دخنه من الاكسنت 1300 موديل 2005

**amostafa85** · 27-08-2014 11:35 AM

السلام عليكم ورحمه الله وبركاته
انا اول مرة اشترك هنا بموضع وقلت اجرب احكى المشكله و ان شاء الله حد يفيدنى
عربيتى اكسنت 1300 سى سى موديل 2005 كان عندى مشكله فى دورة المايه بتاع العربيه المهم روحت لميكانيكى وبص قالى فى مشكله فى طبه بتاع المتور و المنفولد ولازم تغير الطبه و ياتجيب مانفولد استيراد او نخرط مواسير المايه اللى مصديه فى المنفولد ..
فك المنفولد بلكربراتير و بعتهم مخرطه وغير الطبه
بعد ماركب المنفولد وكلو بقى تمام خدت اجرب العربيه حاسيت ان صوتها عالى اوى وكمان لام اكون مديها غيار وشايل رجلى من على البنزين حاسس ان العربيه بتمشى لوحدها .
رجعتله تانى وقولتلو القصه دى . لعب هو فى حاجه فى الكربراتير و قالى روح للكهرباءى كمان خاليه يبص على الفايكوم وقوله العربيه مش بتعلى لما اشغل التكييف .
روحت للكهرباءى لعب فى حاجه فى من عند الكربراتير وقالى كده تمام بس بردو حاسس ان العربيه صوتها بقى اعلى من المعتاد لما بشغل التكيف .
سافرت بلعربيه وتانى يوم نازل ادورها ملاحظ صوت العربيه هادى جدا انبسط بس بشم ريحه بنزين بسيط على الشكمان لقيته بيطله دخنه سمرة كده .
الريحه والدخنه بتروح بعد لما الرعربيه تسخن بس اما بزود بنزين بشم الريحه وبشوف بردو دخنه خفيفه .
و كمان العربيه بتبطل على السلانسيه ولما اكون بدوس دبرياج على الاول والتانى بس
كلمت الميكانيكى قالى روح لحد بتاع كربارتير ز
روحت فتح الكربراير وهو فى مكانه نضفه ولعب فى مسمار الهوا ولعب فى الاسبراتير بتاع الكهربه وجربنا ندوس بنزين جامد مبفتش تطلع ريحه ولا دخنه .
المهم تانى يوم رجعت المشكله تانى دخنه خفيفه وريحه بنزين فى التسخيت بتختفى لما اسخن و تظهر لما دوست بنزين جامد .
اسف على الرغى

**ايمن فهمى** · 27-08-2014 12:54 PM

حاله البوجيهات ايه
لانها لو قديمه وحرقه هتعمل كدة
ولو جديدة اعمل بالعربيه مشوار على الطوالى واقرص على الغيارات هتلاقى كله تمام انشاء الله

**Mecha** · 27-08-2014 01:29 PM

االميانيكي الاولاني
خرب الدنيا
لعب ف ضبط الكربراتير موكد .ممكن كسر حاجه
فيه بنزين كتير رايح ع المنافول

اتاكد ةمفيش ميه بتنقص

**amostafa85** · 27-08-2014 02:15 PM

@Mecha طب لو فيه مايه بتنقص ده معناه ايه ؟
وايه علاقته ب الدخنه اللى مع التسخين الصح وريحه البنزين اللى بشمها سواء كنت بسخن او دوست بنزين زياده ؟

@ايمن فهمى الرجال بتاع الكربراتير بص على البوجيهات وقالى كويسه امشى عاليها اسبوع كده خليها تلم الوساخه وبعدها غيرها

**kimo haider** · 27-08-2014 03:03 PM

متابع

**ايمن فهمى** · 27-08-2014 03:18 PM

" الرجال بتاع الكربراتير بص على البوجيهات وقالى كويسه امشى عاليها اسبوع كده خليها تلم الوساخه وبعدها غيرها "

طيب منين هى كويسه ومنين قلك كده وهتغيرها بعد اسبوع ( معلش مش فاهم )

**amostafa85** · 27-08-2014 04:15 PM

@ ايمن فهمى بص انا اللى قولتله نغير البوجيهات بص عليها وقالى كويسه ولو عاوز تغيرها سبها اسبوع كده ولا حاجه تلم الوساخه وغيرها . بس انا متاكد انها بدات تتحرق خلال اليومين دول من اول ما الدخنه بتظهر و بقيت اشم ريحه البنزين .
انا عاوز افهم بس ايه اسباب ظهور الدخنه والريحه مع التسخين والعربيه بارده .
وكمان ظهورها لو وكبست بنزين جامد بتظهر خفيف جدا . مع العلم ان العربيع فايقه وسحبها حلو جدا

ان رفعت صورة الكربراتير والعربيه بارده فى بوابه كده ده مقفوله خالص والعربيه بارده
وطبعا لما قاتتحت الغطا بتاع الكربراتير شامم ريحه بنزين وشايف هباب على جدران من جوة

**amostafa85** · 27-08-2014 05:22 PM

الصورة دى للكربراتير والعربيه بارده حوالى 6 ساعات . البوابه اللى فى الصورة ده مقفوله على الاخر ... جايز تفيد فى سبب المشكله ؟

http://nileup.com/up/uploads/nilemotors_14091493261.jpg

**Abo_Mazen** · 27-08-2014 07:20 PM

الفاكيوم ..أوباااااااا

المشكلة عندك إن مسمار الفاكيوم ده إتلعب فيه ..ومسمار الفاكيوم ده من كتر ما هو دقيق وضبطه ليه معايير في الضبط ..المصنع بيشمعه ..أو بيحط عليه سليكون عشان ميجيش واحد من المفتيين اللي ماليين البلد يلعب فيه ..

مسمار الفاكيوم ده بيتضبط بالكمبيوتر ..مفيش حاجه إسمها مسمار الفاكيوم عاوز يتضبط أقوم رايح لكهربائي يلعب في حاجه يقوم الكهربائي يقولي إتضبط

مسمار الفاكيوم بيتظبط بالكمبيوتر ..بس إزاي بقى بالكمبيوتر مش عارف ..أنا قريت هنا في المنتدى إن هو بيتضبط من خلال العادم ..يعني بيتقاس نسبة العادم وتفضل تضبط في المسمار ده لغاية الدنيا ما تضبط معاك

رأيي ..متحيرش نفسك كتير ..مسمار الفاكيوم لو ضبط هتلاقي الدنيا راااااااااااقت ..شوف مركز متخصص في صيانة الهيونداي أو مركز متخصص في علاج العوادم يضبطلك المسمار ده كمبيوتر ..مش عمياني كده

**ايمن فهمى** · 27-08-2014 07:34 PM

اسباب ظهور الدخنه والريحه هى عدم ظبط هواء الكربراتير + حاله البوجيهات
وحاله حضرتك كده ظهرت وهى ان الميكانيكى والكهربائى بوظو الدنيا زى ما العضو المحترم m_m_sh_a مقالك
وانشأ الله سهله هى محتاجه مركز بيفهم مش ميكانيكى
ورأى فى هنا فى المنتدى مركز اسمه سبيد سيرفيس الناس كلها بتشكر فيه وناسه محترمه جدا روحلهم
وبالتوفيق