-
حيرة بين ريو و اتراج
محتار يا جماعه بين ريو بيزك ب 130 من غير وسائل امان
و اتراج كاملة ب 113 abs,airbags
عارف ان الاتنين يعتبروا مش نفس الفئة بس الاستخدام عموما هيكون داخل المدينة والمشوار المعتاد مش اكتر من 35-40 كيلو
الريو تكسب من حيث الخامات والتقفيل والماتور بس من غير امان
الاتراج تكسب من حيث الامان والتوفير في البنزين وده نقطة منستهينش بيها وخصوصا ان في كلام ان البنزين هيغلى تاني
من كلام كلاك الاتراج الصفيحة بتعمل 400 مستريح
يا ترى الريو استهلاكها كام:fdsa:
يا ريا تشاركوني بافكاركم
-
انا اقترح عليك السوزوكي سويفت ارخص واحسن واشيك من الاتراج اللي شبه اللعبة .. والريو من غير وسائل امان منصحش بيها
-
للاسف السويفت الحجز وصل 7 شهور وبدور على بديل
-
انا شايف ان مش علشان الامان وتوفير البنزين فى الاتراج تسيب الريو
-
-
بص يا باشا... الاتراج بوسائل أمانها ماتجيش حاجة جنب الريو الفاضية ... الاتراج أصلا لاتقارن بالبيكانتو !!!
لو مش متاح غير 130000 ممكن تجيب صني سوبر صالون ب 128000 تقريبا و كمالياتها ممتازة و واسعة و سحبها كويس و مشاكلها سهلة في حلها و حتي الأن مالقتش ليها مشاكل غير تيل الفرامل و الكاوتش اللي بتنزل بيه و أمر الكاوتش سهل بيتغير بنوع بريدجستون و تدفع فرق 1100 جنيه و التيل بيتغير كل 20000 كم و أعتقد إنك مش محتاج تغير الكاوتش لأنك مش محتاج ثبات زيادة لأن مشاويرك جوة البلد ف ممكن ماتغيرش الكاوتش
-
بص على اللوجان الجديدة هات اعلى فئة فيها كل اللي بتحلم بيه ، وموتورها موفر جدا في البنزين
-
أساسا الاتراج فئة اقل من الريو من غير مقارنة
-
للاسف الريو والاتراج نفس الفئة الاتنين B-segment
الفرق في الفئة السعرية والامكانيات بس ناس كتير نصحتني بلاش ريو فاضية
الصني مشاكلها والتقفيل المصري ضايع واللوجان مفيش اوتو
-
معلش الريو افضل فكل شئ معدا انك عاوزها بدون وسائل امان
القرار لحضرتك بس حاول متتنزلش
فعربية زيرو عن وسائل الامان وده ميكنش علي حساب العربية نفسها
Content Relevant URLs by
vBSEO 3.6.0 PL2