تثبيت المنصوره

**calipha3** · 27-08-2014 04:44 PM

قصة غريبه شويه حصلت امبارح

و انا ماشي مروح اخر الليل بحي الجامعه بالمنصوره لقيت عربيه لانسر بتقلبي نور ورايا قولت عادي طنشت و مشيت لقيته بيحاول يعديني بس معرفش لحد ما جيت عند مطب و قطع عليا الطريق و كان هيخبطني فوقفت
المهم نزلت و كان معايا واحد صحبي لقيته بيقلي عاوز موبيلك اشوفه قولتله ليه خير؟
قالي هاته بس عاوز اشوفه المهم كانوا 2 رجاله و في ناس تانيه جيه من ورا
قولتلهم اهو في حاجه !!
قالي تعرف ريهام
قولتله مين دي !!!
قولتله طيب اتصل بالشرطه يعني
قالي هما جيين قالتوا طيب و مالوا.
المهم حوالي ربع ساعه كدا في كلام معاهم في ايه يا عم و هما مش راضيين يقولوا و كان الموضوع هيتطور لخناقه
المهم انا كنت دخلت العربيه و كنت مستني لحظه اعرف اطلع بالعربيه اخبط الي يتخبط و امشي

في الاخر فجأه لقيت حد بيقول خلاص مسكناه و هما قعدوا يتأسفوا معلش و نبوس راسك

قولتلهم هو ايه الحوار يعني
طلع في بنت اسمها ريهام تعرف واحد من الفيس و قابلته و صورها صور جنسيه و هو معاها
و كلمها بعد كدا يبتذها عاوز منها دهب في مقابل يديها صورها
فأهلها عرفوا و كانوا عملين كمين للواد ده و هو جي يمسكوه.

ههههههه ياتري كنت هتعمل ايه ف موقف زي دا

**Mamoud salah H** · 27-08-2014 05:56 PM

الله يكون في عونك بصراحة لان الناس في الحالات الي زي دي ممكن يطيروا رقبة بالغلط عشان الدم هيبقي بيغلي في نفوخهم والحمد لله انها جت سليمة معاك

**Omar Mahmoud** · 27-08-2014 07:32 PM

لو عرفت افكر في حاجة بسبب الموقف هتكون اني امشي من غير اقف و اللي هيجي قدامي هخبطه

**mr_vampire** · 27-08-2014 08:04 PM

تاني مرة متبقاش تقف. لان كان سهل اوي تتاخد منك العربية.

**calipha3** · 27-08-2014 09:09 PM

ما هو اكيد مش هقف لحد بمزاجي بس كان في مطب و قفل عليا السكه فلازم اخبطه عشان اعدي منه.

انا عارف اوصاف العربيه و هحاول الف ف المنطقه لو لقتها اعرف نمرها و اقدم بلاغ عنهم ولا ايه رايكم.

**S O P H O S** · 28-08-2014 01:31 AM

الحمد الله ان مش في ضرر ليك
وحاول متديش فرصة انك تقف
حتي لو في مطب خصوصا فالطرق دي

**amoor89** · 28-08-2014 01:50 AM

غلطان انك وقفت حتى لو مطب انت تعتبر فى مطاردة يعنى اقل واجب تاكل المطب وتطير
افترض ان الناس دى كانت غشيمة ومتفاهموش وعملوا فيك حاجة
احمد ربنا انها عدت على خير وحمدلله على سلامتك

**J A G U A R** · 28-08-2014 07:16 AM

فى المواقف اللى زى دى متديهوش فرصه انه يعديك اصلا
حتى لو هاتزنق عليه

**عبدالحكيم** · 28-08-2014 08:40 AM

حمد الله على سلامتك..

موضوع تصوير الآخرين عبر الانترنت في مواضع مخلة ثم مطالبتهم بأموال مقابل عدم نشرها أصبح ظاهرة في الفترة الأخيرة..

هنا في دبي، منذ يومين أعلنت الشرطة أنها تلقت أكثر من 23 بلاغ من هذا النوع. آخرهم من رجل أعمال أقبل على الانتحار بعد أن ساءت حالته النفسية. تعرف على شخص عبر الانترنت خدعه بأنه فتاة وعرض له مقطع فيديو وكأنه بث مباشر لفتاة تتعرى. وطلبه بفعل ذلك. ولما تفاعل معه صوّره وكشف عن حقيقته ثم قال له إن لم ترسل لي ما أريد سأفضحك في شركتك وأرسل الصور لموظفيك!! وأنزل مقطع الفيديو على يوتيوب!!

الشرطة تقول إن غالبية المجرمين محترفي هذا الأسلوب الإجرامي من دولة عربية محددة!!