هو بصراحة أشك إن 20w-50 ما يكونش موجود في الكتالوج... خصوصا إن معظم العربيات الياباني اللي بتنزل منطقة الشرق الأوسط بيكون من ضمن اختيارات الزيوت بتاعتها 20w-50
ده حتى السيراتو 2014 بتاعتي فيها 20w-50 من ضمن الاختيارات
حضرتك متأكد إن ده الكتالوج بتاعها؟؟ ولا كتالوج العربية من على النت؟؟؟
خلي بالك .. كتالوجات النت 90% منها مخصص للسوق الأمريكي... يعني أجواء مختلفة ومواتير متقدمة.
لو تقدر ترفعلنا صفحة الزيوت في الكتالوج هنكون قطعنا الشك باليقين.
بس بصراحة أنا مستغرب جدا من حكاية إن العربية كانت بتسخن في الخليج!!!
تويوتا وتسخن؟؟؟ دي آخر حاجة ممكن أتوقعها بصراحة
أكيد كان فيه مشكلة تانية غير الثرموستات
وأنا بقيس على تجربتي مع التويوتا الكريسيدا... الثرموستات عمره ما اتشال من العربية... بس مشكلة الثرموستات عندنا إن فتحته كانت بتتظبط.. وأنا ما عرفتش الموضوع ده إلا متأخر قوي قبل ما أبيع العربية بسنتين .
عموما بالنسبة لفايدة ثرموستات الكوعة.. انصحك تدخل على الموضوع ده
http://www.nilemotors.net/Nile/328708-a.html
...