الموضوع: شكمان ريس للمتوسيكل الصيني

مبدئيا, مفيش أى حاجة ممكن تعملها فى المكنة دى تخلى صوتها زى الريس.
الريس موتوره بيبقى High revving, يعنى عدد لفات موتوره بيبقى عالى تقريبا ضعف المكنة اللى معاك, زى عربيات الفورميلا وان كده.
غير كده موتور الصينى بيبقى واحد سلندر, على عكس مواتير الريس والهارلى والحاجات الأعلى ال 2 أو 4 سلندر, ده ال CBR 250 أربعة سلندر, بأستثناء الجديد منه, ده كمان من غير كلام فى سعة الموتور نفسه.
أقصى حاجة تعملها أنك تركب, تشيل أو تخرم الشكمان, والنتيجة صوت عالى ومزعج, لكن ميزته أن اللى مش هيشوفك هيسمعك, وتقلل فرص أن حد يكسر عليك أو يفتح باب عربية فى وشك, وهات بتمن ال Yoshi خوذة أو جاكيت سيفتى محترم.