مع السلامه يا فيات
عرض للطباعة
مع السلامه يا فيات
ياخسارة ان كنت فرحان قوى لانى جبت ريجاتا زيك و كمان موضوعاتك عنها كانت رائعة على العموم الف مبروك على السيارة الجديدة بس ياترا هى ايه وليه اخترتها؟ "بردوا علشان ابقى اجيب زيك تانى ههههههه"
انا معايا فيات 128 بقالها 20 سنة معايا و كنت بفكر ابيعها و اجيب واحدة جديدة بس كانت صعبانة عليا جداا و خصوصا انها معملتش في حياتها اكتر من 90 الف كيلو و حالتها حلوة فرجعت فكلامي و قولت حتى لو جيبت عربية جديدة اخلي دة تحت في الجراج اعمل بيها المشاوير الخفيفة و خسارة اني ابيعها
ده الموضوع اللى انا حكيت فيه على العربية اللى حلت محل الريجاتا
http://nilemotors.net/Nile/showthread.php?t=43693
مش عايز احبطك و لا حاجة ..
بس الصين .. الي مبيعات السيارات فيها السنة الي فاتت تعدت ال 2 مليون وحدة ( 300 الف في مصر )
ماركوني باشا كان معتبرها دولة نامية ,,, و اخيرا ! من كام شهر فقط تم اغلاق مصنع فيات في الصين الي مازال بيجمع الباليو و السيينا الشكل القديم .
و ابتدوا يستوردا سيارات فيات الجديدة هناك .
وتم عمل 2 اتفاقيات جديدة :
- مع شيري الصينية :
مساعدة شيري هندسيا و ماليا في افتتاح اكبر مصنع سيارات في الصين مملوك لشركة صينية بالكامل ( بيصنع سيارات من الالف الي الياء ) في 2010 .
باكورة انتاج هذا المصنع ستكون موديلاات فيات " بتاعة الدول الراقية " و موديلات الفا روميو , و تتوقع فيات ان تنخض اسعار سيارتها بمعدل 30 الي 45% .
السيارة ليينا سوف تطرح قريبا في الاسواق الروسية بمحرك اكتيكو 1600 الجديد بتاع الاسبرانزا A516 و احتمال ضئيل يصل الي مصر .
- مع زيوتي ( بتاعة الاكسبلوجن دي )
الشركة الصينية اخدت حق تجميع و تصنيع اقبح موديل فيات علي الاطلاق و هيا Multipla و مش بعيد تصلنا .
---
بالنسبة لمستقبل فيات في مصر .. مع التوكيل المجتهد و لكن الصغير .. صعب اوي يحصل انقلاب .. الا في حالتين منفردتين .
الحالة الاولي و هي عند بدا عمل وكيل الفا روميو الجديد " محمد نصير " اذا حقق اي نجاحات او ارقام قياسية ( لو اني شايف انه حيقضى علي نفسه بالتوكيل ده ) اعتقد ممكن يخطف توكيل فيات من اوماترا و تكون اوماترا توكيل صيانة فقط مثل النيل الهندسية ..
الحالة التانية و هي نزول الموديل الجديد من السيارة التي ستحل محل الاونو و الباليو و التي تحلم فيات بها ان تكون 128 العالم من جديد و لكن في شكل سيارة حديثة مبنية علي الجراند بونتو ب 5 نجوم امان و جميع كماليات السيارات الحديثة بثمن لا يتعدى ال 70 الف جنيه . بس للاسف السيارة دي مش حتنزل قبل 2010 - 2011 .
الي غايظني في الموضوع ان OMATRA دي شركة " سعودية " و هل اصلا صاحبة توكيل IVECO في مصر من زمان و هي صاحبة توكيل IVECO في السعودية ...
ازاي بخلاء كدة .. مش عارف .
دي صور تخيلية السيارة بديلة الاونو و الباليو الي بتكلم عليها :
http://images.forum-auto.com/mesimag...rt21001301.jpg
http://news-images.caradisiac.com/IM...o-1_grande.jpg
http://www.motorspain.com/wp-content...ec-ene08-8.jpg
بس أكيد ياسبعاوى باشا شعورك وانت بتبيع الشاهين كان أكتر من كده ( :
عموما الشاهين والريجاتا من نفس العائلة وربنا يباركلك فى عربيتك الجديدة ويحفظهالك ان شاء الله
أنا معاك في معظم كلام حضرتك عارف ليه ؟؟
لأن ساعات فيه ناس بتهاجمك على عربية معاك ، اللي يقولك ايه الي انت عامله في نفسك ده .. واللي يقولك دي عربية هتقرفك .. الخ الخ
وللعلم احيان كتير بيكون كلامهم ده حقيقي بسبب الخبرة الي اتحققت فيهم من خلال المشاكل المتكررة لنوع او موديل معين من السيارات ..
لكن فيه حاجه وهي :
السائق
السائق الي فاهم عن غيره
السائق الي حافظ عربيته
السائق الي بقى فيه ارتباط ممكن يوصل لارتباط عاطفي بدون مبالغة بعربيته
السائق الي يعرف يفك العربية حتة حتة ويركبها
تفتكر السائق الي بتكلم عنه ده هيتعب مع العربية زي واحد معاه عربية 2008 مهما كان نوعها بس جهله بالسيارات يرجع للعصور الوسطى :k48:
أستاذ سبعاوي .. ليست مجاملة .. وربنا يشهد
لكن انا متأكد ان أي عربية معاك هتدرسها كويس وعشان كده هتكون مريحاك (بإذن الله) .. مش عايز اطول أكتر من كده
ربنا يبارك لك في العربية الجديدة ويكفيك شرها :)
وتأكد إن الذكريات الجميلة عمرها ما بتنتهي :dunno:
تحياتي
ربنا يحسن لك بيعها يا خالد
ويا تري المرحومة كان إسمها إيه؟
والله أنا بتكلم بجد وبداعبك يا أستاذ سبعاوي
فهذه قصة حب علي صفحات نايل موتورز.
ولدي سؤال:
أظن أن هذا اللون ليس لون الفابريكة ولكن لون الفابريكة أحمر وهو المثبوت في الرخصة.
فهل هذا صحيح؟
الريجاتا دى فعلا على راى الصنيعيه - " مش فيات"
كان معايا نوفا واول ما جبتها تعبتنى لانى من الاقاليم والصنيعيه هناك اخرهم ال 1100 هههههههه- والله لسه شغاله مع ناس
بس بعد كام شهر وكنت خلاص هازهق منها هم اتعلموا وانا اقتنعت - واكتشفت انها فعلا عربيه سابقه جيلها
وللاسف ما جاش لى فرصه اخد اخر مشوار زيك يا باشمهندس لانى بعتها بتوكيل وانا بره مصر - فكرتنى بال 128 - نزلت مصر ابيعها - بعتها مع واحد رن على تليفون وقال الناس بيقولوا لك عايز كام - قلت له قال لى خلاص حلرجع لك بالفلوس - كنت فاكر انه حيرجع بيها اشوفها للمره الاخيره رجع فى تاكسى الناس خافوا ارجع فى كلامى - ههههههههه
فعلا شئ غريب شركه زى فيات تضحى بسوق زى مصر - بس اعتقد علشان ينتجوا جيل زى القديم حتبقى اسعاره فى السما