الموضوع: مشكله للخبراء فى الفليشيا

ودة رد مفصل كتبتهولك بس للاسف الجهاز عندي مهيس ومعرفتش أرتبهولك كويس
وأنا متابع معاك

السلام عليكم ورحمة الله وبركاته

اولا بعتذر لتأخري فى الرد لان امبارح كان الجمعة أجازة وللاسف معنديش نت في البيت في الفترة الحالية
بص أنا هرد عليك بإستفاضة شوية لاني ملاحظ حاجات وعاوز أستفسر منك على حاجات

عربيتى فليشيا 98 وش اكتافيا ومشكلتى التقطيع لو كبست بنزين وأوقات من غيركبسبنزين وأوقات أكبس بنزين ومفيش تقطيع!!!!!

طيب التقطيع دة ازاي يعني بتدوس بنزين ومفيش إستجابة ولا إستجابة ضعيفة

و التانى بيوصل لفوق الستينكم والثالث يجيب 100 أو أقل شويه زمن غير تقطيع !!!

أنا شايف لو حضرتك بتجيب بالغيار الثالث فوق الـ 100 كيلو دة تحميل ع الموتور
بس بعد الـ80 ألقىالعربية تقلت كأنك علقت فيها مقطوره !!!

طيب أقصي سرعة ممكن تجيبها بالعربية كام ؟؟



غيرت بوجيهات و نضفت الكاربيراتير عند متخصص وعند الميكانيكى بتاعها شاطرجدا طلع منها رمل مش تراب وقاللى من البنزين ؛
كلام جميل

العربية بتمسك فى الدوارةعلى أقل لفات موتور على 5 بس العربية بتاكل بنزين حوالى 8.5 أو 9 كم فىاللتر ؛

لو أنا فاهم صح السلانسية عندك كدة واطي وموضوع إستهلاك البنزين هكلمك عنه فى الاخر


طيب أنا عاوز حضرتك تعمل الاتي

الاول عاوزين نختبر البوجيهات كلها ونتأكد أنها شغالة ومفيش منهم واحد فاصل

هتدور العربية وبالنبسة وعليها فوطة هتفك سلك البوجيهات من البستم الاول وتشوف لو حصل تغير فى صوت الموتور يبقي سليم وبعد كدة التاني والتالت والرابع
ولو فكيت سلك البوجيهات عن بستم ومفيش اى تغير فى صوت الموتور يبقي كدة البستم دة مش شغال ممكن البوجيةبايظ أو سلك البوجيهات نفسه بيهرب أو فاصل أو مش موصل كويس


طيب بعد كدة الموبينة والمشط عندك أخبارهم أية شغالين كويس ولا فيه ملاحظات عليهم طبعا لاظم حالتهم تبقي كويسة

وبعد كدة موضوع نضافة الكاربيراتير الراجل فكة كلة حتة حتة ونضفه ولا عمله أزاي



بالنسبة لو الحاجات دي مظبوطة عاوزك تراجع على الفرامل إحتمال تكون مكتفة العربية ودي تعرفها بعد مشوار بالعربية أول ماتنزل حط ايدك ع الجنط شوفه لو سخنيته طبيعية ولا سخن زيادة عن اللزوم


وكذلك لو الكهربا مش مظبوطة ممكن تبرجل العربية وتخليها متسحبش كويس وتاكل بنزين وهقولك على طريق سريعة تظبط بيها الكهربا حضرتك هتفك الاسبارتير (( تهوي الطامولة بتاعته فيط بحيث تكون حركته محكومة ) وتبدأ بأول حاجة تربط مسمار الهواء على أخرة وتبتدي تلف المسمار بمقدار من لفتين ونصف الى 3 لفات وتدور العربية وتبدي تلف الاسيراتير ملي مترات فى الاتجاهين بحيث تحصل على أقل صوت ممكن وثبات للموتور وعداد الـ rpm ميقلش عن 8



وبكدة المفروض العربية ترجع لطبيعتها

وحاجة أخيرة نسيت أقولك عليها المفروض اللى نضف الكاربيراتير قالك حالته كويسة وأن بوابات السلانسية والسرعة تمام