الموضوع: مشكلة مع خطيبتي المحترمة جدا ...

معلش .. انا برفع الموضوع القديم ده

بس لان الواحد داخل علي مشروع خطوبه وقريته بالصدفه ..

اللي لفت انتباهي ان اغلب الاعضاء ردوا علي صاحب الموضوع بقسوه شديده .. ودخلوا فيه شمال بدون معرفه تفاصيل الموضوع او العلم بالمشاكل الطبيه اللي بتصاحب البنت الرفيعه زياده عن اللزوم

مبدايا كده الرفع درجات .. وبيختلف من وجهه نظر واحد للتاني
في الريف بيعتبروا الفتاه المليانه انها عروسه لقطه وعندها صحه وتنفع تبقي زوجه
في المدينه بيحبوا البنت الوسط او السمباتيك

ولكن الرفيعين زي ما قلت درجات.. وبما ان صاحب الموضوع دكتور .. والعروسه بيقول انها محترمه وكده ..يعني اكيد لبسها محتشم
وعلي الرغم من كده.. هو ووالدته اخد باله من موضوع الرفع ده.. لا وكمان خلاه يتردد حتي بعد الخطوبه

يبقي غالبا العروسه رفيعه جدا جدا لدرجه مرضيه

ممكن تكون غده درقيه .. ودي منتشره كتيير عند البنات في العشرينيات.. وطبعا بتخلي البنت مهيبره ومتعصبه علطول وتبقي لاتطيق الجو الحر وسعات تبدا تعملها مشاكل في العين والقلب فيما بعد ان لم تعالج.. وحتي ازا اتعالجت فعلاجها مقرف وممكن يحتاج جراحه او علاج اشعاعي

ممكن تكون عندها مشاكل عامه في الغدد والنمو .. وطبعا خد عندك مشاكل لا تنتهي في الخلفه والحمل والرضاعه ده ازا اصلا حملت طبيعي لان في الغالب بتحتاج حقن مجهري او اطفال انابيب والولاده تبقي في الغالب قيصريه والرضاعه في الاغلب بتبقي صناعي لان غدد الثدي بتبقي عندها ضمور

ممكن يكون عندها مشكله مناعيه وضعف عام في الجسم

ده من الناحيه الطبيه ولكن من الناحيه العاطفيه .. ممكن جدا لو ده تفكيره تبقي العروسه مش هتملي عينه.. عادي جدا وهيحصل مشاكل زوجيه فيما بعد

وهنا يجي دور فحوص ما قبل الزواج اللي هي مهمه جدااااااااااااااااااااااا اا جداااااااااااا
وحتي الدوله عملتها اجباري ولكن الغش والسبوبه ممكن يتيحولك انك تروح تطلع الشهاده تبين انك او انها فله شمعه منوره بدون اي فحص او تحاليل وب 20 جندي فقط

رايي الشخصي ان ماحدش يقبل علي مرحله الخطوبه الزواج الا لما يكون مقتنع بدرجه عاليه اوي من خطيبته

وصاحب الموضوع الغلطه الوحيده اللي عملها ان خطب البنت قبل ان يكون فكره واقتناعه التام بها

انا شايف حضرتك مبالغ فى الكلام يا دكتور ميدو
النحافة ليست دائما دليل مرض و معظم امراض الغدد الصماء اعراضها non specific و بالتالى ست رفيعة فى الغالب مفيهاش مشاكل مثل التخينة فى الغالب ايضا مفيهاش مشاكل

المشاركة الأصلية كتبت بواسطة volociximab

انا شايف حضرتك مبالغ فى الكلام يا دكتور ميدو
النحافة ليست دائما دليل مرض و معظم امراض الغدد الصماء اعراضها non specific و بالتالى ست رفيعة فى الغالب مفيهاش مشاكل مثل التخينة فى الغالب ايضا مفيهاش مشاكل

حضرتك ما قرتش كلامي كويس

انا ماقولتش كده .. البنت الرفيعه في الغالب بتبقي ذو صحه جيده

ولكن كلامي عن البنت الرفيعه جدا .. ويطلق عليها نحيفه.. هنا بنسبه عاليه بيكون في مشكله

ثانيا حتي لو البنت رفيعه بدرجه متوسطه يعني سمباتيك كده.. فده ممكن يتوافق مع فكر شباب كتير
ولكن نفس البنت ممكن شاب تاني ماتملاش عينه ويجي بعد الجواز يظلمها ويفضل يبص بره وما يبادلش زوجته الحب والمشاعر يبقي البنت اتظلمت من غير اي زنب

بانسبه باه للصوره اللي حضرتك حاطتها .. فانا متفق معاك مليار في الميه .. خاصه طب بشري
اسالني انا ...
يا باشا احنا لما كنا بناخد روندات عملي.. كانوا البنات بيزقونا ويطلعوا قدام .. والواحد كان بيبعد عنهم بدل ما تلبسه تهمه علي الفاضي

كانوا اجراء الناس علي الجثث والعيانين .. حتي لو العيان راجل

تقدر تقول الطب بيخلق من الولد راجل .. وبيخلق من البنت راجل برده

الا من رحم ربي.. لكل قاعده استثناء

الصورة هزار طبعا و بنات طب الاكثر احتراما فى نظرى و مفيش فرق فى الجمال--بس احنا الى شادين عليهن شوية

مع احترامى للزميل الطبيب الذى ذكر الاسباب المرضية للنحافة المتوقعة فى العروسة
هذا امر مبالغ فيه جدا والنظر لفقدان الوزن فقط من ناحية التشخيص دون انعاكسه على life style للمريض يجعل معظم ما ذكرت من امراض شبه مستحيل ابسط شئ ارتفاع هرمون الدرقية يكون هناك تحول درامى فى وزن المريض الذى يكون طبيعيا قبل الاصابة بالمرض وهذا لم يحدث وكذلك اداءه الدراسى والتعليمى قبل وبعد الاصابة بالمرض وحين يؤثر على المريض بهذه الدرجة يكون وصل لمرحلة تغيير وجحوظ العين وفشل وظائف القلب وضمور العضلات وارتفاع الكالسيوم واحتمالية التهاب البنكرياس وخلافه ودائما ما ننصح ابنائنا صغار الاطباء فى بداية حياتهم النظر الى المريض ككل وانعكاس المرض على اسلوب حياته والناحية النفسية وخلافه وقس على ذلك معظم ما ذكرت من احتمالات بعيدة جدا
د.شريف استشارى باطنة
زميل الكلية الملكية البريطانية (لندن)

ما شاء الله دكتور شريف معاه عربية byd فى مكة
انطباع حضرتك ليها ايه
معلش بره الموضوع
د احمد
اخصائي باطنة