مقبل على شراء كوروﻻ 2015 الفئة التانيه اتوماتيك قبل اﻻخيرة و عايز اعرف حاجه

**hossamgh1312** · 29-08-2014 02:50 PM

السﻻم عليكم و رحمة الله بعد تفكير طويل فى شراء سيارة جديدة استقريت بنسبة 95% ع الكوروﻻ الجديده بس كنت عايز اعرف شوية حاجات
اوﻻ بعد تعديل العربيه ف اﻻرتفاع بقت كويسه مبتحكش كتير و الخلوص بقى 15.5سم و ﻻ اكتر ﻻنه ف التوكيل اللى ف شبين الكوم قالى اكتر من كده و انا مش مصدقه
ثانيا السعر الرسمى من التوكيل دلوقتى كام ﻻن اللى انا عارفه انها ب 190بس ف نفس التوكيل قالى 196 و اﻻستﻻم بعد3 اسابيع مش عارف اذا كان بيشتغلنى و ﻻ ﻻ

**Molham** · 29-08-2014 02:57 PM

انزل القاهرة وبعدين هو فى وكيل تويوتا فى شبين اوعى تكون تقصد عبدة بركات ؟؟

**Sameh samy** · 29-08-2014 03:02 PM

العربية 15.5 وموش بتحك الا لو مطب عالي وضيق اوي او انت اخدت مطب علي سرعة عالية وانا جاي بيها من الغردقة مليان شنط ومحكيتش خالص ومخدش مطب بالعرض ولا حاجة بس افتكر انها في الاول والاخر سيدان
السعر 189.900 في التوكيل لحد النهاردة وياريت تحجز من القاهرة ومن التوكيل اضمن وافضل
ومبروك مقدما

**hossamgh1312** · 29-08-2014 03:24 PM

المشاركة الأصلية كتبت بواسطة molham

انزل القاهرة وبعدين هو فى وكيل تويوتا فى شبين اوعى تكون تقصد عبدة بركات ؟؟

انا معرفشى هو اسمه ايه هو معرض مكتوب عليه تويوتا ف شبين جنب موفى مون تقريبا انا مش عارف شبين اوى معلش بس هو مش بيتعامل غير ف التويوتا حتى المعرض اسمه تويوتا و لو هو عبده بركات اللى حضرتك تقصده هو كويس و ﻻ ف حد اشتكى منه
شكرا لمرور حضرتك

**hossamgh1312** · 29-08-2014 03:28 PM

المشاركة الأصلية كتبت بواسطة sameh samy

العربية 15.5 وموش بتحك الا لو مطب عالي وضيق اوي او انت اخدت مطب علي سرعة عالية وانا جاي بيها من الغردقة مليان شنط ومحكيتش خالص ومخدش مطب بالعرض ولا حاجة بس افتكر انها في الاول والاخر سيدان
السعر 189.900 في التوكيل لحد النهاردة وياريت تحجز من القاهرة ومن التوكيل اضمن وافضل
ومبروك مقدما

شكرا لمرور حضرتك
بس اﻻستلام ف التوكيل نظامه ايه بيطول و ﻻ ف خلال شهر ممكن استلم و لو احجز ف التوكيل احجز ف ابو رواش

**ايهاب مأمون** · 30-08-2014 10:03 AM

انا زيك بالضبط استقريت بعد تفكير طويل على تويتا كزوﻻ وان شاء الله هجيبها بعد اسبوعين بس انا هشتريها من سمير ريان وهجيب اول فئه اوتو وسعرها 180

**hossamgh1312** · 30-08-2014 02:00 PM

المشاركة الأصلية كتبت بواسطة ايهاب مأمون

انا زيك بالضبط استقريت بعد تفكير طويل على تويتا كزوﻻ وان شاء الله هجيبها بعد اسبوعين بس انا هشتريها من سمير ريان وهجيب اول فئه اوتو وسعرها 180

شكرا لمرور حضرتك
كنت عايز اعرف من امتها و انت حاجزها و لو تعرف سعر الفئه التانيه اوتو بكام عند سمير ريان يا ريت تعرفنى و لو ف ارقام تلفونات ليهم ممكن تبعتهم بعد اذنك

**ايهاب مأمون** · 30-08-2014 04:05 PM

المشاركة الأصلية كتبت بواسطة hossamgh1312

شكرا لمرور حضرتك
كنت عايز اعرف من امتها و انت حاجزها و لو تعرف سعر الفئه التانيه اوتو بكام عند سمير ريان يا ريت تعرفنى و لو ف ارقام تلفونات ليهم ممكن تبعتهم بعد اذنك

حضرتك عند سمير ريان مفيش حجز دا معرض يعنى تخلص اجراءات البنك لو هتجيبها قسط وتستلم على طول
سعر الفئه التانيه 196

**abofandy** · 31-08-2014 12:34 AM

بركات فى المنوفية كويس ولكن هو موزع معتمد من تويوتا ايجيب ولكن هتشترى باوفر برايس 5 او 6 الاف جنيه وانت وشطارتك ع سعر العربية الاساسى وهو 190.000 جنيه

سمير ريان نفس النظام 195 او 196 الف جنيه جنيه والاستلام خلال يومين او فى نفس اليوم حسب توافر اللون المطلوب

التوكيل السعر الرسمى 189.900 والاستلام خلال اسبوع او اتنين بالكتير ع حسب توافر اللون ولو كان اللون الابيض سواء لولوى او سوبر وايت فبيكون خلال شهر كحد اقصى

نصيحه اخ خليك فى الفروع الرئيسة فى القاهرة سواء العباسية او التجمع او ابورواش اممممان اكتر ومضمون وانت اولى بفرق السعر دة