السلام عليكم
عوده بعد غياب يارب تكونو كلكو بالف صحه وعافيه وخير
بسؤالي ياجماعه انا حصل معايا موقف غريب جدا
انا اهلي للاسف مغتربين كلهم في دوله عربيه
وكنت انا كمان بسافر في البحر وبسيب عربيتي ف جراج المينا زي جراج حكومي بيتغير عليه موظفين كتير
المهم ف يوم جينا من بره بعد غياب تلت شهور ودخلت خدت العربيه ومشيت سافرت من اليكس للقاهره
بعدها بفتره كنت بعمل ضبط زوايا وكدا
ببص بضرب بعيني لقيت الفردتين امامي متغيريين وانا كنت لسه مغير الاربعه قبل ماسافر ب طقم كونتنتال ياباني دافع فيه دم قلبي اه والله يا بيه طبعا الحمد لله وحصل الي حصل ومعرفتش طبعا مين عمل كدا
وحسبي الله ونعم الوكيل
المهم الي عمل كدا ببجاحته خد التانيين وركب مكانهم كمان ع الجنط فرد ازبل من الزباله الحمد لله انه عمل كدا يعني
ويشكر انو سابلي الاتنين الي ورا
المهم الامامي طبعا خرااااااااابه وفيهم واحده داخلي والسلك طالع منهم والمشي بيهم موت
ومبهدلين الفرامل وكل حاجه
فقررت اغيرهم وامري لله فوجئت باسعار خرافيه
انا دلوقتي يا اخواننا بطلب النصيحه لان عايز اسافر كمان تلت ايام ب العربيه
اركب ايه امامي مناسب مع الكونتنتال الي ورا
حاجه حنينه واقدر اثق فيها
انا مقاسي
14/185/65 h
ارجوكم الي عنده فكره يساعدني عشان خايف اجيب حاجه متظبطش مع ال ورا
وخايف اجيب حاجه تكون طريه والكونتنال ناشفه ميظبطوش مع بعض
انا ممكن اشتري من القاهره او اسكندريه او العجمي
انا والله بقالي كام يوم محتار ودخلت كذا محل لكن انا دايما مش بقتنع وقولت مش هرتاح الا اما اسألكم الاول
وبارك الله فيكم وعليكم
اخوكم ف الله