شكر و تقدير للمهندس هانى -Speed Service

عايز اشكر المهندس هانى على اللى عمله معايا امبارح و طبعا الهدف الاول من الموضوع ده هو الشكر للمهندس هانى , ثانيا علشان احكى للناس تجربتى
امبارح و انا رايح الشغل فولت العربية و بعدها على طول لاقيت ريحت بنزين فى العربية قلت مش مشكلة ده اكيد من الواقفه فى البنزينة مشيت بالعربية و ركنت و طلعت شغلى و خلصت الشغل و نزلت ادور العربية لاقيت برده ريحة بنزين قويه جدا ,, الله فى ايه يكون الراجل بتاع البنزينة ما قفلش التنك كويس - نزلت بصيت على التنك و غطاء التنك كله تمام كله ده وريحة البنزين بتزيد , روحت فاتح الكابوت ,, لاقيت شجرة البنزين مش شجره لاقيتها مصفه بنزين و بتجيب بنزين من كل جته فيها غير الاخرام الكتيره اللى فيها و مغرقة الماتور و الارض و ده كله بدون اى مقدمات
روحت متصل على طول بالمهندس هانى قالى بطل العربية و بلاش تتدور احسن لان ممكن العربية تولع و راح بنفسة متصل بشركة الفرسان لاوناش السيارات و قعد يتابعهم لغاية ما وصلوا عندى و رفعو العربية و وصلنا على مركز speed service و كان الوقت اتاخر المهندس هانى كان عايز يقولى سيب العربية للصبح بس اتكسف منى و اشتغل فيها متاخر و خلاصها متاخر و خدوا بالكم ان التنك كان على اخره لانى كنت لسه مفول و ده شيىء صعب جدا لاى حد حغير شجره البنزين و الحمد لله الدنيا اتظبطت و كل شيىء تمام
الاستفادة من الموضوع
1- اوعى تتعامل مع شركة الفرسان غاليييييين جدا واخدين فى التوصليه ده 300 جم ببقشيش السوائق اللى بيتفق عليه الشركة و السواق معاك قبل ما يجيلك ( المشوار من الكورنيش الساحل لغاية جسر السويس )

2- اوعى تمشى و شجرة البنزين فيها مشكلة حفاظا عليك و على العربية البنزين شيىء خطير

شكرا للمهندس هانى . انت اخ عزيز جدا