الحمد لله .. قدر الله وماشاء فعل ... فردة الشاسيه

النهاردة كنت ماشي بالعربية فجأة سمعت صوت دبدة قوية تحت العجلة اللى قدام وبعدها بشوية لقيت العربية سحفت على الارض ... نزلت لقيت العجلة اللى تحت السواق معووجة لبرة ... انا افتكرت مقص انكسر او كوبلن فرط او حاجة كده ... كلمت ونش انقاذ جه خدها ووديتها لعفشجي جمب البيت عندي وبص على العربية وقالي دي فردة الشاسيه اللى تحت اللى ماسكة العفشة مكسورة ... ودي بسبب انك خدت كام مطب جامد ورا بعض او نزلت في حفرة بسرعة يعني حاجة شبه كده .. وقالى دي لازم الموتور يتحل عشان تتلحم وتتعمل زرجينه ....

قلتله شكرا بقي وكلمت ونش تاني ورحت بيها على الحرفيين لورشة كريم منير لانى مش هثق فأى حد يشتغل في شاسيه العربية غير الورشة دي ... واحمد قدروة كشف عليها وقالي نفس الكلام ... وقالي كمان ان دى بتحصل كتير في اللانوس وانه شاف العيب ده في كزا عربية لانوس ....

طبعا سبت العربية هناك وبكرة الموتور والعفشة هيتحلوا بالكامل ويوم الاتنين يبدأ شغل السمكرة في الشاسيه ... وربنا يسترها بقي على الجميع وهبقى احيلكوا ايه اللي بيحصل يوم بيوم ان شاء الله

دعواتكم يا رجالة

حمد الله على سلامتك وان شاء الله ترجع احسن من الاول

غريبة أوي .. معتقدش اللانوس ضعيفة لدرجة ان مطبات تكسر فردة الشاسيه.

عيب مشهور ايه. يا باشا
دي مش 128
يعني لو اخذت كذا مطب زي ما بتقول والمساعدين مخلصين اخرها تشرخ الكارتيرات

قلبي عندك ..
1- كريم منير ده مدير المنتدي ؟ عنده ورشه في الحرافيين ؟
2- انت متاكد انه الشاسيه ده ماكنش ملحوم قبل كده ؟؟؟
3- لاظن مطب يقتم شاسيه هو مش عود قصب ده حديد
يارب ما تصرفش كتير

اول مرة اسمع عن الموضوع ده فى اللانوس
لو العربية شاريها مستعملة يبقى كان فيها شغل قبل كده فى المنطقة دى لكن صعب قوى فردة الشاسية تتكسر لوحدها
الا لو كانت حادثة بعد الشر عنك

بعد ما تتصلح و تبقى كويسه تبيعها و تخلص منها

اول مرة اسمع عن العيب دا فى الانوس

ربنا معاك ياباشا..اكيد العربية دي كانت عاملة حادثة او معمول شغل في المنطقة دي قبل كدا..انا لبست مطب على 160 باللانوس بتاعتي والعرببة طارت من على الارض واترزعت ولما روحت كشفت لقيت المساعد الخلفي اتعوج بس والشاسيه زي الفل الحمد لله.

انا شاريها من 3 سنين وكانت شغالة معايا زي الفل ... قدر الله وما شاء فعل .... على العموم انا كده كده كنت ناوى اغير العربية خلال سنة ... الموضوع ده هيخليني اسرع عملية بيعها حتى لو هأجل شراء العربية الجديدة كام شهر ... بس هل الحوار ده ممكن ينزل من تمن العربية اد ايه تقريبا ... يعني هى جوليت موديل 2001 عاملة 135 الف كيلو ؟؟؟ حد يقدر يقولى ممكن تمنها يكون كام بعد ما تتصلح ؟؟؟

اقتباس:

---

المشاركة الأصلية كتبت بواسطة mahmoud.fathy

انا شاريها من 3 سنين وكانت شغالة معايا زي الفل ... هل الحوار ده ممكن ينزل من تمن العربية اد ايه تقريبا ... يعني هى جوليت موديل 2001 عاملة 135 الف كيلو ؟؟؟ حد يقدر يقولى ممكن تمنها يكون كام بعد ما تتصلح ؟؟؟

---

انا من رايي تقول كل حاجه للي هايشتري العربيه وتقول انا بخصم 5000 من سعرها
وتخليه يمشي بيها مشوار وانت معاه
اتفق ووافق تروح معاه تسجل قبل ما تديله العربيه علشان مايجيش يرجعها

[size="5"]الجزء ده بيسموه ركبه الشاسيه وهى اللى يتكون ماسكه المقص وعلى فكره دى اضعف جزء فى شاسيه الانوس وفعلا وارد فى حادثه او مطب شديد او لوخبط جامد فى رصيف انها تتكسر وده موجود فى عربيات لانوس كتير ولكن المهم انهاتتلحم كويس وفى مكانها باللملى علشان ا لركبه لو رحلت من مكنها العجله ممكن تقدم او تاخر عن العجله التانيه وده حيعمل مشاكل كتير فى العفشه والكوتش والزوايا ويكون لحام بصنعه ميكونش ظاهر وياريت لو ياكد عليه بلحام كهربا ize]

طب ايه رأيكوا يا جماعه بعد لحام الشاسيه اركب شداد يمسك وش العربية ويكون تدعيم اكبر للشاسيه ... بس اركب شداد علوي ولا سفلي ... انهي هيكون مفيد اكتر في حالتي ؟؟؟

شداد سفلي
ومش هتحتاجه لو تم لحام الركبة صح

ودا عيب ركبة مش فردة شاسيه زي ما انتا كاتب
وعادتاً بيجي لما تلبس بالعجلة في رصيف بسرعة

اقتباس:

---

المشاركة الأصلية كتبت بواسطة tarek_2005

شداد سفلي
ومش هتحتاجه لو تم لحام الركبة صح

ودا عيب ركبة مش فردة شاسيه زي ما انتا كاتب
وعادتاً بيجي لما تلبس بالعجلة في رصيف بسرعة

---

ان شاء الله تتعمل صح ... انا ودتها الورشة عند كريم منير عشان كده ... بس متعرفش اجيب منين الشداد السفلي ده ؟؟؟

استني رد محمد ممدوح هوا يفيدك تجيبه منين

متابع

اقتباس:

---

المشاركة الأصلية كتبت بواسطة tarek_2005

استني رد محمد ممدوح هوا يفيدك تجيبه منين

---

انا ملاحظ انه في بعض المواضيع الاستاذ محمد ممدوح مش مقتنع بيها فا مش بيقول رايه

هو بالنسبة للقصة دى تحديدا صاحب المشكلة كلمنى على الفيس بوك و انا قولت له على المفيد

MMamdouh

متابع

ايه ده ركبة شاسيه فعلا !!
انا قلت دى قنطرة ولا حاجة
غريبة بصراحة مهما كان المفروض العربية تبقى اقوى من كدة
امال اللى يدخل في رصيف على سرعة فوق 100 بالعجلة يحصل له ايه !

قدر الله وماشاء فعل ... يلا الحمد لله ...

جديدة دى فى اللانوس