لاصحاب الخبرات
قررت تركيب جنوط اسبور 13 لسيارتي لانوس 2 لانا اكثر ثيات و امان من جنوط 14
ابه هى افضل جنوط للانوس 2 و الموصفات و الشكل للجنوطة الاوفست المسموح
هل و جنوط من 14 افضل 13
عرض للطباعة
لاصحاب الخبرات
قررت تركيب جنوط اسبور 13 لسيارتي لانوس 2 لانا اكثر ثيات و امان من جنوط 14
ابه هى افضل جنوط للانوس 2 و الموصفات و الشكل للجنوطة الاوفست المسموح
هل و جنوط من 14 افضل 13
لعلمك
الجنط الحديد اجمد وامتن من الجنط الالومنيوم بكتيييييييييييييييييييييي ر
انا لسه اخد نقرة كبيرة علي طريق اسكندرية - كفر الشيخ بسرعة 130 كم وعوجت الجنط الحديد ، تخيل بقي لو جنط الومنيوم كان ايه اللي حصلة ؟؟
لو مش هتسافر توكل علي الله هو شكله افضل بكتير
انما الجنط الحديد ملوش مثيل
هات حديد 14 عشان تعرف تعدل فرامل حتفرق معاك جااااامد
جنط سبور 13 من جنط حديد 13 مش فارقة حاجة
يا تجيب 14 يا تسيبها زى ما هى
MMamdouh
كلام محمد ممدوح جاب من الآخر.
لو ناوي تغير ل 14 بلغني لأني ناوي أغير جنوط و كاوتش 14 بوصة بدل 13 بوصة , و إحتمال أبص عند أشرفكو مدينة نصر , لو عايز نتفق و نروح مع بعض يمكن ناخد عرض كويس...بلغني.
بس المهم متتأخرش عشان أنا نازل قريب أوي.
مش محتاج علايات خالص و ممكن تركب الاستبن عادى مش هيخل باتزان العربية بس طبعا دة لحد ما تصلح الفردة اللى نامت و تركبها مكانها تانى
MMamdouh
السؤال هل تعليه الجنط من 13 ل 14 توثر على العفشة
لا
MMamdouh
استاذ ممدوح ،
ممكن شرح مختصر للتعديل بتاع الجنط دا ،
يعني احسن مقاس ، النوع ، منين ، والهدف من التغير
وايه ال بيتعدل مع تركيب الجنوط ، ولا انا بشتري جنط فقط واركبه ؟
مقاسات الكاوتش المناسبه ، وهكذا ،
ولو في موضوع بيتكلم عن تعديلات اللانوس يا ريت اللينك ، لاني دورت ملقتش
وشكرا لمجهودك ، واغذرني انا لا افقه اي شئ في اللانوس بس ناوي اشتريها قريب ان شاء الله .
هو في سؤال كمان بس ملوش علاقه بالموضوع ،
العربيه ال هشتريها دي موديل ٢٠٠٦ وبقالها اكتر من ٣ سنين مركونه متحركتش ،
تنصحني بايه اعمله اول ما اخد العربيه .
وايه اهم الحجات ال اتاكد منها قبل ما امشي بيها
شكرا
احسن مقاسين للانوس تناسبا مع الطرق المصرية هما ال14 و 15 بوصة... ال13 ملوش لزمة لانة زى الفابريكة و الاكبر من 15 فيه خطورة انك تكسر الجنط مع النقر و المطبات
لو هتجيب جنط 15 يفضل يكون الاوفست 38 او على اقصى تقدير لا يقل عن 35 و الا الكاوتش هيحك فى الشفف الخارجية للرفرف الخلفى... و يفضل انك تتنى شفف الرفرف الخلفى عشان تقلل فرص الاحتكاك
الجنوط انواع كتير بس كقاعدة عامة ابعد عن الجنوط الصينى... التايوانى و الاندونيسى زى الفل و من اشهر الماركات ال HRS و الSSW و الlensoاقتباس:
، النوع
طبعا اى صناعة اوروبى محترمة بس هتكلفك كتير
محلات الجنوط على قفا مين يشيل... عندك اشرفكو و بركات فى السابع و الرومانى فى جسر السويس و ارابكوم فى مدينة نصر و سمير بيومى فى الدقى و شعبان الجميل فى عابدين... و دا على سبيل المثال لا الحصراقتباس:
، منين
شوف بس انت ساكن فين و الناس هتقولك على كذا محل قريبين منك
الاهداف كتير...اقتباس:
، والهدف من التغير
احد الاهداف هو الشكل الجمالى... الجنط السبور شكلة احلى بكتير جدا من الجنط الحديد ابو طاسة فا تركيب جنوط بيرسم شكل العربية
تغيير الجنط بجنط اكبر بيتيح ليك فرصة تركيب كاوتش اعرض و بروفايل اقل... و دة بيرفع من اداء الفرامل و ثبات العربية على سرعات عالية و بيحسن من دقة توجية العربية فى الملفات
الجنط السبور فى الغالب بيبقى مفتوح اكتر من الجنط الحديد فا دة بيدى فرصة افضل بكتير لتهوية الفرامل و تبريدها
الجنط السبور عادتا بيبقى اخف من الجنط الحديد و دة بيحسن من اداء العفشة فى المطبات و الطرق الغير مستوية نتيجة تقليل الوزن الغير منبوض
ولا اى حاجة غير طقم رينجات... دا طقم من اربع حلقات بلاستيك او تيفلون او الومنيوم بيركب فى صرة الجنط عشان يملا الفراغ اللى بين صرة الجنط و صرة العربية و الهدف منة وسطنة الجنط على الصرة عشان ميبقاش فيه غربلةاقتباس:
وايه ال بيتعدل مع تركيب الجنوط
دا فى حالة انك اشتريت جنط سبور بتاع فابريكة العربية... هنا مش هتحتاج رينجات و القصة هتبقى فك و تركيب فقطاقتباس:
، ولا انا بشتري جنط فقط واركبه ؟
مع جنط 14 هتركب 185/60/14اقتباس:
مقاسات الكاوتش المناسبه
مع جنط 15 هتركب 195/50/15
خش على الموضوع دة هتتبسط اوىاقتباس:
ولو في موضوع بيتكلم عن تعديلات اللانوس يا ريت اللينك ، لاني دورت ملقتش
وشكرا لمجهودك ، واغذرني انا لا افقه اي شئ في اللانوس بس ناوي اشتريها قريب ان شاء الله .
http://www.nilemotors.net/Nile/380171-a.html
MMamdouh
الف شكر :) ع التوضيح الرائع
ومستني رد حضرتك في السؤال التاني