دخنه من الاكسنت 1300 موديل 2005

**Abo_Mazen** · 27-08-2014 07:57 PM

المشاركة الأصلية كتبت بواسطة ايمن فهمى

اسباب ظهور الدخنه والريحه هى عدم ظبط هواء الكربراتير + حاله البوجيهات
وحاله حضرتك كده ظهرت وهى ان الميكانيكى والكهربائى بوظو الدنيا زى ما العضو المحترم m_m_sh_a مقالك
وانشأ الله سهله هى محتاجه مركز بيفهم مش ميكانيكى
ورأى فى هنا فى المنتدى مركز اسمه سبيد سيرفيس الناس كلها بتشكر فيه وناسه محترمه جدا روحلهم
وبالتوفيق

**amostafa85** · 27-08-2014 08:04 PM

@m_m_sh_a العربيه عندى مافيهاش كمبيوتر للاسف دى 1300 كربراتير موديل 2005 الشكل القديم ..

ممكن حضرتك تصلحلى المعلومه لو فيها كمبيوتر

@ايمن فهمى طب دى اشمعنى انها تفرق ان لما تكون العربيه بارده واشغلها اشوف الدخنه واشم الريحه
ولما تسخن بيختفى الاتنين دخنه وريحه
بس لو حرقت الدخنه بتظهر كانها حاجه مكتوه و بتطلع كده ....

**ايمن فهمى** · 27-08-2014 08:34 PM

الصبح وانت بتدور والعربيه بادرة بتشوفها لان دى بتبقا رواسب بيتا
سواء كانت فى الكربراتير او الشكمان وغالبا والله اعلم كمان علشان البوجيهات بتبقا لسه مسخنتش
اما وهى سخنه لانك بتكبس هواء زيادة وبنزين فيتحرق بالصورة اللى انت بتشوفها
( دى وجهه نظرى )

**amostafa85** · 28-08-2014 10:54 AM

@ايمن فهمى طب تنصحنى اتتبع الموضع ازاى ايه الخطوات اللى اعملها علشات اعرق السبب واحل المشكله دى

وكمان كان فى عضو Mecha بيقول اتاكد مافيش مايه بتنقص عاوز اعرف لو المياه بتنقص يبفى ايه السبب ؟ .

**ايمن فهمى** · 28-08-2014 02:08 PM

انصحك زى مقلتلك بمركز سبيد سيرفيس اللى تبع المنتدى هنا ومتقلقش دى انواع مشاكل صغيرة بالنسبه للعربيات
وهتتحل انشاء الله
اما بخصوص نقص المياه فممكن يقصد العضو Mecha ان يكون وش السلندر بايظ وبيدخل ميه على البنزين فبيبوظ الخلط ( والله واعلم هو يقصد ايه تانى غير كده )
بس انا استبعدت دة لان العربيه مبتقطعش ومبتنتش وهى ماشيه

**amostafa85** · 28-08-2014 04:46 PM

@ايمن فهمى معلشى انا لو روحت المركز ده لازم يشوف العيب والعربيه بارده ولا ساعتها مش هاتقرق و لو ممكن حضرتك نقولى العنوان والاسعار كام عندهم لو تعرف ؟

**amostafa85** · 28-08-2014 05:02 PM

وسؤال كمان وظيفه الفابكوم ده ايه وهل هو مسمار ولا خراطيم ولا ايه بظبط ؟ وعلاقته بتكييف بس ولا حاجه كمان ؟

علشان انا ملاحظ صوت العربيه بيعلى اوى وجدا اول ما بشغل التكيف وده حصل بعد ما الميكانيكى قالى لروح للكهربائى خليه يبص على الفايكوم علشان العربيه مش بتعلى مع التكيف

**Abo_Mazen** · 28-08-2014 05:22 PM

المشاركة الأصلية كتبت بواسطة amostafa85

وسؤال كمان وظيفه الفابكوم ده ايه وهل هو مسمار ولا خراطيم ولا ايه بظبط ؟ وعلاقته بتكييف بس ولا حاجه كمان ؟

علشان انا ملاحظ صوت العربيه بيعلى اوى وجدا اول ما بشغل التكيف وده حصل بعد ما الميكانيكى قالى لروح للكهربائى خليه يبص على الفايكوم علشان العربيه مش بتعلى مع التكيف

حضرتك قلت إن العربيه كابراتير ..وبعدين رجعت قلت مسمار فاكيوم . ..مسمار الفاكيوم ده تلاقيه في البوابة بتاعة المنافولد في عربيات الحقن الإلكتروني ..هي مشكلة كاربراتير أو مشكلة مسمار فاكيوم ..روح مركز الصفا اللي العضو المحترم قال لحضرتك عليه وهو هيتعامل

بس أنا إتكلمت على أساس إن العربيه حقن إلكتروني بناء على كلمة مسمار الفاكيوم

ومتقلقش حضرتك ..هي فعلا مشكلة خليط وقود غير جيد

**amostafa85** · 04-09-2014 11:31 AM

http://nileup.com/up/uploads/nilemotors_14091493261.jpg
شكرا لكل الاعضاء اللى ساعدونى فى تتبع المشكله . انا استخرت ربنا وروحت على ورشه الرداتير تانى اللى قريبه منى فى المطبعه هرم اسمها كربراتير شبرا روحتلو وحكيت المشكله كلها .
قعد يدوس بنزين جامد كده وقالى اللى بيطلع ده تخزين وقالى لازم اشوف العربيه وهى بارده المهم سبتها عندو يوم التلات بليل وروحتلو الاربع بعد الشغل
ودور العربيه وشاف الدخنه وبعدها فتح غطا الكربراتير لقى البوابه اللى جوه قافله "اللى لونها دهبى الصورة فوق" عرض عاليا ان يسيبه مفتوح على طول بس انا معرفش ايه الاضرار من انا الشفاط يبقى مفتوح على طول و قولتول خلينا زى مالخواجه شغال بص كده لقى سوسته معلقه جنب الكربراتير ظبها بمفك وبعدها عالطول الدخنه راحت الحمد الله
وجربت النهارده الصبح الحمد الله مافيش دخنه

بس عندى استفسار على حاجتين :

الاول لو كان ساب البوابه ده مفتوحه هو بيقول السخان او الشفاط "البوبه الدهبى اللى فى صورة الكربراتير" ايه اللى يحصل ؟

تانى حاجه عندى نسبه شك بسيطه انا بتاكل بنزين وملاحظ ان لما ادى العربيه غيار الاول او تانى واشيل رجلى من على البنزين العربيه بتمشى لوحدها على الهادى ده بردو معناه ايه?