-
الحقوني بسرعة أرجوكم
السلام عليكم ورحمه الله وبركاتة
النهاردة كنت مسافر من بورسعيد الي البحيرة ( دمنهور )
انا العربية فيرنا وفيها غاز بس قولت المرة دي هروح وارجع بنزين لاني شغال بيها علي طول غاز
المهم فولت وتوكلت علي الله وطول الطريق الحمد لله زي الفل 140 - 150 بالتكييف قطعت مسافة 375 كم ، ارتحت من المشوار وغسلت العربية بأيدي وغسلت الغرفة بس بدون ضغط ميه غسيل عادي يعني ، المهم طلعت علشان اروح وروحت بنزينة علي طريق مصر اسكندرية الزراعي واسمها التعاون ، فولت 80 أخدت بالظبط 33 لتر ، فولت 80 لأن مكانش موجود غيرة وانا كنت رايح كان نصها 92 وكملتها 80 ، المهم بعد ما فولت بحوالي 1 كيلو بالظبط ، حسيت ان العربية بتضرب مدافع من الشكمان ، وبقت بطييييييئة في التجميع والسرعة ، وكل ما انزل بالسرعة للأول او التاني بسمع مدافع قوية من الشكمان بم بم بم بم بم بم ، وتزيد لما السرعة تزيد ، بالظبط كأن ميكروباص قديم والعلبة مخرومة
فتحت الكبوت اشوف لقيت المكنة بتتهز جامد علي غير العادة ، قلبتها غاز قامت مبطلة ودارت بعد 4 محاولات ، جربت امشي بيها غاز صوت المدافع بقي اقوي ، قمت مرجعها بنزين وبعدين رايح اقفل الكبوت وبعدين دفعني الفضول ان انظر الي الفرن واذا بالمفاجأة عارف المصفحه اللي مغطية الفرن وعليها علامة تحذير ان ممنوع اللمس ؟ ببص وراها لقيت الفرن نفسة لونة بقي برتقالي شبة الحديد المنصهر ، اه ورب الكعبة ، كأن حمم بركانية لدرجة انها سيحت الجزء الفبر اللي جمب كرتيرة الزيت
طبعا الكلام دا وانا علي الطريق وحوالي الساعة 12:30 بلييل ومفيش خدمات علي الطريق الدولي
قولت هشغل المرواح بتاعت التكييف وامشي طوالي سريع علشان الهواء يبرد الفرن طبعا بقي الاستهلاك عااااااااالي اوي والسرعة مش عاوزة تعدي ال100 ابدا وال rpm مش يبعلي عن 2.5 لكل الغيرات لدرجة ان التنك فضي علي مدخل بورسعيد بالظبط طبعا وانا راجع عملت حوالي 300 كم ، غير وانا رايح لان مكنتش عارف الطريق ولفيت شوية
ياتري ايه اللي حصل
سلوك وبوجيهات ؟؟
ولا حساسات ؟
ولا الشكمان ؟
وايه سبب ان الفرن اشبه بالحمم البركانية
معلش انا اسف طولت عليكم
بس انا كنت راجع من السفر مرعوب والحمد لله انها معملتش حاجه في الطريق
وجزاكم الله عنا خير
والسلام عليكم ورحمه الله وبركاتة
-
octane 80 petrol
you filled
may damaged o2 sensor
-
موضوع ان الفرن يحمر من الحرارة .. ده غريب شويتين
ايه ؟ الشكمان اتكتم ؟
مدافع يعنى خلل فى الكهرباء ..
ممكن تكون خلفت كهرباء ؟
توقيت اشتعال غير مناسب
برجلة وعدم انتظام عمل حساس الكرنك
وبالتالى الموبينة مرة تخرج كهرباء ومرة لا وتحسها متلتة
مش قادر احدد
-
-
ايه يا جدعان الاعطال الغير منطقيه ديه
انا معنديش اى خبره فى الغاز
لكن الاسطوره بتقول لو انت كنت شغال غاز كويس وقلبتها بنزين ولاقيت فيه مشكله المفروض لما ترجعها غاز تلاقيها شغاله كويس
بخصوص الحديده انك تلاقيها لونها برتقالى ده مش شيئ مرعب قوى - اللى زود حرراتها بالدرجه ديه ان الاحتراق بيحصل خارج غرفة الحريق (المدافع)
مش عارف ليه حاسس ان غسيل الموتور اللى انت عملته هو السبب
لخبطت الكهرباء ديه مش جيه من فراغ
اعتقد انك لو سيبت العربيه يوم فى الشمس الدنيا هاتتظبط - بس المشكله انك مسافر وده مقلق فعلا
-
معايا فيرنا 1500 مانيوال لما انقل الغيار الى التالت او الرابع ساعات بسمع تسقيف الميكانيكى قال احتمال سلوك بوجيهات ارجو الافاده
-
الحمد لله
تم حل المشكلة
ذهبت لميكانيكي وحكيتلة اللي حصل وقالي
لما غلست المكنة في ميه دخلت من تحت غطا البوجيهات وعملت عزل لأخر بوجهيين
وانا كملت الطريق ببوجيهيين بس ، علشان كدا مكنتش بتسحب ولا تجري وقالي الحمد لله ان الكمنة طلعت من المشوار دا سليمة لانك حملت علي المكنة جامد
نصيحة
لما تكون علي طريق سفر لازم عده كاملة للعربية ولازم تاخد بوجيهات وسلك ورداخ وتتعلم ازاي تركبهم
لان من غيرهم انسي وانت علي الطريق
سلم الله طرقنا من كل مكروه ومن كل شر
والسلام عليكم ورحمه الله وبركاتة
-
Content Relevant URLs by
vBSEO 3.6.0 PL2