اختيار الموبايل بقى ازمة

**ayman20100** · 28-08-2014 03:05 PM

السلام عليكم ورحمة الله
انا مش من هواة تغيير الموبايلات كتير والموبايل عمره الافتراضي معايا طويل
ولما قررت اغير واشتري موبايل وادخل عالم الاندرويد في الموبايل
فوجئت بكمية رهيبة من الموديلات والماركات والاصدارات
زمان كنت بختار من 20 او 30 موبايل وخلاص
المهم باختصار
دورت كتير وقررت اشتري نوكيا X وبعدين اتاخرت لقيت X2 نزل وامكانياته اكبر وفي رينج المبلغ المنشود بس المصيبة انه طلع فيه مشكلة مع الواتس اب مش بيشتغل واغلب التطبيقات مش بتبقى متوفرة عليه فرجعت لنقطة الصفر تاني

من الاخر كده لو هشتري حاجة في حدود 1000 جنيه اندرويد ورامات 1 جيجا وشاشة في حدود 4 بوصة اجيب ايه علماً اني بميل للنوكيا عشان الخامات الهاردوير والموبايل لازم يكون بيستحمل لاني بحتفظ بيه فترة طويلة وممكن سوني مثلا وممكن htc

فيه حد ممكن يفيدني في الاختيار

**eng.m7md.ali** · 28-08-2014 03:10 PM

مشكلة النوكيا في الاندرويد لكن مع الويندوز احسن بكتييير .. ودلوقتي HTC m8 نازل منه نسخة ويندوز فون ونسخة اندرويد

**ayman20100** · 28-08-2014 09:09 PM

ساعدوني في الاختيار

**Ladawy** · 28-08-2014 11:11 PM

samsung S duos

اسمع انه حلو و الناس مقبله عليه علشان سعره نزل 200 جنيه من اسبوع ( بقى بـ 1025ج تقريبا )
لكن انا ولا اعرفه ولا ليا تعاملات مع الموبايلات التاتش عموما :)

**Mohamed A S** · 29-08-2014 08:45 AM

نصيحة .. ابعد عن السامسونج .. ليه تجربة سيئة معاهم .. اشتريت تليفون وظهر به عيب صناعة بعد شهرين من الاستعمال ولحد دلوقتي في مشاكل معاهم لانهم مش راضيين يستبدلوا التليفون على الرغم انه دخل الصيانة لحد دلوقتي اربع مرات خلال شهرين .. خدمة الصيانة وما بعد البيع سيئة جدا جدا جدا في سامسونج وللاسف الشديد مش بتلاقي حد مسئول تعرف تتكلم معاه مصدرين الشباب الصغير بتاع الكول سنتر.