Dear friend i agree with you and I definitly reserved the c180
Sport
I want to thank u because u give me
Some details about the categories
Have good day
عرض للطباعة
انا هجيب ال e200 وفرق سنة او سنتين من الموديل الزيرو مش حكاية بس طبعاً على حسب هيا ماشية كام كيلو والحالة العامة من برة .. وطبعاً ال c -class الجديدة فخامة السنين ومبهرة جداً وهتاخد العين بسرعة عشان الناس مبتسيبش حد في حاله
حضرتك عندك حق ،
لكن حضرتك جربت تقعد في ال c الجديدة ؟
أنا فعلا كنت محتار جدااااااا
أنا في السعودية فأكيد لا أمتلك رفاهية الأختيار للمستعمل في مصر ،
وطبعا الفئة E تحفة لكن سعرها زيرو عالي جدا علي ،
بصراحة أنا ركبت السي الجديدة في السعودية حاسس بفرق شاسع بين القديم والجديد طبعا لصالح الجديد ،
وده بالنسبة للركوب لكن الشكل الخارجي فدي أذواق ،
أنا عندي مشكلة صغيرة وهي أني مش بعرف أشتري أي حاجة مستعملة مهما كانت ، بحس زي ألي داخل يتجوز
واحدة مطلقة مع أحترامي لأخواتنا المطلقات حفظهم الله ، وكنت خلاص بخلص في الفئة E موديل ٢٠١٢ ونضيفة جدا بس زي ماتقول عندي عقده فتأخرت أني أرد علي صاحبها وباعها ، قلت يبقي ربنا أراد لي ال C .
معلش رغيت كتير ، شكرًا علي أقتراحك المحترم .
علي فكرة أفتكر واحد صاحبي ياباني بيشتغل معايا قالي حاجة أخدتها قاعده في حياتي ،
لو هتشتري عجلة جديده أحسن ما تشتري عربية مستعملة ،
وللأسف علشان كده أتأخرت علي الرد لصاحب العربية e ، وحجزت ال c
أما بالنسبة لعيون الناس فالعين حق ولكن آتذكر مقولة للشيخ الشعراوي رحمه الله :
ضرر البشر لك أو نفعهم لك مرتبط بأرادة الله ، فلا تجذع .
شكرًا لك علي رأيك المحترم
هوا حضرتك حجزت من انهي فرع .. اناحجزت من الفرع اللي متفرع من ش جسر السويس .. هل فيه فروع تانيه ..
انا في ورقه الحجز مكتوب لون اول ولون تاني والوان الفرش
عموما انا حجزت الفئه التابع افنجارد وسعرها ٤٢٠
ومقدم حجز ٤٠ ومكتوب في الاستلام الربع الاول من ٢٠١٦ هل فيه حد عنده اختلافات
أنا حجزت من عندنا في أسكندرية ،
وعلشان أنا مسافر أخويا هو ألي حجز ،
شوف حضرتك أخويا لما راح يحجز قالوا له أن الحجز واقف لحد تسليم الدفعات السابقة ،
وقالوا له فيه حجز للحجز ، يعني تبقي علي لائحة الأنتظار ،
دفع 5 ألاف جنيه دلوقتي وال ٣٥ لما يفتحوا باب الحجز الأصلي ،
بس هما خدوا من أخويا كل بياناتي واللون ألي أنا عاوزه ( الأبيض ) طبعا ، وأخترت الفئة قبل الأخيرة ( سبورت ) ،
تمنها 465 ألف والتسليم من شهر مارس ألي شهر مايو ٢٠١٥ والحجز الرسمي في نوفمبر 2014 .
هو ده ألي حصل
لو مكان حضرتك هاختار برضه ال c180 زيرو و اللون الابيض ما شاء جميل. الواحد ما يجيلوش قلب يدفع المبلغ ده في مستعمل و بعدين الاحساس بالزيرو و رائحه الفابريكه فيها لا يقدر بثمن ده غير طبعا ان العربيه نفسها تحفه. توكل علي الله و تستلم علي خير ان شاء الله و ربنا يديلك خيرها و يكفيك شرها و يحميها من شر العين
انا رايي بدام حدفع فوق ال ٤٠٠ يبقى اركب e مش c ودي وجهه نظري