خايفه اسوق عربيتي

**ENG.MaRk** · 28-08-2014 10:10 AM

جمدي قلبك و انزلي و ماتخافيش لو اتجرحت أو حصل حاجة مش مشكلة ... الكلام ده كله وارد يحصل و هي مركونة تحت البيت ... الله الموفق و المستعان

**Dr-walaa** · 28-08-2014 10:12 AM

المشاركة الأصلية كتبت بواسطة sameh samy

بصي انا معرفش حضرتك ساكنة فين بس ممكن تلاقي اماكن رايقة كتير كمان المواعيد معينة وخصوصا لو يالليل متاخر وخدي بابا معاكي
سوقي العربية ببساطة ومن غير شد ولا تنشنة خالصه
لو قريبة من التجمع او اكتوبر جربي في كمبوند واسع

انا في فيصل ومشفتش مكان فاضي فيه

مقدرش بصراحه اخد بابا لانه بيوترني جامد وهو قاللي كده

بيبقى خايف عليا بشكل فظيع

ومره ركبت معاه عربيته وقلت اسوقها قدامه مكملتش الطريق ونزلت منها وحلفت مش ركباها تاني بسبب توتره

**Dr-walaa** · 28-08-2014 10:13 AM

المشاركة الأصلية كتبت بواسطة ENG.MaRk

جمدي قلبك و انزلي و ماتخافيش لو اتجرحت أو حصل حاجة مش مشكلة ... الكلام ده كله وارد يحصل و هي مركونة تحت البيت ... الله الموفق و المستعان

يارب يا مسهل

**Sameh samy** · 28-08-2014 10:15 AM

السواقة مع الاب فعلا صعبة
طالما ساكنة في فيصل يبقي الحقي اركبي العربية لان العربية هاتتجرح لوحدها وهي واقفة وبصراحة مانصحكيش تجربي سواقة في فيصل في الوقت الحالي وممكن تجربي في حدايق الاهرام وممكن صحراوي وممكن اكتوبر وزايد

**Dr-walaa** · 28-08-2014 10:17 AM

المشاركة الأصلية كتبت بواسطة Sameh samy

السواقة مع الاب فعلا صعبة
طالما ساكنة في فيصل يبقي الحقي اركبي العربية لان العربية هاتتجرح لوحدها وهي واقفة وبصراحة مانصحكيش تجربي سواقة في فيصل في الوقت الحالي وممكن تجربي في حدايق الاهرام وممكن صحراوي وممكن اكتوبر وزايد

انا حطاها في جراج من اول ما جبتها

انا على فكره سقت بعربية اختى وسط الشوارع وطلعت ونزلت كباري وسط الزحمه

بس لسه مسقتش بتاعتي

اكتوبر وزايد مناطق بعيده اوي مش هعرف اروحها

**swimmer25** · 28-08-2014 10:28 AM

والدك معاه عربية إيه؟
خلي بالك اللي بيسوق ال 128 مش هيعرف يتعامل مع اللانوس أوي في الأول عشان الحجم وشكل القاعدة مختلف..وخصوصا إنه جديد في السواقة
حاولي حد يطلع معاكي يكون بيسوق عربيات حديثة
مثلا احجزي دروس في مدرسة تعليم قيادة وخليهم يعلموكي علي لانوس...لانوس بس وبقي موجود كتير..هتدفعي شوية بس لازم تتعودي عليها الأول قبل ما تخبطي في عربيتك وتخسري أكتر لا قدر الله

**Land_Cruiser** · 28-08-2014 10:54 AM

لو مش عايزه تسوقي عربيه أختك و مش عايزه تبهدلي عربيتك في نفس الوقت يبقي ممكن تروحي مدرسه تعليم سواقه علشان تدربي براحتك علي عربيه من عندهم و انت مش قلقانه و كمان حتي لو في أماكن زحمه المدرب هيساعدك في كيفيه التصرف و الموضوع ده كمان هيساعدك في انك تنجحي في اختبار القياده و لما تاخدي ثقه في نفسك هيبقي سهل انك تسوقي عربيتك الجديده بدون مشاكل ان شاء الله

**swimmer25** · 28-08-2014 10:56 AM

المشاركة الأصلية كتبت بواسطة lolo16

بابا معاه حاليا ريتمو

بس ما شاء الله بيعرف يسوق اي عربيه لانه اكتر من مره غير عربيته

هو اللي جبهالي من المعرض وقاللي ان الفتيس مختلف شويه

هو بس لو يبطل توتر انزل معاه بس ده صعب

طيب انا ممكن اقول للمدربه بتاعتي اللي علمتني السواقه تعلمني عليها هيكون احسن صح ؟

فعلا لو نزلتي مع المدربة بتاعتك يكون أحسن وحاولي تنزلي علي 11 كدا تكون الشوارع رايقة شوية عشان الناس لسه مرجعتش من الشغل
وكمان يوم الجمعة قبل الصلاة الشوارع فاضية خالص وبعد الصلاة كمان

فيه في أخر فيصل نفق تحت شارع فيصل..مش عارف إسم الشارع إيه بس دا واسع شوية وفيه شوية مطبات عريضة و u turn بحيث تقدري تتدربي علي كل حاجة..ولو معاكي المدربة ممكن هي تسوق لو فيصل زحمة بحيث توديكي لمكان فاضي لحد ما تتعلمي وتسوقي إنتي في الأماكن الزحمة وهي معاكي بردو..هيكون مفيد جدا
وتعلمك كمان الركنة بيها بحيث إنك متخبطيهاش
وإتفقي معاها علي سعر برا مكتب القيادة بالتراضي بينكم
بالتوفيق