الموضوع: عايز اروح شرم الشيخ من الاسماعيليه

بص يا باشا انا لسة راجع من شرم من حوالى 4 ايام ،
انا معرفش اوصفلك الطريق ، بس الطريق من بعد النفق كلو ملفات صعبة والطريق حارتين رايح جاى ، فامشى على اقل من مهلك فى الملفات دى علشان فعلا صعبة جدا و ممكن تزاولك و تفتكر انك ممكن تخدها بسرعة ،

بس نصيحة منى ولو تعرف تأجل السفرية لوقت تانى يبقى احسن ، علشان الجو هناك حر و الرطوبة عالية صبح و بالليل

اهلا وسهلا بحضرتك
للاسف انا حجزت في قريه دلتا شرم
بس المشكلة لاني رايح بعربيتي فمحتاج اعرف الطريق ازاي وجزاكم الله كل خير

المشاركة الأصلية كتبت بواسطة maya_zoom

اهلا وسهلا بحضرتك
للاسف انا حجزت في قريه دلتا شرم
بس المشكلة لاني رايح بعربيتي فمحتاج اعرف الطريق ازاي وجزاكم الله كل خير

انا كنت فى دلتا برضو :)
حجزت اوضة ولا اوضتين و بكام ، ولا فندق

بص ياباشا انا ممكن اقولك الطريق من من القاهره بس من عندك اسماعيليه الله اعلم

يعني لو هتيجي القاهره طبعا هتاخد طريق الاسماعيليه القاهره

ومن القاهره هتاخد طريق السويس طبعا هتاخد طريق السويس ازاي

هتيجي من طريق الاسماعيليه عند الشروق وتلف وترجع وتدخل يمين الشروق لاخر الطريق تبقى طلعت على طريق السويس بس هيبقى اتجاه مصر تلف وترجع اتجاه السويس

تمشي في طريق السويس لحد ما توصل كمين الكارته تقوم باصص شمال هتلاقي طريق على الناحيه التانيه

هتلف وترجع وتدخل الطريق ده كده انت في بدايه طريق شرم هتمشي 15 دقيقه تقريبا هتلاقي كمين نفق الشهيد احمد حمدي كمين محترم جدا هو عباره عن موقف اساسا مش كمين وتفتيش لكل حاجه وحتى الاتوبيسات بتتفتش

تخلص الكمين تكمل طوااااااااااااالي لشرم الشيخ :)

بس خلي بالك في حته بيبقى فيها مفترق طرق انت هتاخد الطريق اليمين

شرم 500 كيلو تقريبا من طريق السويس

هتلاقي رستات نضيفه قبل نفق الشهيد وفي رست في النفق نفسه

وبعديها هتلاقي كزا رست برضو على الطريق

من ناحيه امان ولا مش امان ف اساسا هتلاقي شركات سياحه مسافره كتيييييييير واتوبيسات بالهبل كلها مسافره نص الليل

--------------------------------------------------------------

فندق دلتا شرم فندق كويس متقسم الى شاليات فندقيه وشاليهات مملكه لناس والناس دي بتاجرها عادي ومحلات التاجير دي ف دلتا شرم نفسها

انصحك تروح عند فارس بتاع السمك موجود في السوق القديم اسال عليه وروحله وبرضو موجود هناك مشويات المصريين في السوق القديم ملوووووش حل واسعارهم مش غاليه اوي بس اكلهم ممتاز

ومتنساش تحجز رحله بحريه ل تيران اول ما توصل هناك هتنبسط فيها جدا وممكن تغطس كمان لو عايز

واطلع على نعمه باي عند المشايه هتلاقي العيال الخرتجيه واقفين قولهم انا عايز اركب بنانا بوت ودي برضو هتعجبك اوي


--------------------------------------------

خلي بالك من عربيتك في الرادياتير والميا وازيت والكلام ده لان الحر هناك بيبتدي الساعه 8 الصبح كانه 2 الضهر عندنا

وفي حتت هتلاقي العربيه مش عايزه تجيب 120 على بعض مش مشكله لانه الحتت دي الجاذبيه تقريبا فيها عاليه


وبالتوفيييييييييييق ان شاء الله

بصراحه جزاكم الله كل خير
انا حاجز في دلتا شرم قوضه بصاله بالمنافع اليوم ب 250 جنيه بدون اكل
وربنا يصلح الحال انا اصلا لسه عامل صيانه للعربيه عشان المشوار ومروق عليها
فادعوا ليا انها تكون رحلة ممتعه

المشاركة الأصلية كتبت بواسطة maya_zoom

بصراحه جزاكم الله كل خير
انا حاجز في دلتا شرم قوضه بصاله بالمنافع اليوم ب 250 جنيه بدون اكل
وربنا يصلح الحال انا اصلا لسه عامل صيانه للعربيه عشان المشوار ومروق عليها
فادعوا ليا انها تكون رحلة ممتعه

ياترى رحت ورجعت من شرم .؟؟؟ احكي لنا على الطريق واخبار السكة ايه ؟؟؟