الموضوع: عاوز اعرف رأيكم بسرعه في c180 2012

انا بدور على c180 facelift اكتر من 3 شهور ،، قدامي وحده 2012 عمله 62000 كم و نضيفه قوي فابريكه و فعلا صيانه في توكيل لحد 60000 كم اجيبها ولا كده عدادها كتير ، انا بس خايف اركبها و اعدي بيها 100000 كم في اقل من سنتين و بعد كده سعرها ينزل قوي و طلبتها تكتر ، ولا ايه راكيم

طبعاً بالنسبة للمرسيدس مش زي باقي العربيات أنها بعد 100 ألف كيلو تفتح بوقها ،
لأن قطع المرسيدس معمرة شوية ، وأهم حاجة حالة العربية أيه ، سيبك من العداد لأن
ممكن عربية تكون عاملة 120 ألف كم ومع ذلك صاحبها محافظ عليها صيانات دورية علي طول ،
وعربية تانية يكون صاحبها عامل 30 ألف كم بس وتلاقيها مهلهلة وعايزة مصروف بالعبط ،
بالنسبة للعربية ألي حضرتك عايز تشتريها عاملة 60 ألف ، لو جيت تقسم ال 60 ألف كم علي عدد السنوات تقريبا
3 سنوات يعني صاحبها بيعمل بيها في السنة 20 ألف كم ودة ممشي مش كتير ومش قليل في نفس الوقت ،
لأن في مصر كتير أوي عليها في السنة 20 ألف ،
في الحالة دي بقي الأمور راجعة لك أنت ، بعد ماتكشف عليها في التوكيل وتطمن صلي ركعتين أستخارة وتوكل علي الله .

رأي شخصي :
لو السعر هيكون قريب من سعر أول فئة 2015 فلا تتردد في شراء الزيرو ( رأي شخصي ولك حرية الأختيار ) .
بالتوفيق بإذن الله