السلام عليكم احلى رجالة ووحوش الشيفورليه
عربيتي اوبترا اتوماتيك وكنت عايز اجيبلها جهاز انذار محترم وقوى ومدى الريموت كبير .. وخواصه كثيرة .
تنصحونى بأيه ؟؟
انا كنت في شارع دمشق عند الامبراطور من اسبوعين وسألته على جهاز spy5000 .. قالى مش موجود وبطل ينزل وفيه مكانه الوولف او حاجة زي كدة .. بس مرضيتش اشتريه قولت اخد رأي وحوش المنتدى في الاول اخواتى واصدقائي

ثانياً:
نفسي ماغيرش مفتاح الريموت بتاع الاوبترا .. يعنى لو جهاز الانذار ده ينفع يشتغل او يتظبط مع ريموت العربية الاصلى يبقى حاجة زي الفل ..

اخيراً
كنت عايز اجيب وحدة دوراة للعربية .. يعنى ادور العربية من الريموت عشان ببقى مستعجل الصبح وصاحى متاخر فببقى عايز ادور العربية من الريموت تحت البيت وعقبال ما البس واخلص واجي انزل تكون سخنت ..
هل اقدر اركبها عادي ولا ليها عيوب فنية على العربية ؟؟

شكرا جزيلا لمساعدتكم المستمرة :)