معلش هو حضرتك بتقارن أيه بأيه أنا معاى الأتنين و حتلاقى هنا كتير معاهم الأتنين
أولا الصنى مش بتاععتى أنا بأسوقها أقتدارا دى بتاعة أبن خالتى عربية سوبر صالون ب 124000 و أبن خالتى التاني عنده ال ex شوفتها كده بس و خلاص بدون مقدمات النيسان صنى لا تباع في أوربا نهائي و تباع في دول الخليج و أسيا و أمريكا اللاتينية و أمريكا الشمالية ماعدا كندا , و هذه قائمة بالدول الرهيبة التي تباع فيها هذه القنبلة
Egypt – India –China- ANGOLA – BAHRIN-JORDAN-Qatar-Mozambique- KENYA ,SOUTH AFRICA,- Uganda- Zambia (ALMERA) – LEBANON -Madagascar-Oman-SAUDIA ARABIA United Arab Emirates -Yemen –Armenia- AzerbaijanAmerica (versa)
حضرتك لاحظت أيه لما قريت و خدت فكرة عن البلاد اللى ببتتباع فيها هذه الأعجوبة النيسان صنى أنا لما كبرت في دماغى دخلت على موقع نيسان و على كل دول العالم خدت في الموضوع ده بتاع 3 ساعات بس كان لازم أوصل لأن الدول المستهدفة ببيع هذه السيارة دول عايزة تركب عربيات و السلام المهم أيه عيوبها:
أولا التصميم الخارجي ده لايمكن تصميم نيسان على الأطلاق مع ملاحظة أن نيسان باعت اسم صنى تجاريا لأحدى الشركات الصينية على أن تسوق تحت أسم نيسان و لكن بأشراف ياباني من بعيد لبيعيد ينى أسم صنى اتباع ما أباعش نيسان مش فارق معاها حاجة لأنها أصلا لا تمتلك الأسم الشكل الخارجي و الشاسيه تم تصميمه في الصين شركة دونج فنج الصينية هي المالك الرسمي أسم نيسان المهم أم الشكل الخارجي أذواق رغم أن أن شايف أن حصل هبل في الجزء الخلفى من السيارة
الموتور و الفتيس مافيش أي شكاوى اللهم وضع الكونتروللر سئ جدا
الصاج مأسأة والشاسيه ضعيف
الفرامل سيئة و تمثل مع الصاج نقطة ضعف شديدة لهذه السيارة
التقفيل المصرى سئ جدا
التابلوه حلو في السوبر صالون و سئ في ال ex
السيارة في المجمل سيارة مدينة تحتاج أل سائق عاقل و متزن و يحط في دماغه أنه سايق على الهوا يعنى مافيش حاجة حتحميه و تحتاج ألى جراج خاص بها لوحدها
الثبات و العفشة العفشة جيدة و الثبات كويس لحد 120 بعد 120 أنت راكب ريشة
الأمكانيات و الكماليات مقابل السعر صفقة ممتازة
السيارة السوبر صالون أفضل كثيرا من السيارة ال ex
التجميع المصرى سئ جدا جدا
و السيارة خليط من كل من مصر الصين الهند اليابان من بعيد لبعيد
اليابان تدى الصين تصميم محركات و فتيس و الصين تقوم بتصنيع الموتور و الفتيس ثم بعد كده يروحوا الهند يتقفلوا هناك على الشاسيه الهندى دى العربيات الصنى المستوردة أما السيارات التجميع المصرى فيتم تجميعها في مصر
تعالى بقى نشوف رينو لما أستلمت هذه السيارة و قامت بتصنيعها في مصنع سامسونج في كوريا الجنوبية تحت أسم سكالا ياللروعة هي هي نفس العربية و لكن بروح أخرى مختلفة تماما. السيارات التى تباع في السعودية يتم استيرادها من كوريا تحت أسم نيسان صنى يعنى حتى السعودية ما بتستوردهاش من البلد المصنعة و هي الهند بتستورده من كوريالأنها أحسن
الكلام ده شخصى و لك الحرية أن تأخد به أو تضعه في سلة المهملات
و شكرا
على فكرة في سيارات منافسة ليها صحيح أقل في الكماليات لكن أحسن ستين مرة منها لانسر شارك ب 139000 قربنا من تمن الصنى بيجو 301 مازدا 3 سيتروين سي تويوتا ياريس هوندا سيتى ده اللى أنا فاكره دلوقتى
وشكرا