مساعده في شراء موبايل؟

**Mohamed A S** · 29-08-2014 02:56 PM

المشاركة الأصلية كتبت بواسطة mr_who515

أنت قفلتني من الموبايل والله!!
مفيش غير أني أشوف حد يجيبلي الجهاز من بره وديه صعبة جداً دلوقتي..

انا مقصدش اقفلك من الموبايل ولا حاجة .. كل قصدي اني بحاول احذر علشان حرقة الدم اللي انا فيها متتكررش مع حد ثاني.
المشكلة الثانية كمان ان المشكلة في الموبايل اللي بيجي من بره او من هنا .. المشكلة في المنتج نفسه .. زميلي في الشغل كان جايب موبايل سامسونج s3 من استراليا وفاجأة بعد استعمال حوالي 6 شهور التليفون مبقاش يفتح رجعه ثاني مع اللي جابهوله من استراليا علشان يتصلح وقالوله ان فيه تشبايه اتحرقت على البورده وهتتصلح على حسابك .. يبقى المشكلة في سامسونج نفسها مش بره ولا جوه لانهم بيعتمدوا في الانتاج على الصين وفيتنام وفي الاخر المستهلك اللي بيخبط في الحيط.
مرة ثانية مقصدش اضايقك بس فعلا دي تجربتي واللي لسه عايش فيها لحد هذه اللحظة.

**mr_who515** · 29-08-2014 03:07 PM

لا طبعاً أنت تشكر على تحذيرك ونصيحتك ليا بس لو كان كده ماهي غالبية الموبايلات صيني فيما عدا الأيفون وأنا بصراحه مش من هواة الأيفون..

**S O P H O S** · 01-09-2014 01:36 AM

لو هتشتري من برا
ممكن تصير شوية وتجيب النوت 4 هيبقي تحفه

**TylerDurden** · 01-09-2014 02:20 AM

بصراحه استحرم ادفع مبلغ زي ده في حاجه سامسونج. احسنلك تجيب HTC ONE M8 واتش تي سي شركه محترمه جدا جدا جدا. وموبايلها HTC ONE M7 كان حائز علي افضل موبايل ف 2013، شركه محترمه والأفضل بالاندرويد.. يعني اما htc one m7 او m8.. وكفايه ثقافه الشعب المصري ان الحاجه لمجرد سامسونج وانه منتشر والخ الخ.. هاتلك حاجه محترمه افضل

ثانيا عندك سوني Sony Xperia z2 وده موبايل محترم جدا جدا برضه وامكانياته رهيبه :) والاتنين افضل من بعض صدقني.

وانا عن تجربه ما بين السامسونج نوت 3 و htc one (m7) طبعا مفيش اوجه مقارنه.. اتش تي سي افضل في كل حاجه بلا استثناء.