اخي الحبيب لا تتردد في النيسان سنيترا
والله في السعودية اسمها كبير جداً
وان شاء الله انا ناوي اشتري موديل 2015 مع بداية العام
والف مبروك مقدماً
ولا تنسى التقرير المفصل
عرض للطباعة
يا باشا انا دخلت على منتديات السيارات بالسعوديه..وملقتش سمعتها عاليه وﻻ حاجه..وعموما يا جماعه ادخلو على جوجل واعملو بحث عن السنترا فى المنتديات السعوديه وشوفو بنفسكم
الحمدلله أنا حجزت العربيه فعلا والموافقه البنكيه خلصت بس لسه لون الفرش الداخلى اللى أنا طالبه مش متوافر أنا طالب الفرش الرمادى الغامق واللى موجود حاليا كله بيج فاتح مع جميع الالوان ولو أتنازلت عن موضوع الفرش ده ممكن أستلم بكره بس أنا مش بحب البيج فى الفرش وهستنى لما يتوافر لون الفرش اللى انا عاوزه واتصلت بنيسان نفسها وقالوا أن العربيه نازله بالونين الرمادى الغامق والبيج بس المتوافر حاليا البيج ويمكن يتوافر الرمادى مع الدفعه التانيه وأدينى مستنى وربنا يسهل
السنترا عربيه ممتازة و لا تقارن بالكوري... شويه كماليات لا تغني عن اقتناء سياره يابانيه محترمه..انا في الكويت و السياره ممتازه في جو الخليج و افضل من مثيلاتها اللي في نفس المستوي
شوفتها النهارده على محور صفط اللبن لونها ابيض عربيه محترمه و عاليه عن الأرض أتمنى اشوفها أكثر و نقرأ تقييم فعلي عنها
العربية موجودة فعلاً في الشارع السعودي بكثرة
وطبعاً غير معروض منها على المنتديات لأن المنتديات فقط للعربيات المستعملة القديمة والعربية لسة نازلة من حوالي سنتين
ويكفي انها من نيسان وكيفي انها ياباني
يا باشا ما الصنى من نيسان...واديك شايف عامله ازاى؟؟!!!!!!!اما بخصوص المنتديات فهما بيتكلمو برضه على العربيات الجديده بكافه انواعها زى المنتدا بتاعنا ده
لا مقارنة بين النيو صنى كسيارة مدينة متوسطة السعر تخاطب فئه معينة وتجدها أفضل قيمة مقابل سعرها أفضل مبيعات أنتشار رهيب ومميزانها أكثر من عيوبها وشوف الشوارع مليئة بالنيوصنى
أما السنترا فهى تصنيع مصانع نيسان بتايلاند وصاحبة سمعة جيدة بالخليج من سنتين ومنها 1600 و 1800 cc وأللى نزلت مصر 1600 cc وهى سيارة محترمة جدا ومن الظلم مقارنتها بالنيوصنى
محدش بيقارنها بالصنى..احنا بنقول ان نيسان زى ما نزلت صنى وطلعت مش كويسه..فعادى اما تنزل السنترا..وبعدين حضرتك اغلب الناس فى الخليج بيشترو 1800سى سى..وبيقولو عليها سحبها مش اد كده...وبعدين عشان تعرف ان نيسان بتبتديها غلط..ادخل على اليو تيوب واكتب تجربة نيسان سنترا..هيجى فيديو اماراتى..هتﻻقيه بيقول ال1600 سى سى 113حصان..مش 118 زى ما نيسان بتقول..وال1800سى سى هى ال118 حصان...يعنى بدياها بعدم مصداقيه ...وعموما ابقا شوف بقا سعر قطع غيارها بكام....وعموما افتكر اول لما نزلت القشقاى..اظن فئه عاليه اهى كانت بطه بلدى..وراجع حضرتك اراء ملاكها فى المنتدا