مساعده فى فوانيس الهبونداى اكسنت ار بى

**atyam** · 27-08-2014 11:22 AM

السلام عليكم

من فتره كنت ركبت فوانيس للاربى اللى فيها لينس وليد ولاحظت اليومين دول ان الفوانيس من جوه فيها تراب مش موضح نور الزينون فعايز اشوف حد يكون كويس وخبير يفكك الفوانيس يلمعها ويقفلها تانى بس يكوت متخصص

فياترى حد يعرف حد فى الحرفيين مثلا او قريب من مصر الجديده ومدينة نصر

**hamada6050** · 27-08-2014 12:13 PM

المشاركة الأصلية كتبت بواسطة atyam

السلام عليكم

من فتره كنت ركبت فوانيس للاربى اللى فيها لينس وليد ولاحظت اليومين دول ان الفوانيس من جوه فيها تراب مش موضح نور الزينون فعايز اشوف حد يكون كويس وخبير يفكك الفوانيس يلمعها ويقفلها تانى بس يكوت متخصص

فياترى حد يعرف حد فى الحرفيين مثلا او قريب من مصر الجديده ومدينة نصر

والله ياباشا انا عايز واحد يعمل القصة دى برده

**drcobra** · 27-08-2014 12:23 PM

فعلا انا حاسس ان الفانيس بتترب من جوة
ياريت لو فى تجربة نظافة للفوانيس حد ينقلها

**msobhy** · 27-08-2014 12:33 PM

حضرتك مش محتاج حد يفكها
انت بمنتهى البساطه ممكن تعملها
ازااااااااااااااااى
1- هاتفك الفيش اللى راكبه على الفانوس - وفك المسامير اللى ماسكه الفوانيس على جسم العربيه هاتلاقى الفانوس بقى فى ايدك
2- هاتجيب وعاء كبير وتملؤه ماء و أى صابون سائل وتفضل تضخ ماء بصابون جوه الفانوس
3- بأسفنجه اعمل رغاوى كتييييييييييييير على حواف الفانوس مكان السيلكون وتنفخ فى الفانوس مكان فتحة اللمبه هاتلاقى فيه فقاعات ظهرت فى مكان من اماكن لاصق السيلكون - تعمل عليها علامه واضحه
4- اغسل الفانوس جيدا وسيبه شويه صغيرين ينزل الميه بتاعته وقبل ما ينشف بنسبة 100% غرقه من جوه جلانس او أى ملمع زجاج
5- سيب الفانوس ينشف وارجع للعلامات اللى عملتها مكان التسريب ونظف حوالها كويس والصقها بسيلكون حرارى

فى الاغلب الموضوع هاياخد منك شغل 3 ساعات شغل + 10 جنيه جلانس + 7 جنيه سيلكون حرارى + 5 جنيه كوباية شاى بنعناع (ما انت لازم تدلع نفسك برضو)

طبعا مش هايضر لو سرقت حتة معجون اسنان من النوع المبيض اللى فيه حبيبات ولمعت بيه الفانوس وانت فكه بالمره

نصيحه اشتغل بأيدك
والله لولا انى عندى ظروف كنت ظبطت معاك وكنت عملتها لك
صباح الفل

**Mecha** · 27-08-2014 01:49 PM

5 جنيه كوباية شاى بنعناع (ما انت لازم تدلع نفسك برضو)
معَلمه , اعز الشغل دا وكعب دخان معاهم

**atyam** · 28-08-2014 08:35 AM

تقريبا مفيش حد عدل فوانيس هيونداى قبل كده :)

**msobhy** · 28-08-2014 09:58 AM

صحيح نسيت أقولك - لما تفك اللمبه متلمسهاش بأيدك خاااااااااااااااالص (قال يعنى انت هاتعمل اللى انا قلته قبل كده اساسا)

**Mohamedjetta** · 28-08-2014 11:38 AM

المشاركة الأصلية كتبت بواسطة atyam

أوعدكم اول موصل واخلصها هنقلكو التجربه

والله ياباشا انا احى فيك انك بتحب تعمل الحاجه بايدك
بس بصراحه انا مبعرفش اتعامل فى الحاجات دى وبضرب لخمه وممكن حاجه تتكسر او تبوظ منى فبفضل انى اعملها عند حد متخصص بدل مبهدل الدنيا :)

هههههههههههههههههه زيي بالظبط
انا مره رجعت البيت لقيت جزء من الرفرف هرب من مكانه طالع لفوق رحت حلفت اني اعمله وفعلا فكيت المسمار ورحت رجعت الرفرف لمكانه الطبيعي وظبطه مع الرسمه بتاعت العربيه زي التوكيل وبعد كده ركبت المسمار والعمليه مخدتش معايا 10 دقايق بس كان معايا اخويا ماسكلي الرفرف سانده