استفسار هام عن عيب فتيس اوتوماتيك واستيراده

عندي تويوتا كورولا 1994 اوتوماتيك 1300 سي سي كربراتير شاريها من 4 شهور
الفتيس فيه العيوب التالية :
1- رعشه جامده في السرعات البطيئة خاصة لو ماشي في زحمة او اشاره والرعشه صباحا بتبقي عاليه جدا جدا لدرجة انك ماتقدرشي تقعد في العربيه

2- الغيار الخلفي r في هبده ورزعه جامده جدا فقط لما الماكينة تسخن لكن لو بارده مافيش حاجه

3- العربيه بتنط جامد أول ما اجيب ال d

غيرت قواعد موتور + زيت فتيس + فلتر هوا + فلتر بنزين + بوجيهات وطقم سلوك

مافيش اي تحسن نهائي

اتصلت بواحد اسمه عمر اوتوماتيك في صقر قريش وجبت رقمه من هنا في المنتدي
وقولتله علي الاعراض دي كلها

قالي العيب ده في الكنترول اللي في البلوف ومالوش قطع غيار ولازم واحد استيراد
طبعا انا مش فاهم اللي قاله عشان كده بستفسر

1- لو غيرت الفتيس فعلا كل الاعراض دي هاتروح
2- أشتري فتيس كويس منين وبكام
3- هل ينفع اقلب انجكشن مادام كده كده هاغير الفتيس
لان ناس كتير بتقول لو عايز افضل واقصي اداء من الاتوماتيك يبقي يفضل انجكشن
4- هل أغير فعلا الفتيس ولا ابيع العربيه واشتري عربيه انجكشن اوتوماتيك احسن
وشكرا
وأرجو الاهتمام

اخوك معاه تويوتا كارينا 1983 اوتوماتيك 1600 سي سي كاربيراتير

انا مغير جير قبل كده بس انا حتكلم عن النقطة الاولي لانها بتحصل معايا عالجير القديم والجديد وده لان الكاربيراتير مش مظبوظ من حيث البنزين والهوا

فبضطر اعلي البنزين شوية عشان ماحسش بالرعشة دي لما ادي d او r لحد ما العربية تسخن تبقي تمام فحضرتك حاول تظبط الكاربيراتير بنزين وهوا وتشوف موضوع الرعشة


اما الهبدة بتاعة r بتحصل عندي لو انا علي مطلع .

حضرتك شوف الجير الاستيراد بكام الاول قبل ماتفكر ف موضوع الانجكشن لان لو الحاجات دي كلها منه والكاربيراتير تمام حتبقي العربية مش محتاجة مصاريف عالانجكشن


انا كنت جبت الجير بتاعي من وكالة البلح وكان معايا ميكانيكي. بس روحت الوكالة لان عربيتي قديمة مش عارف جيرك ممكن تلاقيه ف الحرفيين اعتقد.


من رايي تستشير كذا صنايعي قبل ماتغير حاجة


ان شاء الله باقي الاعضاء يفيدوك اكتر


والله اعلم

متشكر جدا علي ردك يا أخي الفاضل

وأنا عارف ان موضوع الرعشه ظبط كرابراتير وموتور وفتيس
لكن الموتور عندي تمام عشان كده عايز اغير لانجكشن لانه بيظبط كل حاجه لوحده

أما بخصوص الفتيس انا صراحة تعبت مصاريف عشان كده عايز اشتري استيراد واريح بالي
لاني تعبت من قرف الصنايعيه الجهلة وفي نفس الوقت بدأت اتخنق من العربيه ومش عايز اركبها لاني مش مبسوط منها

وبخصوص الاستفسار انا فعلا سالت كتير وكلهم أجمعوا ان المشكله من الفتيس
لكن ماحدش فادني هل يتصلح ولا لا

ممكن تقولي حضرتك جبته بكام ومصنعية تركيبه
وهل فعلا مشاكلك انتهت لما غيرت الفتيس
ومتشكر مره تانيه

اقتباس:

---

المشاركة الأصلية كتبت بواسطة shoshasam

متشكر جدا علي ردك يا أخي الفاضل

وأنا عارف ان موضوع الرعشه ظبط كرابراتير وموتور وفتيس
لكن الموتور عندي تمام عشان كده عايز اغير لانجكشن لانه بيظبط كل حاجه لوحده

أما بخصوص الفتيس انا صراحة تعبت مصاريف عشان كده عايز اشتري استيراد واريح بالي
لاني تعبت من قرف الصنايعيه الجهلة وفي نفس الوقت بدأت اتخنق من العربيه ومش عايز اركبها لاني مش مبسوط منها

وبخصوص الاستفسار انا فعلا سالت كتير وكلهم أجمعوا ان المشكله من الفتيس
لكن ماحدش فادني هل يتصلح ولا لا

ممكن تقولي حضرتك جبته بكام ومصنعية تركيبه
وهل فعلا مشاكلك انتهت لما غيرت الفتيس
ومتشكر مره تانيه

---

لاشكر علي واجب الشكر لله

الموضوع عندي كان غير حضرتك بالنسبة للفتيس القديم وهي:
1-تاخير جامد لما تنقل علي الd عشان تعشق. بالبلدي كانك ما اديتهاش d وكنت لازن اكارك بنزين عشان تعشق.

2-الزيت مابيقعدش فيه يومين
3- مع اقل دوسة بنزين العربية تسقط نقلة زي الكيك داون والعربية تنعر

4-الرعشة كنت عارف انها من الكاربيراتير واستمرت لحد دلوقت. بس استمر الموضوع ده لحد الجير مابقاش يدي نقلة خالص. الحارات كلها n بمعني اصح.



نصيحة فعلا بلاش شغل ف الفتيس القديم لانه مش حيرجع زي الاول. لاني قعدت اصلح ف القديم ومصاريف وما اتظبظش برده وكنت ازود واجيب الاستيراد.


الاستيراد جبته ب 1300 والمصنعية 400 الكلام ده من اربع سنين. مع العلم ان عربيتي دفع خلفي فموال شوية. والجير امبر من اللي كان ف العربية حاجة بسيطة غير ان حاجة عربيتي قليلة جدااااا لانها خليجي ومانزلتش مصر اصلا عكس حضرتك.


المشاكل اللي فوق دي انتهت الحمد لله. نقلات ناعمة. مفيش تسقيط نقلات الا لو جبت اخر الدواسة. بغض النظر عن ترشيح زيت بسيط بالنسبة للي قبل كده نعمة الحمد لله.

حضرتك طالما متاكد ان كل مشاكلك من الجير غيره بواخد استيراد علي التجربة وماتصلحش القديم.

والله اعلم

يعني أفهم من كلام حضرتك ان حتي بعد ما ركبت الفتيس الاستيراد الجديد
لسه الرعشه موجوده في العربية ؟

متشكر جدا ........ اني افتدني كتير والله بتجربتك لتغييره
ربنا يجعله في ميزان حسناتك

اقتباس:

---

المشاركة الأصلية كتبت بواسطة shoshasam

يعني أفهم من كلام حضرتك ان حتي بعد ما ركبت الفتيس الاستيراد الجديد
لسه الرعشه موجوده في العربية ؟

متشكر جدا ........ اني افتدني كتير والله بتجربتك لتغييره
ربنا يجعله في ميزان حسناتك

---

يافندم الشكر لله العفو وجزاك الله كل خير


تمام كلام حضرتك الرعشة لسة موجودة لان سببها هو الكاربيراتير. طبيعي ان العربية علي ال n كويسة ولما بتعشقها ال rpm ينزل حاجة بسيطة ده في اي عربية اوتوماتيك لكن في العربيات الكاربيراتير لو مش مظبوط بتبان اكتر.

بس بحلها بنسبة كبيرة اني ازود البنزين بتاع السلانسيه عن طريق مسمار الكاربيراتير او اظبظ الهوا من مسمار الهوا. بوسطنه يعني بحيث الرعشة تقل وفي نفس الوقت العربية مايبقاش صوتها عالي وهي علي n

فحضرتك تجربة بسيطة ممكن تعملها. زود بنزين السلانسيه من المسمار لو تعرف او من الميكانيكي وده بيبقي عكس عقارب الساعة يعني يمين يزود شمال يقلل. وبعدها عشق العربية علي d وبالذات ال r لو الرعشة قلت يبقي الماربيراتير عايز ظبطه. لو لا يبقي الجير زي ما بيقولولك. ده بالنسبة لعيب الرعشة فقظ.

والله اعلم وبالتوفيق ان شاء الله وطمنا

انا جربت فعلا موضوع مسمار الهوا بتاع الكرابراتير اللي علي سوسته (ماعرفشي فين مسمار البنزين)
والرعشه فعلا راحت خالص لكن ظهرت عيوب جديده
* صوت العربيه علي ال n عالي جدا
* سرعه السلانسية عاليه فابتالي طول مانت في الزحمة ماسك فرامل والعربيه بتسخن
* استهلاك البنزين بقه الضعف

فطبعا عشان كل المشاكل دي اضطريت ارجع مسمار الهواء لوضعه القديم واستحملت الرعشه
باذن الله هاجرب ادور علي حد بيفهم في الكربراتير عشان اظبطه واعمله صيانه

اقتباس:

---

المشاركة الأصلية كتبت بواسطة shoshasam

انا جربت فعلا موضوع مسمار الهوا بتاع الكرابراتير اللي علي سوسته (ماعرفشي فين مسمار البنزين)
والرعشه فعلا راحت خالص لكن ظهرت عيوب جديده
* صوت العربيه علي ال n عالي جدا
* سرعه السلانسية عاليه فابتالي طول مانت في الزحمة ماسك فرامل والعربيه بتسخن
* استهلاك البنزين بقه الضعف

فطبعا عشان كل المشاكل دي اضطريت ارجع مسمار الهواء لوضعه القديم واستحملت الرعشه
باذن الله هاجرب ادور علي حد بيفهم في الكربراتير عشان اظبطه واعمله صيانه

---

تمام. طبيعي العيوب دي تظهر لانك ظابط مسمار الهوا بس. لازم مسمار الهوا والبنزين يتعايروا سوا. ان شاء الله بسيطة. اي ميكانيكي بيفهم بيظبظهولك. وياسلام لو ورشة صيانة كاربيراتيرات بس. يعمل صيانة للكاربيراتيير لو محتاج. لان

عندي كان اكتر من كده واستهلاك البنزين بالعبيط والعربية بتطلع دخان اسود من الشكمان. وعملت طقم اصلاح للكاربيراتير وغيرت اكس وبابين وطقم بلوف.

والله اعلم وان شاء الله بسيطة.

* مافيش ميكيانيكي عندنا في المحلة بيفهم , كلهم بتوع الصيت ولا الغنا
* قريت هنا مواضيع كتيره جدا للتحذير من صيانة الكرابتير لانه مش بيرجع زي الاول

بالاضافة لان الموتور عندي كويس وعزمة قوي ومافيش اي دخنه من اي نوع طالعة من الشكمان
متشكر مرة تانية

اقتباس:

---

المشاركة الأصلية كتبت بواسطة shoshasam

* مافيش ميكيانيكي عندنا في المحلة بيفهم , كلهم بتوع الصيت ولا الغنا
* قريت هنا مواضيع كتيره جدا للتحذير من صيانة الكرابتير لانه مش بيرجع زي الاول

بالاضافة لان الموتور عندي كويس وعزمة قوي ومافيش اي دخنه من اي نوع طالعة من الشكمان
متشكر مرة تانية

---

تمام كلامك مابيرجعش زي الاول اوي بس انا كان بقا مهلبية عندي وماعرفش اجيب واحد جديد.

عالعموم حضرتك ظبط هوا وبنزين الكاربيراتير اي ميكانيكي بيعملها عادي مش محتاجة مهارة.

مادام مفيش دخنة يبقي بسيطة ان شاء الله.

العفو الشكر لله

متشكر جدا جدا علي صبرك معايا لحد الاخر
وباذن الله هادور علي واحد كويس يظبطه واغير سلوك البوجيهات للاصلي
وكذلك قواعد الموتور للاصلي (لاني بصراحة استخسرت وجيبتهم صيني)
وباذن الله اكتب لحضرتك هنا كل التغييرات والنتيجه

اقتباس:

---

المشاركة الأصلية كتبت بواسطة shoshasam

متشكر جدا جدا علي صبرك معايا لحد الاخر
وباذن الله هادور علي واحد كويس يظبطه واغير سلوك البوجيهات للاصلي
وكذلك قواعد الموتور للاصلي (لاني بصراحة استخسرت وجيبتهم صيني)
وباذن الله اكتب لحضرتك هنا كل التغييرات والنتيجه

---

العفو الشكر لله كلنا بنساعد بعض هنا : ))

بالتوفيق ان شاء الله. يمكن فعلا الهبدة دي من القواعد.

ابقي طمنا