مشكلة مع خطيبتي المحترمة جدا ...

**Dr.Abdo** · 30-08-2014 12:36 AM

السلام عليكم ...

لو سمحتم يا جماية تفيدوني باراءكم وحلولكم للمشكلة دي ...

انا عندي 28 سنة ومن فترة وانا بدور على عروسة ولقيت واحدة الحمد لله

هي قمة في الاحترام والادب والتدين ومؤهل عالي واهلها ناس محترمين جدا وشكلها كويس

ومن ساعة ما شفتها وانا مرتاج لها ...

اتقدمت ليها ووافقت وقرينا فاتحة علشان نتعرف على بعض اكتر ........ لحد دلوقتي كل حاجة كويسة

لكن في مشكلة حصلت وهي ان والدتي شايفة انها مش مناسبة ليا لأنها (رفيعة) ووالدتي شايفة ان

البنت لازم تبقى مليانة شوية وفيها (الامكانيات الانثوية) .... انا من الاول مفكرتش في الموضوع ده لأني

كنت مبهور بشخصيتها واخلاقها لكن بعد الكلام ده اترددت شوية وبقيت مش عارف اكمل وللا لأ وخصوصا

ان البنت مفيهاش حاجة تتعيب ...

ايه رأيكم هل الموضوع ده ممكن يأثر على الحياة الزوجية بعدين وللا الايجابيات هتطغي عليه ...؟؟

شكرا

**طارق _عبد السلام** · 30-08-2014 12:44 AM

عرف الوالده انها بعد اول طفل هتبقى كتير جدا مش نحيفه ههههههههههه

الستات بتعمل المستحيل علشان يخسوا فلوسنا ضايعه يافندم على الرجيم

**prof2013** · 30-08-2014 12:46 AM

افسخ الخطوبه ياباشا لان كلامك دليل على انك مش مقدر النعمه اللي في ايدك

**kar!m** · 30-08-2014 12:54 AM

بص هو الموضوع شائك شوية .. بس حاول تقنع والدتك بهدوء و تذكر لها مميزات البنت .. و ان الحاجات التانية دي ممكن تتغير بالأكل و خلافه .. و اشرح لها ان أهم حاجه البيت و التربية .. و اذكر لها قصص الناس اللي اختاروا على أساس الشكل أو الجسم و جوازهم فشل بسبب ان الزوجة أخلاقها مش كويسة و زي ما قلت لك ان أي حاجه تانية ممكن تتغير.
أهم حاجه الهدوء و الحكمة في الحوار و ربنا يقدر لك الخير.

**#MAAM#** · 30-08-2014 12:55 AM

بعد أول طفل هتبقى برميل ياباشا متقلقش خالص

**aimank** · 30-08-2014 01:10 AM

هو انت اللى هتتجوزها ولا ولدتك ..... احب اقولك ان لو رميت ودانك للست الوالدة مش هتعمر مع واحدة

**الفجر** · 30-08-2014 01:15 AM

ردا على موضوعك

واحد صاحبى اتجوز بنت قمر 14 وكان كل زملائة وقرايب بيحسدوة يوم فرحة على جمال البنت

وبعدها بشهرين فقط طلقها لانها طلعت قبيحة اللسان جدا وبتشتم جوزها بافظع الشتائم دة غير انها عضبية جدا

فاحترس انك ترفض لعيب شكلى ثم تندم ندم عمرك كلة

**buisnessman** · 30-08-2014 01:18 AM

اسمك Dr. Abdo
هل انت دكتور فعلا وده تفكيرك ؟ معلش أنا آسف بس حابب أعرف.

**eslam atia** · 30-08-2014 01:25 AM

انت في نعمة مش حاااااااااااااااااااااسس بيها
وفي كتييييييييييير جدا بيدور علي نصف ما حصلت علية , اللهم بارك
انما الامم الاخلاق مابقيت فان هم ذهبت اخلاقهم ذهبوا
احمد ربنا واشكرة علي ما انت علية
وادعي لباقي زملائك اللي لسة :d