تقيم (ايه شعورك وانت بتبيع عربيتك الاولة في حياتك)

السلام عليكم
انا لسه بايع عربيتي الحمد لله وربنا وفقنى في بيعها والحمد لله اديتها لواحد كويس ومحترم جدا وانا متاكد انه هيحافظ عليها.
بجد متعرفوش قد ايه موضوع بيع العربية ده مضايقني قد ايه انا لسه جايبها في شهر مايو 2008 وبجد كنت بحبها جدا وبستمتع بيها جدا حتى لما كانت بتبوظ وتجنيني كنتى بجري على تصلحها على طول ومكنتش ببخل عليها بي حاجه ومقلكوش المتعة بتاعة غسيل العربية بايدك حاجة تانية والله انا كنت مستمتع بيها جدا جدا بجد وانا ببيعها اكني بابيع بيتي المهم ربنا يبارك للراجل فيها ويكفيه شرها
والله لوله اني مسافر مكنتش اتنزلت عنها ابدا اه هى على فكرة فليشيا 96 كحلى بس الحد لله مع انى هاخد عربية يارس من الشغل هناك بس مش عارف اكيد مش هكون مستمتع زى عربيتي المهم
بجد عربيتي ديه هيه اللى ليها الفضل اني اتعرفت بالمنتدي ده وبجد باحسن وافضل واذوق ناس شوفتهم كانو هنا وفضل ناس كتير علينا هنا بخبرتهم وبذوقهم وبحسن تعاملهم بجد المنتدي ده عمل ينتفع به وربنا يكرم اللى عملة وكمان الناس اللى مشاركه فيه
وطبعا بردو بعد ما اسافر ان شاء الله اكيد طبعا مش هسيبكو هرجعلكم اكيد بس بقى مع طنط يارس الجديدة علشان بردو ناخد خبرت الناس فيها المهم مش هطول انا كنت بعمل تقيم نشوف ايه شعرنا بعد ما بنبع عربيتنا

والتقيم كالاتي:

لما بيتبع عربيتك
بترمي وراها قلة؟
بتضايق عليها؟
عادي مش فارقة معاك ما هيجي احسن منها؟
بتحس انك فقدت جزء معين في حياتك؟
مبتبعاهش الا لما تدور على حد معين تكون شايفه هيهتم بيها؟ زى حلاتي

وحاجات كتير ياريت لو عجبكم الموضوع ده نتكلم فيه ونشوف اراء الناس
ولكم جزيل الشكر
واشفكم على خير

اول بختي كانت 127 وقعدت معايا 10سنين وبافتكرها بكل خير اصييييييييييييلة

على حسب العربيه مريحاك ولا مطلعه عينك

msh adra a2olk ana dam3t mn klamak


asl ana kman baby3 3rbyty msh adr2a a2olak el mwdo3 da m2sar fia ad aih

le drget eny b3od abos 3l 3rbya kteeeeeeer we atbtab 3liha 7agat keda

we isa rbena ydini el a7san mnha we a7baha zay ma b7eb 3rbeety

اول عربيه لى لادا نيفا .. وحش بجد زعلت عليها جدا جدا و كنت متضايق عليها
بس لما اشتريت ايبيزا حمدت ربنا انى بعتها:k48:

اول عربية 128 كانت مريحانى اوى وزعلت عليها جدا جدا وانا ببيعها حسيت انها بقت من العيلة والله
ولكن لما ربنا كرمنى وجبت فرنا 2009 يعنى مابقتش افتكرها بصراحةغير لما قريت الموضوع ده

انا بصراحة لسة ما بعتش
بس ليا واحد صاحبي الانتيم كان عنده 128 بتاعة بباه
متعرفوش لما باعوا العربية دي زعلنا أد ايه
كل زكرياتنا فيها و لحد دلوقتي بنفتكرها
ايام المدرسة لما كنا ننزل الصبح و نسرقها ( زي الحرامية بالظبط ) مش عارف كنا بنوصل سلكتين في بعض كدة كانت بتدور
مرة تانية حصل موقف غريب جداً
كنا في الكلية و واقف انا وصاحبي ده على اول فيصل باليل
و فجأة لقينا العربية معدية و متزوقة و بتزف ناس مش عارفينهم
اعقدت اقوله يا عمرو مش دي عربيتك
يقولي يابني ايه الي هيجيبها هنا
اقوله و الله العظيم عربيتك حتى اسمك مكتوب على القزاز الي ورا اهه الواد ازبهل و تاكس و ورا العربية على طول
لقينا الميكانيكي مطلع مفتاح عليها و واخدها بيزف اخته
مرة تانية كنا مسافرين اسماعيلية و ودناها للميكانيكي يظبطها وكدة
و اول ما طلعنا من الشارع بتاع الميكانيكي العربية ولعت من قدام اتاري الميكانيكي نسيي يركب خرطوم بتاع فلتر البنزين تقريباً كويس و كان بيسرب بنزين
و مواقف كتيييييييييييييييير عايز كتاب علشان تتكتب فيه .
و الله كل ما نتقابل نقعد نفتكر المواقف دي و نستعيد ذكريات الـ 128

والله كويس ان فيه ناس اصيلة وبتفتكر حاجتها القديمة وبجد اول عربية بيكون ليها احساس خاص واكيد ده كله بيسيب ذكرة حلوة وممكن تكون حزينة علينا بس في الاول والاخر بجد اول عربية ديه بتكون اصيلة بجد حتى ولو كانت مجنناك

ا/لولي
ربنا يوفقك في بيعها وبيدلهالك باحسن منها ان شاء الله ويفيكي اهم حاجه شرها
وبعدين اللى ملوش خير في عربيتو ملوش خير في Nilemototrs

انا لما بعت عربيتى عيطت كتير وكنت هافركش البيعة فى آخر لحظة كنت حاسة انى قلبى هايتخلع من مكانه بصراحة لما اخدت قرار البيع وبدات ادور على عربية تانية ماكنتش متوقعة انها هاتصعب عليا كده
ده حتى انا اتاخرت على الراجل لما جيت اسلمهاله عشان وقفت على جنب بيها قبل المكان اللى هاسلمها فيه وقعدت اعيط واحط ايدى عليها ووقفت جنبها كتير مش قادرة اكمل المشوار لحد الراجل اللى هايشتريها وكل مااشوف عربية زيها فى الشارع افرح وافتكرها واقول وحشتينى يا بيكانتوتى

127 كانت معانا من 1982 كانت مع والدى وبعد كده انا اخذتها فى 2004 وبعتها فى 2005
تخيل العربيه كانت معانا من من قبل ما اتولد واخده كل ذكريات الطفوله سن المراهقه وفتره الشباب و (فتخيل بقى فراقها عامل ازاى بالنسبالى )
هيه على فكره راحت لواحد صحبى وبشوفها كتير معاه ولسه برضو بركبها
بس هوه فيه حاجه انى مبقتش اعرف اسوقها

تانى عربيه كانت لانوس 99 كامله اوتوماتيك
العربيه ده جبتها بعد ال127 بشهرين تقريبا يعنى فى 2005 وبعتها فى 2008 وده برضو واخده ذكريات جميله والاكتر منها فتره الكليه
العربيه ده مكنتش متأثر اوى وانا بسعى لبيعها زى ال127 (لان 127 اعدت اسبوع قبل ما بيعها مش متخيل انى هبيعها ومش هركبها تانى وكنت زعلان جدا فى الفتره لدرجه ان صاحبى كان عايز يشتريها اتأخرت كتير عليه كتير اوى لحد ما بعتهاله )
لانوس اللحظه الى تأثرت فيها اوى وانا بسلم للمشترى العربيه (لدرجه انى مكنتش عارف اتكلم معاه وانا بسلمه )
بس بينى وبينك انت لما ربنا يكرمك وتجيب عربيه جديده بتنسى العربيه القديمه الى حد كبير جدا

انا لما بعت الهوندا سيتي زعلت جدااااا برده و بعتها غصب عني كمان

فده اللى قهرنى اكتر مع انها مقعدتش معايا اكتر من اربع شهور بس بجد كان ليها معزة خاصة

عندي و و لحد دلوقتى لما بشوف سيتي سودا بجد بفتكرها و ازعل انى بعتها

بس الحمد لله ربنا عوضني خير

كان معي 127 قعدت معايا 7 سنين
اشتريتها بفلوسي و استلفت من الوالد و اتعلمت عليها
و مع انها 127 بس حضرت بها أكتر من 20 فرح و خطوبة
عند بيعها (بعتها مضطر بسبب المرور) بعتها لواحد صاحبي و كان يوم صعب و فضلت سنة كاملة ناوي اشتريها تاني
دلوقتي خلاص و صاحبي باعها لواحد صاحبي تاني و لسة باشوفها بس الحنين قل جدا

فعلا أول عربية للواحد بتبقى عزيزة عليه جدا وليها ذكريات كتير.

أنا معايا بيجو 206 من 2003 وببيع فيها دلوقتي وان شاء الله ناوية على سيات ليون
بس ال 206 دي اشتريتها بعد قصة حب كبيرة وياما كان ليا معاها ذكريات..خدت فترة الجامعة كلها معايا..وكمان ظبتطها وخليت مفيش منها اتنين لدرجة ان اي حد بيعدي جنبها بيقعد يتفرج عليها جامد..ولما حد بيعرف اني هبيعها بيقوللي بعد اللي عملتيه فيها..وخسارة وكلام كدة.

ربنا يصبرني ويعوضني باللي أحسن منها
بس مهما حصل مش هنساها أبدا.

اقتباس:

---

المشاركة الأصلية كتبت بواسطة adwyy

مرة تانية حصل موقف غريب جداً
كنا في الكلية و واقف انا وصاحبي ده على اول فيصل باليل
و فجأة لقينا العربية معدية و متزوقة و بتزف ناس مش عارفينهم
اعقدت اقوله يا عمرو مش دي عربيتك
يقولي يابني ايه الي هيجيبها هنا
اقوله و الله العظيم عربيتك حتى اسمك مكتوب على القزاز الي ورا اهه الواد ازبهل و تاكس و ورا العربية على طول
لقينا الميكانيكي مطلع مفتاح عليها و واخدها بيزف اخته

---

موقف قوي جداجدا :D :D مفروض تحطه في الموضوع بتاع اكثر موقف مضحك متعلق بالسيارات ..
----------
بالنسبة لي ..
العربية حسب ما تريحك او تتعبك ..
اول عربية لينا .. كانت 128 موديل 90 .. يوم ما بعتها .. اختي قعدت يوم كااااااااااااااامل بتعيط ..
جبت بعدها عربية لانسر 99 .. أرفتني أرف ... محدش شافه في الدنيا كلها ... 6 شهور بالظبط و بعتها .. و كان فاضل اني أدي فلوس للي حايشتريها ...

يمكن انا عكس معظم الناس اللى ردت على الموضوع ، انا كنت بحلم باليوم اللى أخلص فيه من اول عربية جبتها لأنها كانت معذبانى ، ويمكن أكون بعتها بالخسارة علشان أخلص منها ، كانت 128 جبتها فى 2006 وبعتها فى 2008 ، وبينى وبينكم انا مش من النوع اللى بيرتبط عاطفيا بالعربية.

عربيتي أكسنت ، ليها ذكريات عزيزه جداااًً و قدت معايا الحلوه و المره وجه النصيب اني أبيعا بس بصراحه شعور محزن جداااً
لأنها زي الصدي معاك في كل مكان ...
يلا النصيب بقي .

شعوري اني كنت خايفة ما تتباعش.. أصلها قعدت معايا 3 أشهر فقط، مالحقتش أحس بالألفة معاها عشان كنت حاسة انها مؤقتة و باتعامل معها على هذا الأساس، هي كانت 127 بس و الله كانت حمالة أسية و فتيسها و اسطوانة دبرياجها يستاهلوا جايزة أكبر تحمل من اللي عملته فيهم أول ما سقت خالص :D

كفايه يا جماعه علبة المناديل خلصت من العياط:k14:

اللى زعلان على عربيته الاولى هجيب له مرسيدس سى كومبريسور 2009 هديه مني و يدوس على عواطفه D: ,, مين موافق ؟؟

أول عربية لينا كأسرة كانت أكسنت مو 2000 اشتريناها 2002 وبعناها 2005
كانت عربية جميلة حتى بمشاكلها لازلت بحبها وفاكر رقمها واللي خدها كان مدرس في الفيوم معرفش باعها لحد تاني ولا لأ ، إن شاء الله أما اشتغل وربنا يكرمني هادور عليها واشتريها تاني


http://www.cheesebuerger.de/images/smilie/set/070.gif http://www.cheesebuerger.de/images/smilie/set/020.gif http://www.cheesebuerger.de/images/smilie/set/019.gif http://www.cheesebuerger.de/images/smilie/set/016.gif http://www.cheesebuerger.de/images/smilie/set/021.gif http://www.cheesebuerger.de/images/smilie/set/016.gif http://www.cheesebuerger.de/images/smilie/set/014.gif http://www.cheesebuerger.de/images/smilie/set/006.gif http://www.cheesebuerger.de/images/smilie/set/013.gif http://www.cheesebuerger.de/images/smilie/set/010.gif http://www.cheesebuerger.de/images/smilie/set/015.gif http://www.cheesebuerger.de/images/smilie/set/001.gif

انا عمرى ما زعلت على اى عربيه بعتها لانى بابعها بعد لما ازهق منها
و اول عربيه جبتها قعدت معايا سنه و نصف
انما اللى بزعل عليهم قوى الموتوسيكلات بتاعتى
و خصوصا اول موتوسيكل كنت بحبه قوىىىىىىىىىىىى
بس للاسف اتسرق
و كتبت ساعتها شعر على اللى حصل
ههههههههههههههههههههه
كان شعر رثاء
و على فكره انا زعلان على اى موتوسيكل بيعته
بس كنت بابيعه مضطر للاسف

ايه يا عم الموضوع ده انت بتنشن انا لسه بايع الماتركس النهارده و مع انى جبت لانسر من 6 شهور و ماكنتش باركب الماتركس كتير بس برضه دى كانت اول عربيه فى حياتى (اصلى كنت باخاف من السواقه) وكنت والله حاسس انى بافارق حاجه غاليه عليا قوى لدرجة ان لما الراجل اللى اشتراها بعد ما خلصنا المرور قالى اوصلك (اصلى رحت بيها ) قلته ماشى وصلنى بس انا اللى اسوقها :k24:

لما جبت الاكسنت دى من 3 شهور كان معايا 128 موديل 1987 كانت بتاع والدى من الزيرو و ادهانى سنة 2002 ، و الله العربية دى انا مقدرش اوصف بحبها اد ايه عشرة 21 سنة ، و كنت مجنون مصاريف عليها ايام الجامعة لدرجة ان كان عندى دكتور ف الكلية كان عايز ياخدها لمراته ، جت فكرة من حوالى شهرين كده نبعها ، لما جينا لوقت الجد مفيش حد ف البيت قدر ياخد قرار البيع و الله ليها مواقف متتنسيش ، ده فى صيف 2006 طلعت بيها اسكندرية 6 مرات و مطروح 1 مرة واحدة :)

كان عندي شاهين 95 كان والدي جايبها زيرو وعشت معاها احلى ذكريات 13 سنه من ايام لما كنت باقعد جنب ابويا وهو سايق لحد ماخويا الكبير خدها ولحد مانا خدتها من سنتين ولسا بايعها من اسبوعين وجايلي اكتئاب من بعدها ولسه ماجبتش غيرها مع العلم ان دي كانت العربيه الوحيده اللي جبناها في حياتنا

انا صراحة عربيتى فيات 131 كانت مجننانى لحد ما عملت ما فى هذا الرابط

http://www.nilemotors.net/Nile/showthread.php?t=44311