حقد وﻻ حسد وﻻ فقر وﻻ ايه ؟؟

**Mostafa Bedo** · 28-08-2014 02:25 AM

السﻻم عليكم ورحمة الله وبركاته.
احنا عندنا عربية والدتي دايو نوبيرا فطبعا والدتي واخويا الكبير كانوا بيتعلموا عليها فالعربية خدتلها كام خبطة محترمة واحدة ف الكبوت دخلت الصاج الاوداماني شوية تحت واتخبطت من اخويا في الجنب الشمال من نقل تقيل ف دخل الصاج لجوة غير طبعا الجناب متعضعضة كتير فبعد فترة بقوا تمام ف السواقة فقررنا اننا نظبط العربية فودينها لسمكري عملها و ظبطها وبقت زي الفل وخد حوالي 2000 جنية ﻻن العربية كانت متعضعضة جامد واشترينا كبوت جديد واكصدام جديد وركبناهم وبعد كدة دخلناها تترش بمبلغ محترم برده وغيرنا فوانيس وكل حاجة وقعدت عند الميكانيكي كتير برده غيرلها حاجات كتير وبعد م اترشت ولسه جاية عروسة مفهاش خربوش لسه بتلمع وفرحانين بقي وسبناها زي الفل نزلت بالليل اشتري حاجات وببص عليها لقيت حد ابن حﻻل معلملي علي الاكصدام الوراني بمسمار عامل فيه عاهة دائمة طبعا اتضايقنا ﻻنها مكملتش يوم جه تاني يوم ورايحين نجدد الرخصة ولسه بنلف لقينا حاجة بتعمل طاااااخ موتوسيكل لزق ف جنب العربية وطبق الجنب الي لسه معمول عند السمكري ومرشوش ده ف تاني يوم وجينا من المرور وركنا لقينا حاجة بتعما طااااااخ تاني يﻻ الحمد لله

**Mostafa Bedo** · 28-08-2014 02:33 AM

هبقي ارفع الصور قبل وبعد عشان تشوفوا العربية

**amgomaa** · 28-08-2014 03:05 AM

بسيطة ان شاء الله الف سلامة

Sent from my GT-S5282 using Forum Runner

**Anaslbda** · 28-08-2014 03:33 AM

المفروض تسيبها بترابها حبّتين حلوين كده, بتاع شهرين ولا حاجة.

**khaled_yassin** · 28-08-2014 04:07 AM

حسبى الله ونعم الوكيل فى عيون الناس ,,,, انت تسيبها كدة بقى شوية تاخد العين

**Mecha** · 28-08-2014 04:39 AM

دا لانه مفيش قانون بيتطبق
لكن لو كل واحد مخرب يعرف انه هيتلب هيلم نفسه
دا جانب , التاني ناس كتيييييييير متعرفش تسوق زي الموتوسكل دا
ودي ادبها سحب الرخصه
وقيس عليهم اللي بيمشوا 160 او 180 كم/س ويقتلوا الاخرين
يتحرم م السواقه سنين هيتربي .لازم عقاب شديد
كل العالم ماشي كدا, لكن احنا بندلع و سايبين المخربين يخربوا