عيوب لانسر شارك ومميزتها 2014 2015

**zeko1915** · 28-08-2014 11:27 AM

لو سمحت كنت عايز اسأل على لانسر شارك بعض الحجات كده للناس الى جبتها او جربتها لو سمحت
مثلا موديل 2015 او 2014

1-هل تم اصلاح العيوب الى كانت بتنزيل بيها قبل كده وكانت سبب فى فشل السياره ديه ؟؟
2-بالنسبه للموتور بتعها انا سمعت ان سحبوه مش كويس اوى وتقيله وعزموه ضعيف على جسم العربيه الكلام ده ايه رأيكم فيه ؟؟
3-بالنسبه لقطع الغيار موجوده ولا لأ واسعرها ايه نظمها ؟
4-بالنسبه لاستهلاك البنزين ايه نظاموه؟؟
5-بالنسبه للسفر والطريق هل العربيه اتزنها كويس وتقيه على الطريق ولا لأ؟؟؟
اخيراا :- 6- هلى العربيه ديه ليها سوق بعد كده لما تيجى تبعهااا ولا هتخسر فيها جامد؟؟؟

اسف على الاطال جدااا بس فعلا محتار جدااا بينها وبين نيو اكسنت rb وهيا بردوه عربيه محترمه وعن تجربه

**max13** · 28-08-2014 11:51 AM

اولا السيارة كانت فاشلة لسببين الاول ان البومة فضلت تنزل معاها والشعب المصرى عشرى ومبيحبش يجرب ثانيا الموتور كان 1500 فكان قليل شوية على العربية لكن بعد تغيير الموتور ل mivec 1600 cc
الموضوع بقى مختلف تمام والعزم والسحب رائع واعادة بيعها رجع تانى زى زمان لان الناس عرفت قيمة العربية ومميزاته . عيوب العربية تتلخص فى شنطه متوسطة الحجم وصوت الموتور مسموع لانة سبورت . العربية فى السفر ممتازه ثبات وسحب تبقى ماشى على 140 ومش قلقان ولو بتقارنها باكسنت ار بى نصيحة منى اشتريها ومش هتندم لانها افضل بمراحل

**mr.moustafa** · 28-08-2014 01:49 PM

مافيش مقارنة بينها و بين الاكسنت

**crazy car** · 28-08-2014 02:02 PM

نصيحة منى فعلا مفيش مقارنة بينها وبين الاكسنت ار بى بس لصالح الاكسنت ار بى طبعا

**crazy car** · 28-08-2014 02:04 PM

ولو عاوز تسأل عن اى حاجة بخصوص قطع الغيار للاكسنت ار بى عن تعامل بالفعل وشراء موش فتى وخلاص
أومر بس وان شاء الله سأجيبك على كل اسئلتك

**amr_8800** · 28-08-2014 02:17 PM

المشاركة الأصلية كتبت بواسطة crazy car

نصيحة منى فعلا مفيش مقارنة بينها وبين الاكسنت ار بى بس لصالح الاكسنت ار بى طبعا

يا فندم هو حضرتك ركبت الشارك قبل كده ???
اصلا الشارك فئه والاكسنت فئه تانيه خالص
مينفعش نقارن عربيه صغيره زي الاكسنت بعربيه كبيره زي الشارك

مش هدخل في موضوع كوري وياباني عشان ده موضوع محسوووم

اركب الشارك وانت تعرف ان الاكسنت دي عباره عن ورقه الهوا بيلعب بيها يمين وشمال

**islamnasser10** · 28-08-2014 02:19 PM

بتقارن اكسنت بالشارك

**Ahmed abdkarim** · 28-08-2014 02:23 PM

عربية ممتازة وتقريبا ملهاش عيوب

**max13** · 28-08-2014 02:52 PM

الاكسنت تتقارن بالريو وبصراحة بعد ما الريو نزلت محدش بقى يفكر فى الاكسنت اصلا

**crazy car** · 28-08-2014 07:11 PM

المشاركة الأصلية كتبت بواسطة amr_8800

يا فندم هو حضرتك ركبت الشارك قبل كده ???
اصلا الشارك فئه والاكسنت فئه تانيه خالص
مينفعش نقارن عربيه صغيره زي الاكسنت بعربيه كبيره زي الشارك

مش هدخل في موضوع كوري وياباني عشان ده موضوع محسوووم

اركب الشارك وانت تعرف ان الاكسنت دي عباره عن ورقه الهوا بيلعب بيها يمين وشمال

يا باشا يعنى حضرتك انا هاقول رايى من غير ما اكون عارف الاتنين

وحضرتك صنفت الار بى صغيرة والشارك كبيرة بناء على ايه ؟؟ هل تعلم ان موتور الار بى 125 حصان ام الشارك
117
وعلى فكرة اركب هيونداى او كيا حاليا والله موش هتلاحظ فرق بينهم وبين اليابانى