لو الكلام ده صح ..يبقى بنزين 80 مش هيعمل مشكلة مع أي عربية إنجيكشن

**Abo_Mazen** · 30-08-2014 06:30 PM

دلوقتي أنا خدت بالي إن فيه عربيات إنجيكشن كتير فيها إسبراتير ..

طيب ما كده مشكلة البنزين 80 إتحلت أهي ..

ما هي مشكلة بنزين 80 كانت في نسبة الإنضغاط بتاعته ..واللي كانت بالتبعه بتعمل فرق في توقيت الإشتعال الخاص بشمعة الإحتراق..وهو ده اللي كان بيعمل تسقيف أو سكعه في السحب بتاع العربية ..لكن بوجود الإسبراتير تبقى العربيه زيها زي أي عربيه كربراتير بالضبط ..نأخر ونقدم الكهربا لغاية ما نضبط توقيت الإشعال طبقا للبنزين المستخدم ..ووقتها ..مفيش تسقيف ..مفيش سحب ضعيف ..ده طبعا مع ضمانة نظافة البنزين

أنا عايز حد يأكدلي المعلومة دي ..لإن أنا شايف إنها علميا مفيهاش مشاكل وقابله للتطبيق

**Zing0** · 30-08-2014 08:14 PM

علمياً صح
أدبياً مفيهاش مشاكل لو ضمنت إن البنزين إللى هيوصل للرشاشات نضيف و مش هيسده , و الكلام ينطبق على جميع أنواع البنزين المصرى مش 80 بس (الرواسب من خزانات البنزينات نفسها مش من البنزين)

عملياً: كنت بأفول و شوفت كرولا 2103 بتحط بنزين 80 و استعجبت لحد الإستغراب, بس المدهش إن العربية مشيت عادى خالص و لا كإن فيه أى مشكله, ربنا يبارك لصاحبها

**Omar Mahmoud** · 30-08-2014 09:59 PM

كلام صح
بس المشكلة إنك تكون ضامن إن البنزين نفسه نضيف و المشكلة التانية إنه مش متوفر زي ال92،95

**Abo_Mazen** · 30-08-2014 10:29 PM

الله ينور يا رجالة المنتدى على الكلام ..يبقى دلوقتي بقت المشكلة هي ضمانة نظافة البنزين 80 ..بس في حاجه بالنسبة للكورولا 2013 ...هي الكورولا 2013 فيها إسبراتير ؟؟..أصل أنا وجهة نظري اللي حضراتكوا أكدوها مبنيه على أساس إن في إسبراتير نقدر نرجلش منه الكهربا..لكن الكورولا متهيألي بمشط ..يعني من غير إسبراتير

**ahmedsm7** · 31-08-2014 10:19 AM

السيارات الحديثة فيها حساس اسمة (knock sensor)حساس الصفع وهو المسئول عن تعديل ميعاد الاشتعال وسوف يقوم تلاقيا بتعديل توقيت الاشتعال طبقا لرقم الاوكتان ولكن علي المدي البعيد سوف يكون لة تاثير علي ماتور السيارة وطلمبة البنزين والرشاشات .

**A.Roushdy** · 31-08-2014 11:42 AM

انا حطيت 80 مرة واحدة وعدت ومحستش باى فرق بينه وبين ال92 اللهم الا انه قعدد فترة كبيرة اكتر من ال 92
والموضوع فى توقيعى

**mo7eb elrasol** · 31-08-2014 12:33 PM

بصراحة بتصعب عليا احط ٨٠

**pxdev** · 31-08-2014 01:30 PM

حصلت معايا امبارح والراجل فول العربية بس تقريبا كان فيها 10 لتر 92
لقيتة بيحاسبنى على 42 جنية استغربت جدا وقولت يمكن ماملهاش للاخر
انا مقلق انى امشى بية وكنت عاوز اروح افضية ومش عارف اعمل اية وخايف يأثر على حاجة ..

**Nfs Rivals** · 31-08-2014 02:09 PM

هايضرب حساس الشكمان او حساس الاكسجين فى اى عربية انجكشن

لانه طير لي حساس الشكمان ب400ج
gm

وماناش شارية لاني مستكتر 400ج فى غلطة مني بايدي
وطير لي طقم الشنبر بتاع العربية بتاع الشركة الاصلي و جبت واحد استيراد بالمسطرة بالعافية

هو كويس بس للي لسه مستخدمة بعد ال92

بعد ما العربية هاتخد عالـ80

هاتخرب لك اجزاء معدودة فى العربية الانجكششششششن
اى عربية كاربراتير اللهم بي ام او اوكتافيا

هتبقي عسل معاك ولا اى مشكلة
لانه نظام حدافات مش رشاشات نازلة علي راس البيستون

وكفاية صوت السوك او التصقيفة بلغه الميكانيكية
سكسكسكسكسكسكسكسك
او
ككككككككككككككك

فى دوسة البنزين اوتو او مانوال
الصوت دة لو سمعته و انت حاطط 80 مضطر ابقي شيل رجلك وانت عالسريع او جوة البلد عشان ماتطيرلكش
السبايك الي ماسكة فى بيل البساتم

مفيش 92 فى البلد و عاوز تروح شغلك و مش عاوز تاخد المشوار تاكسي
حط 80 بتاع 10لتر بس او اقل
وهو مش بيطير بسرعة زي ال92

وحط رفع اوكتان
ولما تفول ال92

شغل التكيف و هدر فى ال80 الى فى التانك عشان تحط92 علي نظافة وال92 كفيل انه ينظفلك التانيك بمجري خراطيم البنزين من التانك للطرمبة للرشاش لراس البستم

**elrassy** · 31-08-2014 04:30 PM

علي فكرة انا حطيت فالايمي جراند 80 وتفويلة كاملة وسافرت بيها كمان وملقيتش فرق غير فالسحب بتاع العربية ودة خسيتة لما حطيت 92 تاني

الموضوع: لو الكلام ده صح ..يبقى بنزين 80 مش هيعمل مشكلة مع أي عربية إنجيكشن

LinkBack

أدوات الموضوع

عرض

-

-

هايضرب حساس الشكمان او حساس الاكسجين فى اى عربية انجكشن -

المواضيع المتشابهه

دلوقتى عربية انجكشن وبتنتش يبقى عيب اية ؟؟

ينفع اللابتوب يبقى سكانر عربية

لالالا فو فى صوت عربية ممكن يبقى كدة ياخوانا

لو العربية بتاكل بنزين يبقى ايه السبب

البنزين غلى-خلص الكلام-يبقى لازم تيجى معايا ننسى شوية

الكلمات الدلالية لهذا الموضوع

المفضلات

المفضلات

ضوابط المشاركة