فى صدى فى مياة اليرداتير أعمل ايه ؟!!!

السلام عليكم ورحمة الله وبركاته ...

بعد التحية ,,,
سياراتى لانسر بومه 2008 عامله 65000 كيلو للأسف من سنة تقريبا القربه كانت ناقصة ميه فالميكانيكى قالى هات موبيل الخضراء و زود القربه ... قولتله نغير الميه كلها فتح غطاء الريداتير وشاف الميه لقاها ميه الفابريك فقالى سيبها دى متتعوضش .... والميه الحمد لله ما بتنقص ولكن كنت هسافر من شهر فقولت أشيك ع الزيت والمية ...

المشكلة بقى عندى فى القربه صدى واكيد طبعا هيبقى جوه الموتور

جبت من التوكيل مياة ميتسوبيشى super long life coolant يابانى معبأ فى الاماارات 4 لتر ب 137 جنية

أعمل إيه قبل لما أحط المياة الجديدة بالظبط ؟؟ :ask:

طبعا أنا مش من القاهرة :crying2: ... و بخاف من فتى الصنايعية :T_thum1[1]: ... ماذا أفعل جزاكم الله خيرا

أي مياه ملونة للرادياتير عمرها سنتين فقط..

حضرتك إن شاء الله تروح تعمل دورة غسيل في محطة بنزين محترمة وتحط المية الجديدة

بس مهم جدا إنك تكشف على دورة التبريد كويس قبل ما تغير.. لإن العربية دلوقتي عمرها 6 سنين.. ومتوقع جدا إن خراطيم الرادياتير تكون بدأت تشقق

نصيحة... غير خراطيم الرادياتير قبل ما تعمل دورة الغسيل... حتى لو شكلها كويس... لإن عمر أي جزء كاوتش في العربية حوالي 5 سنين.


...

شكرا لاهتمامك ... انا رحت النهارده لورشه ريدياتير .. وقالى لازم تجيبلى منظف صدأ عشان نعمل بيه دورة غسيل للصدأ ثم نغيير بالمية الخضرا الجديدة ... الكلام ده مظبوط ولا إيـــه ؟ ونوع المنظف الجيد للصدأ يبقى إيه ؟

هتحط منظف امريكى معتمد زى ابرو وسعره تقريبا 30ج
http://nileup.com/up/uploads/nilemotors_14094016981.jpg
وتغير كل الافيز اللى ماسك الخراطيم وتحطم مكانه افيز بمسمار

http://nileup.com/up/uploads/nilemotors_14094018941.jpg
وزى ما قال العضو borio1704 تغير الخراطيم ودا ضرورى وهيريحك فى تبريد الموتور
وكمان تبص على ترموستات الكوعه وتغيره لو مصدى

اقتباس:

---

المشاركة الأصلية كتبت بواسطة a7medsh3rawi

هتحط منظف امريكى معتمد زى ابرو وسعره تقريبا 30ج
http://nileup.com/up/uploads/nilemotors_14094016981.jpg
وتغير كل الافيز اللى ماسك الخراطيم وتحطم مكانه افيز بمسمار

http://nileup.com/up/uploads/nilemotors_14094018941.jpg
وزى ما قال العضو borio1704 تغير الخراطيم ودا ضرورى وهيريحك فى تبريد الموتور
وكمان تبص على ترموستات الكوعه وتغيره لو مصدى

---

متشكر جداااا لزوق حضرتك

باشا انت جبت مياه ميتسوبيشي منين لاني دايخ عليها بقالي شهر؟

اقتباس:

---

المشاركة الأصلية كتبت بواسطة ma7oo

باشا انت جبت مياه ميتسوبيشي منين لاني دايخ عليها بقالي شهر؟

---

هو فعلا كان مش موجود فى التوكيل وانتظرته تقريبا تلت اسابيع لما وصل الاسبوع اللى فات
رقم التوكيل ميتسوبيشى دايموند 16606
انا جبته من فرع مدينة نصر (خاص بقطع الغيار فقط ) 53 شارع ذاكر حسين لو انت جاى من عباس العقاد وداخل على ذاكر حسين هتلاقيه على ايدك الشمال وهتلف من اليوتيرن من عند معرض سيارات فولفو وده رقم الفرع 22720622 ... العبوة 4 لتر بـ 137.5 بالضريبة وللاسف مفيش لترات

معلش ياباشا سؤال هو الجركن رمادي كده ومكتوب عليه بالأحمر ميتسوبيشي موتورز؟

منظف صدا

اقتباس:

---

المشاركة الأصلية كتبت بواسطة ma7oo

معلش ياباشا سؤال هو الجركن رمادي كده ومكتوب عليه بالأحمر ميتسوبيشي موتورز؟

---

لا الجركن 4 لتر لونه اخضر غامق وعليه استيكر مطبوع عليه ميتسوبيشى و تكنولوجيا يابانية ومعبأ فى الامارات العربية (اللون تقريبا زى لون الخط أخضر غامق)