سيات ليون الفئة التانية ولا سيات توليدو هاي لاين ولا سوبارو امبريزا و كلهم ٢٠١٤

**Mohamed_Hanafi** · 30-08-2014 05:00 PM

محتار جداً ولا استني ٢٠١٥!

**eme5599** · 30-08-2014 11:19 PM

أنا قعدت فترة طويلة محتار بين عربيات كتير و في فئات سعرية كتير
و في الآخر حصرت أختياراتي في تلاتة
ليون تاني فئة ب 173 ألف
سي 4 ب 179 ألف
امبريزا هاي لاين ب 195
أنا في الآخر حطيت شرط لنفسي أن العربية يبقى فيها esp و 6 أيرباج "و ده بقى الاستاندرد من فترة طويلة في البلاد المحترمة"
التيويوتا أوريس بتحقق الشرط ده برده

أنا عن نفسي هستبعد التوليدو عشان وسائل الأمان مع أن المساحات الداخلية في صالحها بشكل كبير

الحاجات الرئيسية إللي تمييز الليون عن الامبريزا
1- الموتور ال tsi
2- الفتيس ال dsg "و ده ممكن يحسب عليها لو حصل فيه مشاكل بس بصراحة لما جربته اختررررراع :)"
3- هتوفر 22 ألف لو بفكر في الامبريزا الهاي لاين

الحاجات الرئيسية إللي تمييز الامبريزا عن الليون
1- awd
2- boxer engine
3- عفشة مالتي لينك "مش متأكد"

على فكرة من الحاجات إللي لاحظتها و أنا بتفرج على الامبريزا ان ارتفاعها عن الأرض قليل و مع أن الليون واطية برده بس أعتقد مش زي الامبريزا و برده حكت مني مرتين في ألفين كيلو

أنا أختياري الشخصي كان ليون

**ahmzd** · 31-08-2014 11:08 AM

للأسف ال 3 عربيات دول ( ليون وتوليدو وامبريزا ) مش موجودين في الشارع إلا نادرا!

**eng.m7md.ali** · 31-08-2014 11:33 AM

حضرتك مدام اخترت الاختيارات دي تبقي راجل ركيب وعايز تستمتع .. صوتي للامبريزا

**Omar Mahmoud** · 31-08-2014 01:31 PM

سوبارو امبريزا

**S O P H O S** · 31-08-2014 02:29 PM

اختار الليون
بدون احكام علي الفتيس

**J A G U A R** · 31-08-2014 06:36 PM

امبريزا

**ahmzd** · 31-08-2014 09:32 PM

استقرّيت على إيه يا باشا ؟!

**Yusefabouelnga** · 31-08-2014 10:17 PM

انا لو مكانك اجيب الليون بعيدا عن الخوف من الفتيس عشان الصراحه عربيه تحفه !
السوبارو عربيه جميله طبعا بس قوه الموتور مش اوي و لو فكرت تبيع حتخسر جامد اوي و كمان توكيل مش حلو و فروعوه قليله جدااا لاكن كثبات عربيه جامده اوي
التوليدو عربيه واسعه جدا و حلوه لو محتاج المساحه ديه و خصوصا شنطتها االمساحتها 550 لتر تقريبا و كمان فتيس 6سرعات مش dsg بس عربيه كسحب و كمليات و شكل مش حلوه خالص زي الليون !
الليون حلوه انها 1200tsi و ده بيديها سحب جميل لانه 175 نيوتن متر دفع يعني اكتر من اي عربيه 1600ccو كمان استهلاك بنزين قليل اوي و الفتيس بعيدا عن المشاكل السمعت عنها هو اختراااع لو بتحب الجري و كمان شكلها حلو اوي و خصوصا باليدات و فتحه السقف البنوراما و تبلوه حلو اوي بس بحس ان فيه بلاستيك كتير .
و في الأخر ده اختيارك و العربيه الي تريحك جيبها و العربيه بتنادي علي صاحبها . D: