صوت محرك البرسونا

**hoko** · 28-08-2014 07:37 PM

تحية طيبه لكل اعضاء المنتدى الكرام
بسمع صوت ( نقره) فى الموتور خاصة والعربيه بارده وبيختفى بعد ما تتحرك وتسخن
اعتقد الصوت ماكنش موجود قبل كده لاحظته بعد سفر المصيف لمطروح ( سرعه 120 -140- حموله متوسطه- السفر ظهرا -ميعاد تغيير الزيت كان فى اخره) -هل دا طبيعى ولا لأ ارجو الافادة من اصحاب الخبره
العربيه بيرسونا 2011 باستخدم زيت شل الترا000و10

**hoko** · 30-08-2014 01:53 AM

معلهش خبرتى بالمحرك بسيطة ولكن من خلال مشاركة لاحد الاعضاء المحترمين قدرت اعرف توصيف الصوت الغريب اللى بالمحرك
وهو الكوستبانات فهل فى خطوره منها وايه الحل وكم التكلفة ولكم الشكر

**eng.m7md.ali** · 30-08-2014 02:30 AM

حضرتك تقصد تكتكة؟

طيب هل التكتكة دي طالعة من وش الموتور ولا من المانفولد ولا من ناحية الشكمان تحت؟

الكوستبنات في العربيات القديمة هيا التكهات في العربيات الحديثة عمتاً مفتكرش ان صوت التكيهات هيظهر بالسرعة دي

**midomido123** · 30-08-2014 07:50 PM

Gen 2 مفيهاش تاكيهات فيها كوستبنات (lifters) ولو من وش الموتور فعلن تبقى كوستبنات او نفس الصوت اللى انا حطه فى موضوع صوت الجين 2 بس الضرر من الصوت ده مفيش ضرر اللا لو الصوت ده سببه عدم وصول الزيت للكوستبنات نتيجه ضعف طرمبة الزيت

**hoko** · 30-08-2014 11:22 PM

المشاركة الأصلية كتبت بواسطة midomido123

gen 2 مفيهاش تاكيهات فيها كوستبنات (lifters) ولو من وش الموتور فعلن تبقى كوستبنات او نفس الصوت اللى انا حطه فى موضوع صوت الجين 2 بس الضرر من الصوت ده مفيش ضرر اللا لو الصوت ده سببه عدم وصول الزيت للكوستبنات نتيجه ضعف طرمبة الزيت

شكرا جزيلا لحضرتك
فعلا نفس الصوت اللى فى الفيديو . فى الحاله دى ازاى نحكم على كفاءة طلمبة الزيت ؟

**hoko** · 30-08-2014 11:34 PM

المشاركة الأصلية كتبت بواسطة hoko

شكرا جزيلا لحضرتك
فعلا نفس الصوت اللى فى الفيديو . فى الحاله دى ازاى نحكم على كفاءة طلمبة الزيت ؟

المشاركة الأصلية كتبت بواسطة eng f3lix

حضرتك تقصد تكتكة؟

طيب هل التكتكة دي طالعة من وش الموتور ولا من المانفولد ولا من ناحية الشكمان تحت؟

الكوستبنات في العربيات القديمة هيا التكهات في العربيات الحديثة عمتاً مفتكرش ان صوت التكيهات هيظهر بالسرعة دي

شكرا جزيلا لحضرتك يا باشمهندس
هى فعلا تكتكه وبحكم خبرتى المتواضعه استبعد الاختيار الثالث (من ناحية الشكمان تحت )وما قدرش احدد الخيار الاول من الثانى

**midomido123** · 31-08-2014 01:20 AM

المشاركة الأصلية كتبت بواسطة hoko

شكرا جزيلا لحضرتك
فعلا نفس الصوت اللى فى الفيديو . فى الحاله دى ازاى نحكم على كفاءة طلمبة الزيت ؟

الطلمبه غالبا مش هتضعف فى عربيه 2011 ولا 2005 حتى بيتهيقلى عمرها اطول من كده...بس فى اختبار ليها سهل بس انا مجربتوش وهو بردو مش ضقيق اوى هو انك تفتح غطا الزيت والعربيه دايره وتشوف ازا كان فى بخر زيت يبقى كولو تمام