الموضوع: طريق العمل والاقامة في المانيا

المشاركة الأصلية كتبت بواسطة باسم يوسف

عمي (47 سنه) سافر المانيا لغرض الاستيراد في بدايه التسعينات

قعد يحكي لي عن مغامراته هناك ... مغامرات تكفي مجلدات :d

المهم يعني اللي استفدته منه كالتالي :

عمي سافر و هو ميعرفش كلمه بالالماني و كان اخره يتكلم انجليزي فكان بيعاني لحد ما اتعلم اللغه و اتمكن منها ... من الاخر اللي مش متمكن من اللغه الالمانيه قبل ما يخطي هناك يخليه في مصر احسن

عمي وقع زيت علي الارض قبل كده فاتقبض عليه و دفع غرامه و كان هيتحبس ... ادبح ظابط الماني و لا انك توقع زيت علي الارض :d

القوانين هناك بالنسبه لينا دبح و سلخ للمواطن عشان احنا مش متعودين اننا نمشي علي حسب القانون ... عايز تمشي شمال امشي بس لو اتقفشت هتسافر بره المجره :d

الاوكرانيين هناك خاربيين الدنيا و عاملين عصابات تهريب و مخدرات و دعاره و بلاوي سوده ... انا مش عارف دلوقتي ايه الوضع بس من باب الامان متصاحبش حد اوكراني هناك :d

مفيش اي عنصريه ضدك خالص كعربي مسلم علي الاقل في وشك ... هما ممكن يكونو بيكرهوك بس مش هيقولو كده في وشك فخلي بالك من النقطه دي

الحريم هناك عايشين اللحظه لاقصي درجه ... هتبقي نقله نوعيه من البنات اللي هنا للحريم اللي هناك :d

متفكرش تكسر الفيزا و الا هتتحط في البلاك ليست ... انا معرفش كام سنه بس بلاش كسر فيزا عشان تعرف تروح هناك تاني

حوار اتجوز المانيه عشان الاقامه و الكلام الحمصي ده بلاش منه و مش ناقصه تشويه لصورتنا قدام الاجانب

ده اللي انا فاكره دلوقتي ... ان شاء الله لو افتكرت حاجه تانيه هكتبها

دول الغرب كلها كده للاسف وكل مكان ليه ايجابياته وليه سلبياته
ايجابيات العرب سلبيات الغرب والعكس

متابع