السلام عليكم و رحمة الله و بركاته
اخواتى الاعزاء
مجتاج نصيحه منكم و بكل حياديه علشان انا اصلا بتلكك
دلوقتى انا بصدد شراء سياره جديده بعد ما بعت السيمبول اللى كانت معايا الاوتوماتيك و من قبلهااللوجان الشكل القديم حبيبة قلبى اللى اتعلمت الادب الشرعى من بعدها
لكن الحمد لله
دلوقتى الشكل الجديد بتاع اللوجا و امكانيات العربيه و الوسع و الطول بتوعها مش لاقيه حتى فى اللانسر الشارك اللى هيا عربيه محترمه جدا جدا جدا
فانا دلوقتى بقارن بين اللوجان و النيو صنى و معلش ما حدش يقولى دى فئه و دى فئه لانى بقارن فعلا بينهم
بالنسبه للصنى الشكل الجديد فيه مميزات بصراحع مش موجوده فى اللوجان زى الموتور و الفتيس الاوتو و الصناعه اليابانيه طبعا مع (التقفيل المصرى )
و النعومه و رخص قطع الغيار و استهلاك بنزين ممتاز و سعر اعادة بيعها كويسمش بطال
و بصراحه الاعضاء فى قسم النيسان مش بيشكروا فى التوكيل بتاعها
العيوب تتلخص فى فقر الكماليات عادى كده مش مبهره ضيقه من ورا شكلها عادى مش جامد يعنى من جوه و بره بس فى الاخر يابانى

اللوجان بقى حدث و لا حرج عيبها الموتور هو هو بتاع اللوجان القديمه بس مش معنى ذلك انه مش كويس
موتور النيسان صافى 99 حصان 1500 2 كامه ناعم جدا جدا جدا و موفر فى الاستهلاك حوالى 350 لتر فى الصفيحه و العربيه اوتو
موتور اللوجان صافى 90 حصان 1600 1 كامه برضه استهلام البنزين اقتصادى بس مش ناعم ممكن تقول عليه موتور خشن بس قوى مش ضعيف و غشيم كمان و استهلاك البنزين تقريبا نفس الصنى
العفشه فى الاتنين ممتازه
الوسع للصالون فى صالح اللوجان
ابعاد الطول 4348 mm النيسان اطول 4425 mm
العرض 1994 mm النيسان اقل 1695
اقل ارتفاع عن الارض مع الحموله الكامله 2634 mm النيسان أقل 15.5 سم
الشنطه 510 لتر
الصاج اللوجان ممتاز محمل عن النيسان
الصالون فخم جدا جدا جدا بالنسبه للنيسان
توكيل رينو الاعضاء بيشكروا فيه و انا كنت اولهم لما كانت معايا
التكييف متهيألى الاتنين زى بعض انا مجربتش
السعر اللى عاوزاجيبه فى الرينو فئة الكومفورت المانيوال 92000 الف و ممكن ازود و اجيب الهاى لاين مش دى المشكله
و النيسان سعرها 112000 الف
انا مشكلتى دلوقتى يابانى متقفل فى مصر بكماليات فقيره
و لافرنساوى متقفل فى المغرب بس تقفيل محترم و خامات عاليه
انا ميال للوجان و حايش نفسى عنها بس عاوز اجرب حاجه تانيه لانى مش عاوز اغير عربيه تانى
زرت المعرضيين و شفت العربيتين و الانتين حلويين فى الاجمالى
فياريت مساعده فى قرار الشراء و ماتبخالوش عليا فى الرأى
فايه رايكم
انا عارف ان اللوجان النيو صنى مش موجوده و مش قبل سنه على بال ما تنزل و فى ناس بتقول اول السنه بس انا مش بحب الأوتو الفرنساوى بحس انه متخلف بس الأوتو اليابانى متفوق بجداره

و اخيرا شكل النيو لوجان من جوه و بره بكماليتها ممتاز عن النيو صنى تحس كده انه نجم