كمل فى الجوازة يا جميل
اى بنت رفيعة بعد الجواز بتملى و بيبقى شكل جسمها مقبول و كويس
لكن المليانة او الى قبل الجواز بتشوفها امكانيات عالية و الكلام دا
بعد الجواز بتقبل عربية نقل جامبو :d الا القليل منهم
عرض للطباعة
كمل فى الجوازة يا جميل
اى بنت رفيعة بعد الجواز بتملى و بيبقى شكل جسمها مقبول و كويس
لكن المليانة او الى قبل الجواز بتشوفها امكانيات عالية و الكلام دا
بعد الجواز بتقبل عربية نقل جامبو :d الا القليل منهم
يا باشا انت قولت شكلها كويس يعني عجباك من الاخر كده بقي احمد ربنا علي النعمه غيرك مش عارف يلاقي حد مناسب و الوقت بيجري منه و مش عارف يعمل ايه صدقني لو سبتها مش هتلاقي غيرها بسهوله مادام عجباك اتكل علي الله و كمل معاها
انت بتهزر ؟؟؟
بقى ده اسمه كلام ,,, خلاص خلي الست الوالدة تدورلك على عروسة ومتتكشفش عليك غير ليلة الدخلة ,,
وبعدين تقولك على اللي تعمله بالظبط وانت كل اللي عليك التنفيذ
بصراحة موضوعك مستفز وانا لو مكان خطيبتك وعرفت انك لمجرد فكرت في كده عمرى ماكمل مع حد كده ...
اعذرني على حدتي بس بجد طريقة تفكير مستفزة
معلش انا هكون فى دور الام لان الاخوة الاعضاء تقريبا مشكوريين خلصوا كل الكلام
ممكن يكون الرفع بزياده وانت مش واخد بالك بمعنى انه حاله مرضيه واضحه الستات الكبار فهمنها وانت مش فى دماغك
هو يعنى الام مش عارفه ان البنت بعد الجواز ممكن تملى فى الوزن
امك بدور على الموضوع من الناحيه المرضيه يعنى الوزن والطول هيحددوا شكل الاحفاد
ومحدش ينكر ان الاب او الام اللى عنده مشكله مرضيه بينقلها لاولادة فممكن تكون الام متخوفه من الموضوع دة بحكم الخبره بس خلاص
ونصيحه شخصيه مدام الجواز جواز صالونات يبقى لازم تحد معيار الحاله الصحيه فى دماغك
هو انت دكتور فى ايه ياعبدو ؟
واضح ان الدكتور عبده رمى الموضوع وخلع وساب الناس تكلم نفسها
هههههههههههه
السؤال زي مافهمته ان خطيبته من كتر النحافة لاتظهر عليها علامات الأنثى
ودي نحافة شديدة لإن الطبيعي لما بيمر شخص في سن الرشد ومميزتش دا بنت ولا ولد يبقى بيعاني بالفعل من نحافة مرضية
وأنا مرة شوفت ممرضة فلبينية لابسه اللبس الأزرق بتاع العمليات وقاصة شعرها من كتر نحافتها مكنتش عارفة دي راجل ولا ست !
ودا سؤال عادي جدا ومن حقه يستفسر خاصة وهو أنتبه بعد لفت نظره ودا يدل على إن تفكيره في الزواج منها مش زي ماصورتوه
وكمان الإجابة والجزم بإن دا هيتغير بعد الزواج إجابة غير واقعية ومش علمية خالص
مفيش أي شيء علمي بيربط بين الزواج ( كعملية فسيولوجية ) و زيادة أو نقص معدل الحرق
اللي بيحصل للناس اللي ردت هيا عادات منتشرة في العالم العربي
بعد الزواج بتزيد الهدايا المقدمة على شكل وجبات من الزوجة لزوجها وبتزيد العزومات والمطاعم من الزوج لزوجته
وكلما زادت شهية الوجبة لازم يترافق مع طعمها كمية السعرات الحرارية الزايدة جدا
ودا بيزيد لإنها عادات فهمت البنت إن ست البيت اللي تعرف تقدم أفضل الوجبات الشهية لزوجها
ولو خدنا جولة كدا في منتديات الطبخ المصرية والعربية هنلاقي الوجبة عبارة عن كمية سعرات حرارية تكفي الإنسان يومين
يعني الوجبة عن 6 وجبات للإنسان الطبيعي !
فما بالكم بفطار دسم و غدا دسم وعشا دسم و يتخللها حلويات وسكريات وجاتوهات
وزيارات للأهل ومن الأهل مليئة بالأطعمة الغنية بالسعرات الحرارية
فالإنسان أكيد هيزيد ذكر وأنثى بعد الزواج لو دا تزامن مع زيادة معدلات الأكل "بالشكل الجنوني دا" عن السابق
فملوش دعوة إطلاقا بالزواج كزواج
فممكن تتزوج وتلتزم بنظام غذائي طبيعي غير السائد في المجتمع ف بالتالي عمرها ماهتزيد
والحمل زيادته بتنزول تمام بعد الولادة النصف الأول من الزيادة بيطير مباشرة
و خلال 4 شهور بالكتير الجسم بيفقد الزيادة المتبقية بدون حتى رجيم
ودا كمان لو مش هتغذي إبنها منها يعني يكون بيعتمد على الصناعي
فربطهم الزواج بزيادة الوزن ربط عشوائي ومنطلق من خبرات شافوها والخبرات دي مش بالضرورة تكون عند كل وحدة
لو النحافة مرضية ممكن تشوفها مرضية وتتعامل معاها على إنها عيب لازم تصحيحه عند حد متخصص
ومش عيب تطلب منها تفهموا سبب النحافة الزايدة عن الحد وتشوفولها حل مع بعض لصحتها وصحة أبنائكم مستقبلا
وتتابع مع دكتور متخصص وبعدها تاخدوا قرار مشترك وتاخده عن قناعة تامة وبصدق ونزاهة متناهية
لكن بعد الجواز ملكش أي حجة بأي شكل تتكلم في القصة دي ولا من حقك تشوفها كعيب لإنه مش شيء جد عليك
إنتا واخدها وعارف النقطة دي كويس وقبلتها بكل رضا وعن قناعة
فمتجيش بعد كدا لا إنتا ولا تسمح لحد من أهلك مهما كان شأنه يمسها بكلمة متعلقة بالموضوع دا
ولو مش هتضمنلها دا يبقى تسيبها لحال سبيلها ربنا ييسرلها وييسرلك بدون أذية لحد
وللي بيرد وبيحاول يتريق أو يسخر أو ينتقص من صاحب المشكلة إعرف إن " الناصح مؤتمن "
يا تعرف تنحي كل مشاعرك الشخصية جانبا و تقول كلمة تنفعه يا تسكت وترحمه وترحم نفسك
أنا بفترض حسن نية الشخص قبل ما أحكم عليه
واللي فهمته بالفعل زي ماوضحته في مشاركتي إن النحافة مرضية لدرجة إنها مش باينة إنها أنثى
لو نحف عادي هيكون جميل و شيء مقبول وصحي ومفيش حد طبيعي هيشوفه عيب
وبخصوص طلب منها إنهم يراجعوا مختص فطريقة الطلب بتفرق
أنا طلبت من زوجي يتابع مع متخصص لإن وزنه زايد ودا لصحته وفهمته إن زيادة الوزن هتؤدي لمشاكل هو أكتر إنسان هيعاني منها ومحدش هيحس بيه
فطريقة عرض الحل اللي طرحتها حضرتك مش طريقة واحد عايز يحل بدون مايجرح دي طريقة حد عايز يجرح بدون مايحل