الموضوع: تقرير مختصر بعد شراء واستخدام لسايبا برايد 132

بسم الله الرحمن الرحيم
السلام عليكم
ده تقريرى عن برايد بعد استخدام 2800 كيلو
بدون تحيز او مبالغة العربية رائعة من حيث السعر مقابل ما تحصل من مميزات
العربية عالية فتديك راحة مع المطبات
العفشة نااااااااعمة ومريحة
التكييف معقول فى 1 بتتدلج على 2 فى عز الحر وعلى 1 كفااااية قوى باليل
الموتور من غير تكييف ممتاز كسحب واستهلاك بنزين مع التكييف بتحمل على الموتور فى المطالع بتكون مخنوقة ممكن تضطر انك تنزل غيار وبتاخد وقت لحد ما تاخد سرعة عاليه لكن بتأدى المطلوب اوقات بتحتاج تكارك بدواسة البنزين عشان تسرع العربية لأنك لما بتدوس اوقات مفيش اى استجابة كأنك دايس على زرار تحديد السرعة وقالولى فى ابلتوكيل اليكترونى الرشاشات بتعمل كده مش فاكر عشان ايه بس حكاية المكاركة دى حتى كاتلوج العربية فيه ده
الموتور صوته معقول جدا
الصاج جميل وتصميم العربية حلاوته وقت الخبط لا قدر الله مش هتحتاج شغل جامد نتيجة ان العربية مفيش فيها زوايا وتصميمها بسيط
من الاخر العبية فيها كل الأوبشن بتاع اللانوس وفبرنا مع اختلاف سعات الموتور وسواقتها احسن بكتيييير وقعدتها اريح ورا وقدام واسعة فعلا فلو بتفكر فى لانوس او فيرنا كبر منهم سايبا تفوز لو طنشت موضوع الشكل لأن الفرق فى السعر بين فيرنا , لانوس وبين سايبا فوق ال 20000 جنيه فحرام
بجد عربية جميلة وتستاهل أخر حاجه هى مش بتاعة جرى دى عربية عملية تأدى الغرض بمنتهى الراحة
سواقة سهلة ركن بسهوله الباور جميل
الأوبشنز
تكييف باور زجاج امامى كهرباء كرسى السواق قابل للتعديل مقود قابل للتعديل فو وتحت مفتاحين واحد بريموت للسنترلوك ولشنطة العربية فتح التانك وشنطة العربية من جوه
أخر حاجه ومش متأكد منها لسه هسئل فى التوكيل موضوع الامبوليزر الكاتلوج والعربية من جوه بيقولوا ان فيها النظام ده
الترخيص تكاليفة 1100 جنيه
اللى ممكن تكمله فرش جلد مع قماش و فاميه حرارى للزجاج الجانبى ورا مينفعش عشان الزجاج حرارى فا الفاميه هيبوظه لكن فعلا بيفرق اللفاميه الحرارى والشفاف منه وده أغلى حاجه المتر ب 270 جنيه بتتكلف بكتيره متر ونص وبحجب 90 من حرارة الشمس انه يدخل جايبه من سبير كار اللى فى التجمع
السلام عليكم
انا جايبها من التوكيل 42 ش الطيران مدينة نصر ب 58000

هى فعلا جميله وهى معايا وانا كمان جايبها زيرو بس عندى مشكله..اول لما جبتها كنت بسمع ونة الفتيس على السرعه العاليه فوق ال80.وكانت ونه خفيفه اووووى..لكن..فيه ناس نصحونى بتغير زيت الفتيس غيرته زيت توتال90..اول لما غيرته الونه زادت اوى وبقت ملحوظه.حتى مع الغيار التالت والرابع..مش عارف ايه السبب