الموضوع: ارجو المساعدة في اسرع وقت قبل التورط

المشاركة الأصلية كتبت بواسطة ahmed.zahra

يا جماعة انا مش بقطع على حد بس انا احتمال اشتري عربية تانية يوم السبت و لو ربنا وفقني فيها حبيع عربيتي و هي 2009 لون سماوي ماشية 49930 كم فابريقة بالداخل و الخارج و كاملة أوتوماتيك بحالة ممتازة صالون الفابريقة زيرو و عليه فرش جلد و أرضية جلد من أول يوم و لسه مغير مساعدين امامي و بطاحات و مغير سير كاتينة و بلية و شداد كاتينة و سير المجموعة من حوالي 15 يوم و اشتريت طرمبة مياة عشان المفروض بتتغير مع طقم الكاتينة بس الميكانيكي قاللي اللي راكبة حالتها ممتازة فاللي حيشتري العربية حلال عليه الطرمبة الجديدة و زيت فتيس من 10000كم و البطارية متغيرة من حوالي 4 شهور طبعا فيها بعض الحكات و الترييحات الخارجية. بالكتالوجات و المفاتيح الأصلية و مركب لها إنذار غير الأصلي بتاعها و طالب 85000 نهائي

ربنا يوفقك يا استاذ احمد في بيعها وتبيع بأفضل سعر ان شاء الله عربيتك محترمة وربنا يباركله اللى هياخدها ..

وبعتذرلك على التأخر في الاتصال بيك لتحديد ميعاد المقابلة .. ومنتظر الوقت المناسب عشان اكون في مصر الجديدة واكلمك
ان شاء الله احتمال بكرة اكون في مصر الجديد على اول شارع هارون ..
هكلمك على الموبايل احدد معاك الميعاد بخصوص الموضوع بتاعنا :)