الطلب بين الازواج غير بين المخطوبين دا اذا كانوا اتخطبوا اصلا واشك ان كل واحد راح لحالة :)
عرض للطباعة
بص انا كلامك دا مش مستغربه لانى سمعته من والده واحد قريبى........اهم ما فى الموضوع لما اتناقشت معاهم على موضوع الرفع دا......فهمت انها اما تكون رفيعه اوى حتكون هزيله بمعنى ضعيفه مش حتقدر على شغل البيت وخصوصا ان بعد الجواز والاولاد المسئوليه حتكون كبيره عليها.
إحم ..
بالنسبب "لذكر أنه لا دخل للزواج بهرمونات الأنثى" ,,
المقطع المعنون بأسم ..
Estrogen and Progesterone
في هذه المقاله ..
Relationships/Hormones - Wikibooks, open books for an open world
أخر سطر رقم [3] ,,
ينفي قطعاً الفرضيه السابقه ,,
و دليلي على صحه فرضي ,,
تحيتي ,,
عفوا دا بيتعلق "بتوزيع الدهون" مش نقصان معدلات الحرق أو إنخفاض الأيض
وعشان كدا ذكرت "التمييز بين الجنسين بعد سن الرشد"
بلاها أستاذ او دكتور
ياعم انت صاحب الموضوع حرام عليك البنت اللي كل واحد رد عليك تخيل الاول جسمها و امكانيتها الانثويه و بعدين رد عليك كيفما يفضلها
احنا مش دكاترة يادكتور
فعلا العلم مالوش علاقه بالعقل
لو سمحت عمل تقرير مشاركه واطلب حذف الموضوع رحمة بك انت اولا لاني لو شفتك تاني في اي موضوع حفتكر انك اللي خطيبتك رفيعه و مفهاش امكانيات
و رحمة بالبنت نفسها
اميل لوجهه نظر انسانة
اكيد الرفع مبالغ فيه والخاطب مش واخد فى باله...كان معانا فى الكليه واحده حلوه جدا شعر اصفر وعين خضراء وكانت رفيعه جدا واتخطبت وكانت حماتها المستقبليه شبه بتأكلها
هو انت ال هتتجوز ولا مامتك يعنى رفيعه او مليانه انت ال هتتجوز وانت شايفها كويسه ولا مش دخله دماغك يا باشا حدد انت عايز ايه وخليك قد كلمتك بنات الناس مش لعبه
كلام سليم
وأزيد أنا عليه بإن أهم حاجة هى الأخلاق والإحترام ودى حاجات حضرتك أكدت وجودها فى شخصية الخطيبة .
يبقى حضرتك تتوكل على الله وتتم الزواج .
(ما زلت أشعر إن والدة حضرتك عاملة موضوع الوزن والرفع ده حجة لعدم إتمام الزواج .... إتأكد حضرتك جيدا من النقطة دى)
بعيدا عن حسن النيه من عدمه
المفروض انا كشاب لما بتقدم لواحده ببقى حاطط شروط كذا وكذا طبعا عمري ما هلاقي واحده كامله لازما هلاقي المواصفات غير كامله وهنا الموضوع هيتوقف عليا انا
ايه الحاجات اللي اقدر اتنازل عنها وايه اللي مقدرش اتنازل عنه !! وبحدد الليستا بتاعتي
ولنفترض ان الشكل مهم جدا بالنسبالي ومقدرش اتنازل عنه هنا مهما كانت البنت خلوقه مش هوافق بيها من البدايه
وممكن واحد تاني الاخلاق عنده اهم فلو اتقدم لواحده مش حلوة بس خلوقه هيوافق بيها وهو مغمض لانه عنده استطاعه يتنازل عن الشكل ويعيش معاها على هذا الوضع
ولذالك احنا بننتقد طريقه تفكير صاحب الموضوع مهما تكون خطيبته ..موافقته بيها من البدايه دليل انها دخلت دماغه كشكل اما النسبه لموضوع ان النحافه حاله مرضيه فهو بردو وااافق بيها ومتقبل وضعها على هذا النحو فميجيش حد يمشيه على مزاجه
ومفيش حاجه اسمها مكانش واخد باله
ليه يعني
كان قاعد معاها في اوضه ضلمه ولا اييييه !!!
سبحان الله متدربو طلقه في دماغو احسن
الراجل جالو فكر و بيفكر معاكو بصوت عالي ايه الهجوم ده
مش يسمع الصح بدل ميجوزو وتبقا مش ماليه عنيه و بخنها و لا يطلقو و نبقا بنخرب بيت لسه متبناش اصلا
بص يا باشا انا اتعرضت لنفس الموقف ده
شوفت صورتها وكانت تمام ، قابلتها هي وماماتها في كافيه وفوجئت بصراحه :d
البنت محترمه ومن عيله ومثقفه وقموره جداً و و... ، بس لازم تكون ماليه عيني
انا مقدرتش اتأقلم مع نحافتها ورفعها الزايد عن اللزوم لدرجة اني لو خبط فيها ممكن تعورني :d
فيه رُفع مقبول لكن اعتقد انك نفس حالتي
بالمناسبه انا مبتكلمش عن المفاتن خالص ، انا نفسي اتجوز واحده رُفيعه ولدغه :)
فيه عالم في ردودها زي ماتكون عاوزه تلبس الراجل في حيطه '' تمم الجوازه تمم الجوازه''
ده جواز هو عربيه هيشتريها ويرميها بعد شهرين لو معجبتوش . لازم يكون مقتنع 100% بعروسته ..مش ممكن تكون فعلا رفيعة جدا وهو كان مشدود لحسن خلقها وأمه نبهته لنقطه الصفات الأنثويه جسديا !
و إيه دخْل دكتور أو مهندس في الموضوع ...الراجل سنه صغير ومعندوش خبره في الحياة ولا الامور دي هي دي كمان بتتدرس في الكليه .
أنا عمري ماشفت راجل مصري بيحب الست المسلوعة زياده عن اللزوم الصراحه ومش عاوزين ندخل في تفاصيل أكتر من كده ...اللي اتجوز مسلوعه بـيبقى تحت أي ظرف من الظروف الكويسه أو الوحشة ومعظمهم بيكونوا تحت غمامة ( مراية الحب عامياء ) !
وفي الاول وفي الاخر الجواز نصيب لكن عقلك في راسك تعرف خلاصك.
السلام عليكم ...
أنا مكنتش هارد على الموضوع لولا ان في بعض الناس المحترمة اللي ردت عليه وقالت آراءها باحترام
انما اللي دخل يتريق أو يعمل نفسه ابو العريف ما يهمنيش في حاجة ...
بالنسبة للموضوع ...
أنا خايف فعلا يكون السبب اللي بتقوله والدتي هي حجة للرفض مع اني سألتها ايه سبب عنادها ومش بتقول
وخايف طبعا بعذ الجواز يبقى في حوارات ومشاكل ما بينهم وادوخ انا ما بين ارضائي لأمي أو زوجتي.
في نفس الوقت مش هاقدر أرفض البنت لسببين أولهم انها فعلا كويسة وفيها معظم المواصفات اللي حاططها لشريكة حياتي , السبب التاني اني حتى لو عاوز ارفض هاخاف اكسر بخاطرها لأنه اكيد السبب مش هيكون مقنع ...
أنا حيران فعلا وخايف يحصل مشاكل ونا اصلا ورايا مشاكل كفاية ...
ياريت اللي عنده خبرة يرد عليا لأني اول مرة ارتبط بوادة اصلا ومعنديش خبرة بالمواشيع دي ...
شكرا على تفهمكم ...
فيه حد لاقى يا عم الحاج ده الرفيعين نعمه و الواحد ماكانش مصدق
بقى بالذمة ده كلام ياد.عبده ؟ بقى يبقى موضوعك وانت اللى فاتحه وتقول ماكنتش حارد ع الموضوع ؟ أمال فاتحه ليه ياراجل ؟
وبعدين عايز أقول لك ان كل الناس هنا محترمة .... بس انت لو قاعد فى وسط اخواتك بتكلمهم فى حاجة مش حاتلاقيهم كلهم زى بعض...حاتلاقى فيهم اللى بيهرج واللى بيهز واللى بيتخانق واللى بيتكلم جد ...بس كلهم بيحبوك ... واحنا كلنا هنا زى اخواتك بالظبط
وبالنسبة لموضوعك أنا رأيى الشخصى تستخير ربنا 3 أيام أولا وان شاء الله ربنا يلهمك الصواب
أما لو أنا مكانك وزى مابتقول لسه سنك صغير وأول مرة ترتبط بواحدة ...لو أنا مكانك حاخلع بصراحة لأن ياما لسه حاقابل وحاشوف وحاحب وأتحب...وأهو أبقى عملتها مجاملة لوالدتى انى سمعت كلامها فى دى عشان ترحمنى فى اللى جاى (ده طبعا من غير ماتجرح البنت بتاعة دلوقتى)
...اخلع من دى بأدب واحترام وعيش حياتك ياباشا وربنا يرزقك بواحدة تملا عينك وعين الوالدة ان شاء الله.
انت قلت لى دكتور فى ايه بقى؟
اوعى تسمع كلام امك دة مش بر والدين مدام البنت متدينة ومحترمة وامك بتتلكك يبقى اتكل على اللة
واعمل صلاة استخارة وامش فى طريق الجواز منها عادى جدا ولا تنتظر انك علشان تعمل صلاة استخارة
ان يظهر ليك حاجة فى المنام امشى فى موضوعك عادى
ومن ناحية لو انك خايف ان امك بعد الجواز تعمل معاها مشاكل كدة كدة اى واحدة انت حتتجوزها امك حتعمل
معاها مشاكل دية غيرة الستات فى ان ابنها حيسبها
ادعى ربنا ان لو خطيبتك كويسة ان ربنا يوفقك واذا كانت غير كدة يبعدها عنك
الردود جوه الاقتباس
عقلك في راسك
اذا كنت راجل كفايه انك تدخل بيت الناس يبقى تبقى راجل كفايه انك تاخد قرار في موضوع زي ده, ايا كان اللي هيديك رأي مش هو اللي هيعيش بدالك
ولو ان رأيي انك تصرف نظر عن فكرة الجواز شويه لحد اما تاخد من خبرة الحياه حبه حلوين
وربنا يوفقك ويرزقك ببنت الحلال
بص الخلاصه ::: و اسمع مني :
اهم حاجه في الجواز ... الروح و المشاركه الانسانيه .... النواحي التانيه بتيجي بالتطبيع ...يعني ممكن تكيف امورك مع اي حاجه تانيه .. الا الروح .... دي من عند ربنا ..
كمان خدها قاعده كده ...لو اتجوزت قصيره .. هاتقول كان نفسي في طويله .. و لو اتجوزت سمرا هاتقول يا ريت لو بياضه كده و العكس ... و لو اتجوزت تخينه شويه هاتقول يا ريت لو رفيعه .. و العكس صحيح .. دي من الناحيه الجسديه يعني ....
انت مقتنع بخطيبتك .... بس خايف من الصراع المحتمل بينها و بين والدتك .. الله يعينيك ... ماتفرطش في خطيبتك و حاول 100 مره مع والدتك و شوف قلبها فيه ايه ... و خللي بالك ساعات قلب الام بيبقى حاسس .. فادرس اللي مخوفها تاني منها ... كمان استعين ب خاله او عمه او صديقه لوالدتك ...
ربنا يوفقك
زميلى العضو الكريم كلمه واحده لو البنت مش مليه عينى متجوزهاش
فكر وانت هتلاقى الاجابه
والله انا صليت استخارة كتييييير وهفضل اصلي لحد ما ربنا يحلها من عنده ...
شكرا جزيلا لكم ...
يا اخي كفاية انها محترمه
انا في نفس سنك وبدور على عروسة والله لفيت كتير ومفيش حاجة عجبتني
احمد ربنا وظبط دماغك
يادكتور.. سيبها على الله الاول اتكلم مع الوالده وهات اخرها علشان تعرف المشكله فين بالظبط
وثانيا هى لفتت نظرك لشىء فى خطيبتك وانت خطيبتك مقدارها زى ماهو عندك يبقى فين المشكله؟ الا لو فعلا انت تأثرت وحسيت ان النحافه مشكله لك
ولعلمك الخاص لو زوجتك المستقبليه الوالده هى اللى جابتها لك وعلى شروطها ومزاجها لاااااااااااازم يحصل مشاكل ..عقل الام دائما بيقول انا اربى ابنى فى حضنى واعمله راجل مفيش زيه وتيجى واحده تاخده منى ودى بدايه المشكله
لو حضرتك مقتنع ومن رأس الموضوع انت كاتب انك مقتنع.. يبقى فين المشكله المرأه المؤدبه التى تتقى الله فى زوجها .. كنز يجب الحفاظ عليه
حسبي الله ونعم الوكيل
ربنا يخليلك الحاجه
لو ربنا مقدر لك الاستمرار معاها يبقى حتى لو حصل ايه هتكمل معاها
و لو ربنا مش رايد لك القصه دى يبقى هتختلفوا على اى حاجه حتى بعيدا" عن موضوع النحافة
اكتر حد بيكون عارف الشخص عايز ايه وحقيقه رغباته
هي الام وبعديها الاب
ولما تجوز زوجتك حتحل مكان امك في الجزئيه ديه
اسمع كلام امك بغض النظر عن موضوعيه رايها
ان شاء الله ربنا حيقسم لك الخير
يا جماعة انا مش عارف اعمل ايه , ساعات ببقى فرحان جدا ونفسي اكلمها وساعات ببقى مخنوق ومش طايق نفسي ...!!!
هو مش المفروض في فترة الخطوبة الواحد بيبقى مشتاق لخطيبته ونفسه يكلمها وللا الاحساس بيبقى عامل ازاي ...؟
وكمان هي واهلها عاوزيني اورح لهم كتير في البيت واكلمها في التليفون بحجة اني اتعرف عليها اكتر وتتعرف عليا هي
كمان ... وطبعا الكلام ده شرعا ما ينفعش , اعمل ايه بقى ؟
انا بفضفض ليكم علشان حاسس انكم اخواتي الكبار فياريت ما تبخلوش علي بالنصيحة ...
لا كده بقى الوالده بره الموضوع
بصراحه انت مش متأكد من مشاعرك اصلا
وطبعا انت لو بتحبها فعلا هتكون انت اللى بتلح على الذهاب لها وهتكلمها على طول
انا شايف انك حرام تخليها تتعلق بيك اصلا وبعدين هتسيبها فبصراحه لو على كلامك اللى فوق يبقى شوف واحده تناسبك وهى ربنا يرزقها بالى يقدرها
ربنا يعمل اللي فيه الخير ...
انا رايي ان حضرتك تطالب بحذف موضوعك
نسبة كبيرة من الردود في غاية الاسفاف و الابتذال
موضوعك مش مكانه منتدى سيارات و ﻻ اي مكان على الانترنت
يكفي صديق مقرب ..
تقبل نصيحتي
بالتوفيق
والدتك معذورة
هي شايفة ابنها اللي هو عندها احسن واحد ف الدنيا ودكتور وراجل
اكيد عاوزة تجوزك واحدة مفيهاش عيب وﻻ غلطة
ده غير الغيرة الطبيعية الي بتشعر بيها الام تجاة البنت اللي ح تاخد ابنها منها بعد ما ربت وكبرت
اكيد الام بتتعامل مع خطيبة الابن بحساسية شديدة
الحل بينك وبين والدتك
تحاول تقنعها ان دي اخلاقها كويسة وح تتقي الله في بيتك واوﻻدك .... وامك
وان ممكن واحدة حلوة وتخينة ( زي ماهي عاوزة ) لكن تعامل امك معاملة وحشة
اقنعها ان دي دينها واخلاقها يخلوها تعامل حماتها بما يرضي الله
وطبعا وريها صور قرايبكو كانو شكلهم ايه واتحولو بعد الجواز لأيه
...
قولها حتي بهزار ... ان كونها رفيعة ده ضمان انها مش ح تقدر تهش وﻻ تنش مع حماتها :)
..
والله كان عندنا جار قاعد مع امه
زوجته كانت بتضربها كل علقة والتانية .... لما امه كانت بتصرخ وتطلب من الجيران يبلغو البوليس ويرجع الراجل م الشغل يلاقي الجيران كلهم في شقته بيحوشو مراته عن امه
لغاية ما الواد عزل في شقة لوحده بعد ماكاد ان ينتحر
قولها رفيعة قدري عليها .... احسن من واحده قوية تفتري عليها
وصلي استخارة وربنا معاك
يا باشا فية تحاليل المفروض انت و هى تعملها قبل الزواج و لو فى حاجه غلط هتبان
و مش هتستخبى ,, حاول اقناع والدتك بهذا
بص حقولك على حاجه
الام بتبقى حريصه اوى على ابنها (خاصه لو كان الولد الوحيد) و عاوزه تنقيله ملكه جمال الكون لكن تلاقيها مع بنتها مستعجله على جوازها لاول عريس مناسب يخبط على بابهم
- عكس الاب اللى مش بتبقى فارقه اوى معاه جوازة ابنه لكن بنته بيبقى حريص اوى عليها و يقعد يسأل و يدقق
عندى فى العيله حاله زى حالتك كده - بنت خالى اتقدمولها عرسان كتير و فى مناصب مرموقه و اللى بيرفضهم دايما خالى نفسه لاسباب تافهه (ده تخين - ده رفيع - ده قاعد مش عارف ازاى - ده يقرب لمش عارف مين اللى مش بطيقه )
فنفس القصه دى موجوده دلوقتى عن والدتك فصدقنى لو هى جابتلك مبررات مقنعه ماشى لكن موضوع انها رفيعه مش سبب مقنع اساسا
صلى استخارة ... وإن شاء الله ربنا مش هايسيبك
لازم يكون حضرتك عاوز الموضوع ومتأكد انك متمسك بالخطوة دي
قبل ما نحكم علي رأي الاسرة لان واضح ان حضرتك محتاج تتأكد
من رغبتك فالموضوع او لا مع اني شايف ان الرفع مش عيب قاتل وكل شئ بيتحل
المهم القبول والتفاهم بنكم يكون موجود طالما البنت كويسة
وربنا يوفقك للخير
هى ديه خلاصة الموضوع فعلا
لصاحب الموضوع متحاولش تقنع نفسك بالموضوع ، طالما فعلا انت مش متمسك بيها اوى و انتوا لسه فى الاول كده يبقى الاحسن تسيبها من دلوقتى لأن لسه الصعوبات و المشاكل هتيجى قدام و ديه طبيعة الحياة و احسن الف مرة انك تسيبها دلوقتى من انك تكمل فى الموضوع و تسيبها بعد كده