هل السيراتو الجديده موفره للبنزين ام لا ؟
سوال لكل ملاك السيراتو
وايه افضل طريقه لتقليل استهلاك البنزين
عرض للطباعة
هل السيراتو الجديده موفره للبنزين ام لا ؟
سوال لكل ملاك السيراتو
وايه افضل طريقه لتقليل استهلاك البنزين
السيراتو استهلاكها أعتلى شوية من السيارات اليابانية اللي في نفس القئة بتاعتها
بنتكلم على متوسط حوالي 7.5 لتر لكل 100 كيلومتر
أنا أول ما اشتريت العربية كنت بامشي بالهداوة وأغلب مشاويري كانت على طرق سالكة... وصلت لمتوسط استهلاك بنزين حوالي 7.2 لتر لكل 100 كيلومتر
حاليا.. بعد ما قلبي جمد شوية وقيت أقرص عالموتور ومشاويري اللي عالطوالي قلت كتير.. بقى المتوسط دلوقتي حوالي 9.4 لتر لكل 100 كيلومتر.
لو حضرتك مشاويرك في الزحمة أغلب الوقت.. طبيعي جدا تلاقي المتوسط فوق الـ10
...
افضل طرقة لتوفير البنزين
اولا عدم زيادة rbm على 2500
ثانيا عدم وضع اشياء ثقيلة فى السيارة
ثالثا اذا كانت السيارة مدعمة بنظام ايكو
السيراتو معايا على الطرق السالكة كانت قبل صيانة الألف معدل استهلاكها بيوصل 7.5 او 8.0
بعد صيانة الألف المعدل بيوصل لـ 6.4 و 7.1
طبعا كل دا في القيادة الهادية مش قرص وكيك داون
جوا المدينة قبل الألف كان مش بينزل عن 9.5 وبيوصل ل 11.0 احيانا
بعد صيانة الألف بيوصل من 8.2 لحد 9.5
الأرقام اللي فوق دي قراءة كمبيوتر السيراتو وهي بتقيس كام لتر/100 كيلو
انا بتعمل معايا 4.8 علي الزراعي بالتكيف مع مثبت السرعه علي 90 لكن في الزحمه بالتكيف 11 جري علي السريع وكيك داون 7 وشويه
أنا لما سافرت مشيت الضبط 320 كيلو بـ 21 لتر
بمعدل 6.6 ل / 100 كم
للعلم مشيت فى زحمة جوا مصر بس مش كتير و الطريق الصحراوى سرعات 130 - 170 كم / س
مشكووور