مشكلة فى ماتركس 2008 مغلبانى

**MAHMOUD722001** · 22-10-2008 09:57 PM

والله ياجماعة ياريت لو سمحتم سرعة الرد على الاستفسار ده جزاكم الله كل الخير
تحدث احيانا عند بداية ادارة المحرك ان يحدث ان يعلو الى سرعة دوران عالية ثم يحدث انخفاض ثم ارتفاع فى سرعة المحرك باستمرار الى ان اضغط على دواسة البنزين بقوة فيهدا الصوت الى السرعة العادية ويستقر سرعة السلانسية وتم تنظيف سنسور المسئول عن نسب خلط البنزين بالهواء المركب على منيفولد الهواء ,ثم يحدث احيانا ان يكون الاكسراتير غير ناعم وصوت السيارة خشن قليلا ويحدث نتش فى النقل واحيانا اخرى بعد اطفاء المحرك لساعات ثم الركوب ثانية تختفى المشكلة , هل المشكلة لها علاقة بالبنزين ام بمدة التسخين فى البدء ام بحساسية الدوسة فى البداية ام بالسنسور ام بماذا علما بان فى اوقات اجد السلانسية يصل الى حوالى 600 الى 700 لفة واحيانا اخرى حوالى 900 ولكم جزيل الشكر!!!!!

**thegreatnileman** · 25-10-2008 12:11 PM

انت اول ما بتدور الصبح بتلاقى صوت الموتور عالى وبتسمع صوت تكتكه بعد دقيقتين بيختفى الصوت بس بيفضل ال ار بى ام فوق ال 10 وبيبدأ ينزل شوية شوية لحد مايوصل الى 7 تقريبا فى خلال من 7 الى 10 دقائق حسب الاحوال اما بالنسبة لارتفاع وانخفاض سرعة الدوران فده ممكن يكون بسبب ان التكييف شغال من قبل ما تدور العربيه او شعلته على طول بعد تشغيل العربية ماستنيتش لما تسخن

وهو يفضل انك تستنى ما تتحركش بالعربية ولا تشغل التكييف الا بعد ال ار بى ام ما يوص ل 7 او 8 وصوت الموتور يهدى وبتلاحظ وصول مؤشر الحرارة الى ما يقرب ثلث مسافة المؤشر

**MAHMOUD722001** · 25-10-2008 01:41 PM

اولا باشكرك يا اخ احمد على الاهتمام بالرد وثانيا انا بصيت على واير الاكسراتير لقيته مرخى شوية من اخر مرة كنت فيها التوكيل فشديته وظبطه بنفسى لانى زهقت من الناس اللى فى التوكيل وبرة التوكيل فالحمد لله ظبطت معايا بقالها يومين وربنا يكرم وتظبط على طول وانهاردة بعمل صيانة 15000 ويمكن تغيير الزيت يظبط اكتر وفلتر الهوا لانه اتعمى من الجو بتاعنا الجميل الملئ بالاتربه وفلتر التكييف نظفته مليان تراب بالهبل .....وشكرا على الرد مرة تانية

**sab3aawy** · 25-10-2008 04:29 PM

دى مشكلة ظبط او تغيير الل تى بى اس، اللى انت نضفته دا غالبا الاير ماس، لكن طالما المشكلة مسمعة فقى الغيارات يبقى تى بى اس

**thegreatnileman** · 26-10-2008 07:28 PM

ابقى غير فلتر التكييف من عند نافع اللى فى شارع دمشق (75جنيه) لانه فى التوكيل (330جنيه) ويمكن زاد كمان

**sh23** · 28-10-2008 05:33 PM

المشاركة الأصلية كتبت بواسطة thegreatnileman

ابقى غير فلتر التكييف من عند نافع اللى فى شارع دمشق (75جنيه) لانه فى التوكيل (330جنيه) ويمكن زاد كمان

***********
بخصوص التكييف(ماتريكس2008) عندي سؤال مهم
* صوت التكييف(علي سرعة 4 ) عالي جداً ومسموع أكثر خارج السيارة وكمية الهواء الخارج من فتحات التكييف لا تتناسب دهذا الصوت والأمر أشبة بضجيج بلا طحن.
*درجة البرودة معقولة ومحسوسة رغم ما سبق .
أرحو الإفادة ؛ وشكراً

**thegreatnileman** · 28-10-2008 07:25 PM

انا برده عندى كده موديل 2007
السرعه الاولى هادى والثانيه اسرع شويه والثالثه اسرع شويه بس بهدوء ولما تجيبه على الدرجه 4 السرعه بتزيد اوى والصوت فعلا بيبقى عامل وش ده من وهى زيرو