عرض للطباعة
كنت بفكر اشترى مروحه كبيره الحديد 30 بوصه اللى زى بتاعت المحلات دى زى الصوره كده..انا وقفت قدامها فمحل لقيتها حلوة جدا
وشفتها فى مهرجان السياحة والتسوق اللى فأرض المعارض فمعرض شركة جاك ب 600 جنيه بضمان سنه وشفت الفريش نفس المقاس ب 750 جنيه
ياترى هل صوتها عالى ومزعجه؟؟ يعنى اقدر انام وهى شغاله؟؟
استهلاكها للكهربا نظامه ايه؟؟
هل بتبوظ بسرعة ولا ماتورها كويس؟؟
هل ماركة جاك كويسه ولا فريش؟؟ لانى لقيت المروحة دى فى ماركة جاك وفريش فقط؟؟
http://files2.fatakat.com/2011/10/13199771832967.jpg
انا شوفتها في صيدلية وشكلها شقيانة شغل وكانت تمام بس اثناء دوارنها بتعمل صوته تكه بسيطة فاده معناه انها شغاله وتستحمل
رأي اشتري ماركة فريش لاني معرفش ايه جاك دي ..
مزعجة جدا لأن صوتها عالى .
اعتقد انها مخصصة للأماكن العامة زى المؤتمرات والمحلات والصيدليات وخلافة لكن بالنسبة للبين أنت مش محتاجها .
انصحك بتوشيبا ستاند بريموت ... صوتها هادى + موتور قوى + شكلها حلو + توشيبا .
فيه اتنين منهم فى الجامع بس اللى بتتعلق على الحائط
صوتها عامله زى الطيارة الهليكوبتر
بقالهم حوالى سنتين واحده منهم اتحرقت فجأة وجابت دخان وستر ربنا ان احنا لحقناها بسرعه وفصلنا عنها الكهرباء
هي بتجيب هواء طبعا بس ما ينفعش تتحط جوه البيت بسبب الإزعاج الشديد اللي بتعمله . يعني صوت الموتور بيبقي عالي قوي و احيانا معاه زنه مزعجه يعني ممكن تخليك مش سامع صوت التلفزيون كويس او جرس الباب او مش سامع اللي بيكلمك كويس . و بعدين خللي بالك من سوء تفاهم كبير بيحصل و هو ان و حضرتك بتتفرج عليها في معرض بتبقي محطوطه في مكان واسع و مفتوح و أصوات تانيه كتيره و بالتالي ده بيخدعك في مدي الضوضاء اللي بتعملها انما هتكتشف ده اول ما تروح و تشغلها في البيت و ساعتها مش هيبقي قدامك غير انك تضحي بثمنها و تركنها يا اما تضحي بودانك و تستحمل صوتها :crying2:
السلام عليكم
بالنسبه لفكره المروحه ديه في البيت...تفضل الزملاء الأفاضل و أبدوا تخوفهم من مستوي الصوت الصادر منها و أتفق معهم حيث أنها غير مريحه في ظل أجواء البيت الهادئه
لو حضرتك هتثبت المروحه في مكان واحد ممكن تجرب فريش الحائطي بالريموت كنترول (صوت هادئ-لا تشغل حيز قد تكون محتاجه-هواء قوي -تحكم عن بعد-سعر مناسب 290 جنيه)
مع إحترامي لرأي زميل سابق و عن تجربه...مروحه توشيبا الإستاند أغلي و هواها أضعف و مواجهني معاها مشكله طريفه إن كل ما بقلب ريموت التليفزيون بتقفل لوحدها أو تغير سرعتها (التداخل بين ريموتها و ريموت التليفزيون سهل و ده عند ناس كتير مش لوحدي)
بالتوفيق لإختيار الأصلح
جزاكم الله خيرا
فعلا أنا عندي الموضوع ده بتاع تداخل الريموت برضه بس مع ريموت التكييفاقتباس:
المشاركة الأصلية كتبت بواسطة boomboomzoro
اعتقد الفريش محترمة
انا سمعت ان الفريش الشبح دى كويسه جدا وافضل من التوشيبا بكتير وماركة ماكسيل كمان بيقولو ممتازة..ياترى انهى الافضل
انا جربت جميع انواع المراوح
البوكس والمكتب والاستاند والحائطى والسقف
افضل نوع هو مراوح السقف
لانها عملية وصوت هادى وسهلة الصيانة ولا تشغل حيز
وتعمر طويلا بدون مشاكل
افضلهم ماركة توشيبا وماكسيل
فى المرتبة الثانية مروحة الحائط بشرط تكون من توشيبا لاغير
انا جايب فرش الشبح الاستاند 18 بوصه
وشوفت التوشيبا
الفرش هواها اقوى
لكن صوتها اعلى بدرجة واضحه
بس فى الصيف والحر ممكن نضحى بالازعاج مقابل الهواء
انا مشكلتى فى السقف انى بحس انها مبتجبش هوا مباشر عليا وانا محتاج حاجه مباشره عليا بالذات فى الحر
والشبح انا سمعت ان صوتها عالى فعلا وانها اقوى من التوشيبا
ولكن لو الفريش صوتها عالى ما انا اجيب المروحه الحديد اللى فبدايه الموضوع لانه كده هى هى نفس الصوت
بس ممكن احاول اقلل عن 30 بوصه عشان الضجيج يقل..يعنى اجيب حاجه 22 ودى شفتها حديد برضه ماركة لايف بضمان سنه
متابع مع حضرتكاقتباس:
المشاركة الأصلية كتبت بواسطة new_man