أرجو الإفادة .. العربية باسمي بس لسه هطلع رخصة قيادة كمان أسبوعين

**aymanonline** · 27-08-2014 04:01 PM

السلام عليكم يا أفاضل

عندي استفسار .. أنا دايمًا بحب أمشي صح ومحدش يبقى له حاجة عندي بس الظروف بتحكم

أنا كنت نقلت ملكية وطلعت رخصة العربية باسمي .. بس المشكلة لسه بطلع في رخصتي أنا والامتحان بعد أسبوعين من دلوقتي وعندي مشوار ضروري ولازم أروح بالعربية

هل عادي لو عديت على كمين والظابط طلب الرخص ووريته بطاقتي ورخصة العربية وخصوصًا إن الاسمين هيبقوا متطابقين وأوريه وصل معاد الامتحان مثلا؟؟؟ ولا ده مش منطقي؟

أنا من الدقهلية ومعرفش الوضع يختلف عن كماين القاهرة ولا لأ

أرجوا الإفادة وإيه أسوأ حاجة ممكن تحصل

شكرًا مقدمًا للأعضاء الأفاضل

**ahmedwagdy03** · 27-08-2014 04:28 PM

أكيد إنت بتسأل السؤال تهريج . أعتقد ممكن تجاوب بنفسك

**aymanonline** · 27-08-2014 04:38 PM

المشاركة الأصلية كتبت بواسطة ahmedwagdy03

أكيد إنت بتسأل السؤال تهريج . أعتقد ممكن تجاوب بنفسك

يا سيّد طب أنا ما أنا عارف إن كده مش صح بدليل إني كاتب أول جملة إني بحب أمشي صح
الفكرة هنا هل التصرف ده هيشفعلي ويعديني ولا الظابط هيرخم ويطبق عقوبة والكلام ده علشان كنت قريت إنها أحيانًا بتعدي .. وسيبك من حكاية الوصل .. أنا بتكلم على إن أنا صاحب العربية والرخصة بتقول كده غير لما تكون عربية حد غيري

**aymanonline** · 27-08-2014 04:59 PM

أفيدوني أفادكم الله

**طارق _عبد السلام** · 27-08-2014 07:22 PM

كان قبل قانون المرور الجديد بتدفع غرامه دلوقتى غرامه وحبس

بلاش المهم مش بطاقتك المهم ان معاك ترخيص قياده بيقول انك بتعرف تسوق بس مش اكتر

لو زى حالاتى مبحبش حد يكون له حاجه عندى او ظابط يوقفك وتتحايل عليه بناقص المشوار ده بالعربيه
واصبر لحد مارخصتك تطلع
انت هتطلع الرخصه وممكن تقعد 10 سنين محدش يقولك رخصك .. وممكن وانت فى يوم ماشى وناسى رخصتك هتلاقى 20 كمين يقولولك رخصك :)