لانسر 2009 سوبر اكشن لا هوندا 2008/2007

شاركونى رأيكوا يا جماعة
دلوقتي انا لسه بايع عربيتي للتغيير ومعايا بالظبط من 95 ل 100 ألف ومش هخرج عن نطاق الياباني عشان مشاكل الاوروبي
فانا حصرت اختياراتي بين لانسر بومة وسيفيك جيل ثامن
فشاركونى رأيكوا
المبلغ ده جايبلي لانسر 2009 سوبر اكشن فبريكا بالكامل وصيانة توكيل
ولما دورت في السيفيك لقيته جايبلي 2007 و2008 فئة أولي اوتو ورشة بعض حاجات
فانا محتار الصراحة
انا احتياجاتي للعربية: مشاوير للشغل وللاسرة وتكون اعتمادية ولما افكر ابيعها تتباع بسهولة عشان لو حبيت اغير
طبعا البومة بتتباع بسهولة جدااا معرفش ليه، انما السيفيك بلاقي ناس ليها اعلانات من اسبوع و 10ايام والعربية لسه ما تباعتش
رأيكوا من فضلكوا بكل حيادية ونصيحة

انا كان معايا لانسر 2007 و جبت هوندا 2008 بجد فرق شاسع لصالح الهوندا دي ركوبه و دي ركوبه تانيه خالص
انصحك بالهوندا و العربيه بتباع عادي بس الاهم تكشف في التوكيل

بس حاول تزود ل 110 و تجيب حاجه نظيفه و فابريكه
و مهم جدا تقول لصاحب العربيه انك عايز تكشف في التوكيل عشان اغلبهم مش بيوافق

هوندا طبعا

تسلموا يا رجالة
بس للاسف مش هقدر ازود جنية زيادة لان انا كده هبقي مجنط تماما
ومستنى باقي اراء الناس مع ملاحظة ان اللانسر اعلى فئة فيها والسيفيك اقل فئة فيها

باشا انا معايا هوندا 2010 و لسه بايع لانسر بومة 2007 كانت عربية زي الفل بصراحة
بس الهوندا بجد حاجة تانية سحب و فخامة و رشاقة ..... عيبها الوحيد انها واطية عايزة طريقة معينة عشان تاخد المطبات
لكن طبعا ده مديها ثبات علي الارض
توكلعلي الله في الهوندا

عذرا مافيش مقارنة بين الهوندا و اللانسر

لو مش معاك غير المبلغ دة يبقي هات لانسر
الهوندا بالسعر دة هتبقي حالتها وحشة و هتتعبك و مش هتعرف تبيعها

هونداااااااااااا بس لو عرفت تجيب حاجة نضيفة طبعا
اللانسر مافيش عليها كلام حلوه و زي الفل بس الهوندا احلي

سيفيك ٢٠٠٨ طبعا انا كان معايا بومة خليجي كذا شهر
صدقني العربيتين ميتقارنوش ملهومش علاقه ببعض
الهوندا ياباني و البوما حتى لو كومبو اكشن انساها

تسلموا يا رجالة على النصايح
وفي انتظار رأي الكبير سامح باشا

لو مين افضل كعربية ؟
فالموضوع منتهى لصالح السيفيك no question about it
شكل احسن و تكنولوجيا اعلى و powertrain اقوى و سحب افضل و ثبات احسن
و ركز اوى على نقطة الثبات و السحب

لو بتسأل مين سوقه احسن ,, البومة طبعا
تقدر تبيعها ف نفس اليوم باذن الله و لما تيجى تبعها تانى هتلاقى نفسك كسبت فيها اصلا
و دى خاصية مش موجودة الا ف البومة و كام عربيه يتعدوا على الصوابع
ودى امر واقع ف مصر و حتى لو كان مش منطقى لكن احنا مضطرين نمشى مع السوق

90-100 الف ,,
يجيبوا سيفيك lxi موديلات 2007 و 2008 حاله عادية
يجيبوا بومة بحالة كويسه اوى و تبقى سوبر اكشن و تزيد عن السيفيك
ال lxi ف فتحة السقف و الجنوط و السبويلر

imo ,,
هات سيفيك لو بتسافر كتير او بتمشى على سرعات عاليه
هات بومة لو ناوى تغير العربية تانى او لو عايز تحتفظ بقيمة فلوسك

اقتباس:

---

المشاركة الأصلية كتبت بواسطة pioneerahmed

لو مش معاك غير المبلغ دة يبقي هات لانسر
الهوندا بالسعر دة هتبقي حالتها وحشة و هتتعبك و مش هتعرف تبيعها

---

بص يا باشا ده كلام سليم
ومتفق ان المبلغ لو هيخليك تجيب حالة مش رقم 1
بلاش وهات لانسر

السيفيك افضل طبعا
بس اللانسر مناسبه ليك

الهوندا طبعا افضل بس لو اللانسر حالة نضيفة اوى يبقى افضل الحالة لان فى الاخر لو حتى راكب مرسيدس ومشاكلها كتير اكيد هتزهق

اكيد هوندا زي ما قال كل الاعضاء
ولكن العربية المستعملة حالتها اهم حاجة
فلو المبلغ مش هيجيب هوندا سليمة و متحافظ عليها يبقي زود أو هات لانسر