكلم عليه ده مشكلة كهرباء وفى الاغلب هايكون حساس الكرنك - ده عيب العربيات الهيونداى بشكل عام والانترا بشكل خااااااااااااااااااص
الف شكر على الرد ... واسف لان معلوتي ضعيفة جدا فى الموضوع ده هو الاسكانر ده الجهاز اللي بيركب تحت الدريكسيون وبيكشف بيه على العربية ... وده بيكشف اذا كان حساس الكرنك فيه مشكلة والا لا... لانهم ركبوا الجهاز ده وقالولي مفيش حاجة ... نضفوا بس الانجكشن .... واسف على الاطالة ... وشكرا مرة اخري ربنا يخليك
check the battery condition and terminals
check the alternator and belts
ignition and fuel relays
اعمل فحص بالعربيه علي الكمبيوتر في اقرب مركز خدمه معتمد واحتمالات كبيره حساس كرنك
حاول تقف معاهم شويه عشان العربيه تتطفي وانت هناك هايتعرف العيب من ايه
المشكله دى حصل معايا زيها و طلع الكابل السالب كان مفكوك مسماره شويه ف بيفصل
اقتباس:
المشاركة الأصلية كتبت بواسطة rshemary
بورت الاسكانر فى اغلب العربيات بيكون تحت الدريكسيون - تحت صندوق القفازات اللى هو درج التابلوه - وراه عصاية الفتيس واعتقد عندك بيبقى تحت الدركسيون
طيب انت ايه الاحتمالات اللى ممكن بسببها ان العربيه تفصل
1- كابل بطاريه مش راكب كويس وبيتهز ---- أكد على كابل البطاريه
2- كمبيوتر العربيه بيهيس او بيهنج ----- أفصل الكابل السالب بتاع العربيه لمدة 10 دقائق وركبه تانى وجرب وشوف
3- حساس الكرنك بايظ ------ المفروض يتسجل على الجهاز وساعتها لازم تغيره
4-مشكله موبينه بتفصل ----- راجع على منظومة الاشعال كلها
5- طرمبة بنزين بتفصل - تراجع وصلاتها واذا كانت سليمه يبقى العيب فى الموتور الداخلى
6- فيوز سايح ومش ماسك فى مكانه صح ------- راجع علبة الفيوز الموجوده فى كابوت العربيه وعلبة الفيوز الموجوده فى الكابينه
ربنا يوفقك