اللي قدامة شالية صغير في الساحل للبيع يقولى رجاء

السلام عليكم

الوالد عايز في الساحل حاجة صغيرة

قرية هادية - قريبة من الاسكندرية - قرية مش كومباوند او مجموعة شاليهات

تكون ناحية البحر مش الناحية شمال الطريق ( قصاد القري )


حاجة صغيرة 60 متر تكون بحري وفيها هوا وقدامها مساحة عشان العين ترتاح


في حدود 200 -220 الف شالية مش شقة في عمارة وتكون دور ارضي و ياسلام لو فيها جنينة صغيرة كدة 5 متر فى 5 متر


انا دورت كتير وتعبت من نزول الساحل اتفرج وارجع و كل المواصفات اللى كاتبها هنا وبقولها في التليفون بروح مش بلاقيها


اهم حاجة تكون قريبة من اسكندرية يعنى 50 او 60 كيلو بالكتير.


الرجاء لو في حد قدامة حاجة كدة و السعر قريب من كدة .. لا يبخل على بالرد

طب حد يعرف اي حاجة

Sent from my SM-C115 using Forum Runner

ممكن تبص في قريه عايده اظن المبلغ اللى معاك تاخد حاجه كويسه جدا ولو اتفضل حاجه ممكن تقسط على سنتين حتاخد شاليه اكبر من المساحه اللى انت بتتكلم فيها وحديقه أوسع وفى بعض الشاليهات ليها حمام سباحه خاص القريه بتتقدم كل سنه وبيتعمل فيها خدمات جديده كل سنه السنه اللى فاتت اتعمل بحيره صناعيه على الشاطئ والسنادى الأرض اتدكت علشان تتسفلت من جديد فكل السنه الأسعار بتعلى
القريه في الكيلو 77 وفيها فندق عايده والخدمات الاساسيه وقبل زهران مول ب 6 كيلو وقبل مارينا بحوالي 15 دقيقه بالعربيه
اظن دى احسن اختيار ليك في رنج السعر اللى بتتكلم فيه وفى قريه اسمها حورس نفس النظام ورنج الأسعار واقرب لاسكندريه بس القريه اصغر جدا وخدماتها اقل
أتمنى أكون افدتك وتحت امرك في اى استفسار .
تحياتى.

يا فندم كتر الف خيرك

سبحان الله احنا حاجزين يومين في العيد الكبير في فندق عايدة ... كدة يبقي سهل اوي المعاينة جوة القرية

بس انا اخر رحتها كانت القرية لسة بتتبني وكان اسمها مصر الجديدة او حاجة كدة مش عارف غيروا اسمها ولا اية

و قرية حورس حدخل عليها و انا في طريقي لعايدة ندور فيها
ان شاء الله نلاقي حاجة

تعتقد ننزل في الشتا افضل ولا مش حنلاقي حد يفتح يفرجنا انا خايف يكون عشان موسم الساحل فاالكل يرفع السعر حتي القرية

بس انا متفائل بقرية عايدة كانت ضخمة وواسعة بس مشفتش لا حمام سباحة ولا البحيرة دي :)

انا كنت هناك السنة اللي فاتت في الفندق برضوا

Sent from my SM-C115 using Forum Runner

اقتباس:

---

المشاركة الأصلية كتبت بواسطة ashouhdy

يا فندم كتر الف خيرك

سبحان الله احنا حاجزين يومين في العيد الكبير في فندق عايدة ... كدة يبقي سهل اوي المعاينة جوة القرية

بس انا اخر رحتها كانت القرية لسة بتتبني وكان اسمها مصر الجديدة او حاجة كدة مش عارف غيروا اسمها ولا اية

و قرية حورس حدخل عليها و انا في طريقي لعايدة ندور فيها
ان شاء الله نلاقي حاجة

تعتقد ننزل في الشتا افضل ولا مش حنلاقي حد يفتح يفرجنا انا خايف يكون عشان موسم الساحل فاالكل يرفع السعر حتي القرية

بس انا متفائل بقرية عايدة كانت ضخمة وواسعة بس مشفتش لا حمام سباحة ولا البحيرة دي :)

انا كنت هناك السنة اللي فاتت في الفندق برضوا

Sent from my SM-C115 using Forum Runner

---

حضرتك البحيره اتعملت في الشتاء اللى فات وشغاله حاليا وعليها كافيتريا وحمام السباحه مش على الشاطئ هو في وسط القريه "وانا واخد الشاليه بتاعى جنب حمام السباحه" قبل الفندق والقريه اسمها مصر الجديده فعلا بس ده لان الأرض ملك جمعيه مصر الجديده ولكن لوجود الفندق جواها فالاسم الشائع عايده وحاليا برضه غيروا البوابه تماما اتهدت واتوسعت واتبنت من جديد وللعلم اداره الفندق غير اداره القريه والقريه بتطور خاصه بعد تغيير الاداره من سنتين ولذلك الأسعار عليت كمان في السنتين دول
لو حابب تستفسر عن اى حاجه هناك تحت امرك
ودى صور لحمام السباحه والبحيره
http://nileup.com/up/uploads/nilemotors_14095299291.jpg
http://nileup.com/up/uploads/nilemotors_14095299292.jpg
http://nileup.com/up/uploads/nilemotors_14095299293.jpg
http://nileup.com/up/uploads/nilemotors_14095299294.jpg
http://nileup.com/up/uploads/nilemotors_14095299295.jpg
http://nileup.com/up/uploads/nilemotors_14095299296.jpg

رائع

كدة ان شاء الله في اجازة العيد اللي جي حدور و بأذن الله حبلغك بالتطورات

قرية حورس الى بتتكلمو عليها دى الى هيا حورس والرمال الذهبيه فى الكيلو 73.5 ولا انا فاهم غلط ؟؟

مش فاكر اوى .. بس قرية عايدة بالمنظر دة ممتازة بالذات انها قرية كبيرة مش عك