البوينت في الموضوع ده كله ان الزيت التخليقى بطبعه لا تذوب فيه الاضافات ، فبيحطوا عليه مواد "استرات"
الاسترات دى مشكلتها مع المواتير القديمة المتهالكة لما تتحط فيها فجأة انها بتضرب الجوانات والاويلسيهات (عن تجربة) وطبعا مع اللزوجة القليلة الزيت هينقص معاك جامد ومش هتحس بأي فايدة للزيت ، بالعكس ممكن تحس بتدهور في حالة المكنة بدري بدري ..
مفيش اي جدوى اقتصادية انك تحط زيت تخليقى "بيحافظ على الموتور من انه يتآكل" في موتور متآكل بالفعل !
خلوصات ضيقة ( موتور زيرو) = زيت تخليقى لزوجته قليلة وخفيف وغنى بالاضافات يوصل لادق الاجزاء في الموتور بسهولة ويحافظ عليها
خلوصات واسعة (موتور مستهلك) = زيت معدنى لزوجته مرتفعة نسبيا مناسبة للخلوصات بتاعته ونسبة اقل في استهلاك الزيت وتغيير على فترات متقاربة لطبيعة تلوث الزيت بالبنزين والعادم والكربون
المفضلات